Romans 9:7 - De Beebaa Dabu

⁷ Gai e dee gilaadeu alodahi ni dama nii Abraham i hiidinga gilaadeu ni hagadiilinga niiona. Aagai “go de aamuli o Isaac e dau bolo go doo hagadiilinga.”

Romans 9:7 Referans Kwoze

Genesis 21:12

Gai de Maadua ga hai ange gi Abraham, “Aude manavasaa i hiidinga o tama naa, aama hiidinga o doo hahine hai hegau. Gai be se aha naa huu a Sarah e hai adu koe gi haia, gai koe haia gi bei, go hiidinga go daho Isaac e hagadili ai doo aamuli.

Hebrews 11:18

e dee galemu donu de Maadua gu hai ange gi de ia, “Go daho Isaac e loomai ai doo hagadiilinga.”

Galatians 4:23

Tama a de hine hai hegau ne haanau bei dagodo hagatau a dangada, aagai tama a de hine ilaage ne haanau bei dagodo de hagatoo donu a de Maadua.

Philippians 3:3

I hiidinga go gidaadeu donu de tuu dagaholiage abodonu, gai e daumaha ange gi de Maadua i de hagasaalunga ma de malangilangi i taadeu buni ma Klisdo Iesu, gidaadeu e dee tali hagalodolodo ange gi mee e hai i de angaanga.

Luke 3:8

Goodou hagaagona mai i oodou hegau bolo goodou gu daahuli abodonu oodou lodo. Gai goodou aude hagataba, ‘Gimaadeu ni dama nii Abraham.’ Au e hai adu gi goodou, de Maadua e maua i de hai hadu nei e hai ai dama a Abraham!

John 8:33

Gilaadeu ne hai ange gi de ia, “Gimaadeu ni mogobuna niio Abraham, gai tigi ai donu semaadeu hai ga ni dangada hai hegau dee ilaage. Gai dee hee dau hai e hagadaba ai naa bolo gimaadeu e hai naa ga ilaage?”

Luke 16:30

Gai taane laa ne hai ange, ‘Tamana go Abraham, e deai! Noo dahi dangada e mouli age ga hano gi olaadeu daha, gai gilaadeu e daahuli naa donu olaadeu lodo.’

Matthew 3:9

Gai goodou aude hagataba, ‘Gimaadeu ni dama nii Abraham’. Au e hai adu gi goodou, de Maadua e maua donu i de hai hadu nei e hai ai dama a Abraham!

Galatians 4:28

Denga daina, goodou e bei dagodo o Isaac, goodou go dama ne haanau bei dagodo o de hagatoo donu.