Titus 2:11 - De Beebaa Dabu

¹¹ Go hiidinga de abodonu o de Maadua ne hagaago mai, gi hagamouli ai dangada alodahi,

Titus 2:11 Referans Kwoze

1 Timothy 2:4

Gai ia e lodo mmao dangada alodahi gi hagamouli, aama de iloo de muna abodonu.

Ephesians 2:8

Go hiidinga o dono abodonu oodou ne hagamouli i de gai. Gai e dee go hiidinga o oodou hegau, aagai se mee ngadi gaamai nii de Maadua,

Isaiah 45:22

Henua i lalo alodahi, daahuli mai gi de au, gi ola ai goodou; i hiidinga go au donu huu de Maadua, e deai ange donu.

Hebrews 2:9

Aagai gidaadeu gu gidee Iesu, de ia ne hai laa ga maolalo ange i de gau de langi i dahi masavaa bodobodo, gai iainei ia gu hagahau i de mahamaha ma de hagadubu, go hiidinga ia ne hagaduasala ga magau, gai ia ga mami ange ai de magau i hiidinga o dangada alodahi, i de abodonu o de Maadua.

Ephesians 2:5

ne hagamouli age gidaadeu madali Klisdo i de masavaa odaadeu goi maakau ai i lodo odaadeu haisala — goodou gu hagamouli i dono abodonu.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

Romans 5:15

Aagai e dee dagodo daudahi de mee ngadi gaavange ma de haisala. Noo ne soa dangada ne maakau i hiidinga haisala o dahi dangada, gai e kii ange donu de soa dangada e gaavee de abodonu o de Maadua ma de ngadi gaavange o de abodonu i hiidinga o dahi dangada, go Iesu Klisdo.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Luke 3:6

Gai dangada alodahi e gidee naa de hagaola a de Maadua!’ ”

1 Timothy 1:14

Gai tegi laumalie o taadeu Dagi Maolunga ne gaamai gi de au i de gai ma de aloha i daho Klisdo Iesu.

Romans 5:2

gai go ono hiidinga adaadeu ne kave ai nei de abodonu o de Maadua i de gai. Gai gidaadeu e tala tuhi taadeu tali de masavaa adaadeu e kave ai de mahamaha o de Maadua.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Psalm 96:10

Hai ange gi denga huaahenua, “Go Tagi Maolunga tagi.” Henua i lalo gu hagaduu ma gu makaga, gai e dee maua naa donu gi baguu; ia e hagamodu naa muna o dangada i de heohi.

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

Galatians 2:21

Au e dee hagangadi mee de abodonu o de Maadua; go hiidinga noo gimaadeu ne hagaheohi i de hainga, aagai teai donu haigamaiana de magau o Klisdo.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

Acts 13:47

Go hiidinga deenei de mee a Tagi Maolunga gu tala mai gi gidaadeu, e hagadaba: ‘Au gu hai goe gi se maalama ange gi denga Gentile, gai koe ga kave ai de hagaola gi de bido laa o henua i lalo.’ ”

Acts 13:43

Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.

John 1:9

De maalama abodonu e hagamaalama ina laa dangada alodahi ne humai gi henua i lalo.

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Zechariah 4:7

De mounga laumalie, go koe goai? Zerubbabel e hai naa goe ga bei de mommee e soe laa. Gai ia e gaamai naa tuludulu o de logunga, gai dangada e oo naa ga hagataba, ‘Ia gi hagamanuuia ina de hadu! Ia gi hagamanuuia ina de hadu!’ ”

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Romans 10:18

Aagai au e ssili adu: E aha, gilaadeu tigi langona laa donu? Uaa, gilaadeu gu langona donu, go hiidinga gu sisi e hai ange, “Olaadeu leo gu hulo ma gu tae gi henua i lalo alodahi, gai alaadeu muna gu tae gi luu bido o henua i lalo.”

Psalm 67:2

gi iloo ai dagodo o oo haiava i henua i lalo, ma dau hagaola i denga huaahenua alodahi.

Acts 17:30

I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo.

2 Timothy 1:10

gai iainei gu hagaago mai i de humai o taadeu Ia Hagaola go Klisdo Iesu, go de ia ne haia gi deai se sauaa o de magau, gai ga gaamai de mouli aama de mouli e dee ngado mai i de longo danuaa.