Ruth 4:11 - De Beebaa Dabu

¹¹ Gai dangada alodahi e nnoho i de haitoga o de aduhale ma denga daane maatua i kilaa, ga hai ange gi de ia, “Uaa, go gimaadeu e hagadonu ai mee nei. Tagi Maolunga gi haia de hine ga humai nei gi doo hale gi bei dagodo o Rachel ma Leah, luu haahine ne hagadili ai de gau Israel. Koe gi se dangada e lava i Ephrathah ma de hagadeledele danuaa doo ingoo i Bethlehem.

Ruth 4:11 Referans Kwoze

Genesis 29:32

Gai Leah gu hai dama ga haanau dahi dama daane, gai ia ga hagaingoo ange ia go Reuben, gai ia ne hagadaba, “Tagi Maolunga gu gidee dogu duasala, dua iainei gai dogu bodu e aloha donu i de au.”

Matthew 2:6

‘Aagai koe, Bethlehem, i de henua o Judah, koe e dee maolalo ange donu i denga aduhale maolunga o Judah; go hiidinga e sula age naa i oo daha dahi dagi gai ia ga dagi ai dogu huaadangada go Israel.’ ”

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Psalm 132:6

Tilo, gimaadeu ne langona i Ephrathah; gai gimaadeu ne gidee i lo te duu malaelae o Jaar:

Ruth 1:2

De ingoo o taane laa go Elimelek, de ingoo o dono bodu go Naomi, gai ingoo o luaalaau dama daane go Mahlon, ma Kilion; gilaadeu ni dangada Ephrath, ne loomai i Bethlehem i Judah ga hulo ga nnoho i de henua go Moab.

Deuteronomy 25:9

gai de hine laa gi hano gi baa ange ia gi dono maa i mada i mua o denga dagi, gai ia gi aaua dahi mee vae o taane laa, ma de saavale ange gi luu mada, ga hai ange, “Deenei de hai e hai ai taane e dee lodo e hagaduu age de huaabodu o dono daina daane.”

Genesis 24:60

Gai gilaadeu ne hagamanuuia Rebekah, ga hai ange gi de ia, “Demaadeu daina, koe gi hagadili gi dagisemada dama; oo hagadiilinga gi henua i aduhale o olaadeu hagadaumee.”

Proverbs 14:1

De hine heiangi e hagaduu age dono hale, aagai de hine lodo senga e oha iho dono hale.

Genesis 23:10

Gai taane go Ephron e noho donu i magavaa o dangada i kilaa, gai Ephron, taane mai i de aamuli o Heth ga basa ange, ga hai ange gi Abraham i madamada o de gau Heth, gu nnoho laa i gaogao de haitoga o de aduhale,

Genesis 29:25

Gai taiao age huu, gai Jacob gu gidee bolo de hine laa go Leah. Gai Jacob ne hai ange gi Laban, “Se hegau bee hee aau gu hai mai nei gi de au? E aha, e dee go hiidinga o Rachel oogu ne hai hegau adu ai laa gi de goe? Gai gu aha goe gu daahanga ai nei au?”

Proverbs 31:23

Dono bodu se daane hagadubu i de haitoga o de aduhale, madali denga daane maatua o de henua.

Genesis 29:16

Gai Laban e dogolua ana damaa hine; de ingoo o tamaa hine madua go Leah, gai de ingoo o tamaa gauligi go Rachel.

Genesis 35:23

Dama a Leah: go Reuben, tama madua a Jacob, ma Simeon, ma Levi, ma Judah, ma Issachar aama Zebulun.

Genesis 35:24

Dama a Rachel: go Joseph ma Benjamin.

Deuteronomy 25:7

Gai noo taane laa e dee lodo e hai bodu ange gi dono maa, gai de hine laa gi hano gi de haitoga o de aduhale, i daho denga dagi, ga hai ange gi gilaadeu, “Dogu maa e dee lodo e hai gi dee lilo de ingoo o dono daina daane i Israel. Ia e dee lodo e hai bodu mai gi de au e sui ai dono daina.”

1 Kings 21:8

Gai Jezebel ga sisi hanu leda i de ingoo o Ahab, ga maaga i de buulei hagailonga o Ahab, ga kave gi denga daane maatua ma de gau aamua i de aduhale o Naboth e noho ai laa.

1 Chronicles 2:51

ma Salma, tamana o de gau Bethlehem, aama Hareph, tamana o de gau Beth Gader.

Jeremiah 32:10

Gai au ne ssaini de beebaa o de alahenua laa ga hagailonga ga pono, i madamada o de gau hagadonu, aama de hagahidi denga selevaa e hagao ai.