Romans 9:6 - De Beebaa Dabu

⁶ Aagai e dee go muna a de Maadua e deai ono haigamaiana. Gai e dee go dangada alodahi i de aamuli o Israel, ni dangada Israel abodonu.

Romans 9:6 Referans Kwoze

Galatians 6:16

De baba ma de abodonu gi dagodo i daho dangada e hai hegau i mee nei, ma daho dangada o de Maadua go de gau Israel.

Romans 3:3

Gai noo hanu e dee hai hegau i de mee abodonu? Gai e maua naa delaadeu dee hai hegau i de muna abodonu, i de hai gi dee hai haigamaiana de hai hegau o de Maadua i de mee abodonu?

John 1:47

Gai ga gidee huu e Iesu Nathanael i dono masavaa ne dae mai ai, gai ia ga tala ono dagodo ga hagadaba, “Taane nei se daane Israel abodonu, gai e deai donu se muna hhadu i ono daha!”

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

Matthew 24:35

De langi ma henua i lalo e llilo naa donu, aagai agu muna e dee llilo donu.

Isaiah 55:11

gai e bei ai hogi, muna e tala i dogu ngudu e dee ngadi aahe mai donu gi de au, aagai e hagassula ogu mee e lodo ai, ma de hai gi bei mee alodahi aagu gu tala ange gi haia.

2 Timothy 2:13

noo gidaadeu e dee hai hegau i de mee abodonu, gai ia e dee tuu donu dono hai hegau i de mee abodonu. Go hiidinga ia e dee maua i de hagahadu muna donu huu ia.

John 10:35

Gidaadeu e iloo bolo muna a de Beebaa Dabu e dee maua donu i de oha ga hano ai; gai de Maadua tee hagabinga gilaadeu ne gaavange aagena ana muna bolo ni maadua?

Romans 9:4

Gilaadeu go dangada o Israel, gai go gilaadeu donu denga dama daohi a de Maadua, go gilaadeu ne gaavange aagena de mahamaha, ma de hagatoo donu hagaheloongoi, ma de hainga a Moses, ma de hai daumaha heohi, aama denga hagatoo donu.

Philippians 3:3

I hiidinga go gidaadeu donu de tuu dagaholiage abodonu, gai e daumaha ange gi de Maadua i de hagasaalunga ma de malangilangi i taadeu buni ma Klisdo Iesu, gidaadeu e dee tali hagalodolodo ange gi mee e hai i de angaanga.