Romans 9:20 - De Beebaa Dabu

²⁰ Koe se dangada, gai go koe goai, gai koe ga tugi ange ai muna a de Maadua? E maua e de gumedi hadu i de hai ange gi tangada hai gumedi, “Gu aha goe gu hai ai nei au gi dagodo bee nei?”

Romans 9:20 Referans Kwoze

Isaiah 29:16

Goodou e llui gee denga mee, goodou e hai tangada hai gumedi gi bei dagodo o bela pigi! Gai e maua e mee ne hai i luu lima o tangada hai gumedi i de hagadaba, “E dee go ia donu ne haia nei au”? Gai e maua e de gumedi hadu i de hagadaba i tangada ne haia ia, “Ia e deai donu ana mee e iloo”?

Isaiah 64:8

Gai iainei, Tagi Maolunga, go koe demaadeu Damana. Gimaadeu go denga bela pigi, gai koe go de ia hai gumedi hadu; gimaadeu alodahi ni mee niiau ne hai.

De Beebaa go Job 33:13

Gai gu aha gu nanu ange ai naa goe i de ia, gai ia e dee basa ange donu gi muna a dangada?

De Beebaa go Job 40:2

“E aha, e maua e tangada e hagabaubau ina de Ia Mmahi Mmao laa i de hagadaumee ange gi de ia? Koe ne hagabaubau de Maadua — basa ange gi ana muna!”

Matthew 20:15

E aha, e dee heohi dagu hai be se aha oogu e lodo ai i agu mee donu? Aabe goodou gu lodo gaiaa naa i hiidinga au e abodonu?’

De Beebaa go Job 16:3

Tigi lava naa donu oodou ngadi muna e tala? Se aha ne haia goodou ga pasa mai bee naa?

1 Timothy 6:5

ma tee heloongoi magavaa de gau maanadu baubau, e dee iloo laa e gilaadeu de muna abodonu. Gilaadeu e maanadu bolo alaadeu hai daumaha e hai ga maua e gilaadeu sseene lagolago.

1 Corinthians 1:20

Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?

De Beebaa go Job 40:8

E aha, koe e hai gi dee sula dagu hagamodu heohi? Koe e hagamodu ogu muna gai ga hagaheohi goe?

De Beebaa go Job 36:23

Goai ne daalaa ange dono haiava e hano ai, gai goai ne hai ange, ‘Koe gu hai dahi mee dee heohi’?

James 2:20

Koe se dangada donu senga, koe e lodo gi hagaagona adu bolo de gai e deai laa ono hegau e deai donu ono haigamaiana?

Titus 2:9

Agoagona ange de gau hai hegau dee ilaage gilaadeu gi daudali i lodo olaadeu dangada aamua, ma de hagamalangilangi gilaadeu i mee alodahi, aagai gi dee hagadaumee ange gi gilaadeu.

Romans 2:1

Deenei ai, koe, tangada e hagabaubau ina laa tangada ange laa, koe e deai donu soo heohi e hagabaubau ai dahi dangada. Koe e hagaduasala naa donu i dau hagabaubau dahi dangada, aagai koe e haisala hogi i mee nei.

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

De Beebaa go Job 40:5

Au gu basa i dahi hanonga, aagai au e dee ahe ange donu e basa adu; gu deai ange donu agu muna e tala.”

1 Corinthians 7:16

De hine dau bodu, koe e dee iloo donu be go koe e hidi ai de hagamouli o doo bodu. Taane dau bodu, koe e dee iloo donu be go koe e hidi mai ai de hagamouli o doo bodu.

2 Samuel 16:10

Aagai de hodooligi ga hai ange, “Luu dama daane a Zeruiah, e deai donu ooluu mee e hai i mee nei. Noo taane nei e hagamalaia au, i hiidinga Tagi Maolunga gu hai ange ia gi hagamalaia ina au, gai goai e maua i de ssili ange, ‘Gu aha gu hai ai naa goe de hegau naa?’ ”

De Beebaa go Job 9:32

Ia e dee se dangada bei au, gai au ga basa ange ai gi de ia, aabe gimaau e hagadau gaavange i de hagamodu muna.

Isaiah 10:15

E aha, e maua e taguu i de hagadaba, bolo ia e kii ange i tangada e hagaabo ina, aabe go ssoaa i de hagadaba bolo ia e kii ange i tangada e soaa ina mee? E dagodo be go dahi laagau e hagaabo ina tangada e daohia age, aabe go de laagau e daohia age tangada e dee se laagau laa!

Jeremiah 18:6

“E hagadaba Tagi Maolunga: De gau Israel, au e maua donu i de hai adu gi goodou hegau a tangada hai gumedi e hai. De gau Israel, tilo, goodou ni bela pigi i lodo luoogu lima, bei denga bela pigi i lodo luu lima o tangada hai gumedi hadu.

Daniel 4:35

Dangada alodahi e nnoho i henua i lalo e bei donu teai i ono daha. Ia e hai ono mee e lodo ai i denga hagabuulinga hebagi o de langi aama dangada e nnoho i henua i lalo. Gai e deai donu e maua i de daohi dono lima, aabe go de ssili ange gi de ia, “Ni aha aau e hai naa?”

Luke 12:14

Iesu ne hai ange gi de ia, “Taane nei, goai ne haia ngau gi se dangada hagamodu muna aabe se dangada e vaaea ooluu mee ma doo daina?”

Romans 2:3

Gai koe, tangada e hagabaubau ina gilaadeu e haia hegau bee nei, aagai koe e hai donu hogi mee nei, koe e maanadu naa bolo koe e maua gi ola mai i de hagaduasala a de Maadua?

Romans 9:21

Tangada hai gumedi e maua donu i de hai be ni aha aana e lodo e hai i bela pigi; ia e maua i de hai dahi hagabuudungaa bela pigi ga hai ai dahi gumedi hagamogomogo aabe go dahi gumedi e hai mee ai i de laa tubua!

Romans 9:22

Gai de Maadua ne lodo e hagaago mai dono lili ma dono sauaa mmahi, i de golomagi ono lodo i gilaadeu aana gu baba ange e daa gi maakau,

Romans 14:4

Gai go koe goai, gai koe ga hagabaubau ai tangada hai hegau o dahi dangada gee? Go dono dangada aamua donu huu e hagamodu ina be ia e duu ma e makaga aabe e deai. Gai ia e duu naa donu ga makaga, i hiidinga Tagi Maolunga e maua i de hai gi duu ia gi makaga.

2 Timothy 2:20

Lo te hale o tangada lava iai denga goloa goolo ma goloa selevaa, aagai iai hogi goloa e hai i laagau ma bela pigi; hanu ni mee ange gi hegau hagamogomogo, gai hanu ange gi hegau i de laa tubua.