Romans 8:7 - De Beebaa Dabu

⁷ Go hiidinga maanadu a de angaanga e hagadaumee ange donu gi de Maadua, ma tee hagallongo ange gi hainga a de Maadua, gai e dee maua donu i de hai mee nei.

Romans 8:7 Referans Kwoze

1 Corinthians 2:14

Tangada e dee noho de Hagasaalunga i ono daha e dee maua i de kave mee e loomai i daho de Hagasaalunga o de Maadua, aagai e maanadu bolo mee nei ni ngadi muna, ia e dee donu ange aagena, go hiidinga go gilaadeu donu huu e noho de Hagasaalunga i olaadeu daha e tonu ange aagena.

James 4:4

Goodou dangada e dee hai hegau i de mee abodonu! Goodou e dee iloo laa bolo tangada e hai soa ange gi henua i lalo e hai baasi ange donu gi de Maadua? Deenei ai, be goai e lodo e hai soa ange gi henua i lalo, gai ia e hai donu ia gi se hagadaumee niio de Maadua.

Romans 7:22

Au e malangilangi i de hainga a de Maadua, i ogu lodo alodahi,

Hebrews 8:10

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba: au e hai naa gi daakodo agu hainga i lodo alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

2 Timothy 3:4

gilaadeu e hagabaubau dangada, e moolau olaadeu lodo, e hagamaolunga, gai e kii ange de llodo e hai olaadeu mee e malangilangi ai, i delaadeu aaloha i de Maadua;

Colossians 1:21

I mua gai goodou e bei de gau henua gee i daho de Maadua, gai ni hagadaumee niiona i oodou maanadu, ma de hai denga hegau baubau.

Romans 8:4

gi maua ai e gidaadeu e dee daudali laa i lodo o de angaanga, aagai e daudali i lodo o de Hagasaalunga ⌊Dabu⌋, i de hagasula de hainga heohi i odaadeu lodo.

Romans 5:10

Gai noo de masavaa odaadeu ni hagadaumee ai niio de Maadua, gai gidaadeu ne hagadanuaa odaadeu magavaa ma de Maadua, i de magau o dana Dama, gai dee hee maa ai naa de kii ange taadeu maua de hagamouli i hiidinga o dono mouli, i dua de hagadanuaa oodou magavaa ma de Maadua.

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

John 7:7

Henua i lalo e dee kino i goodou, aagai e kino i de au, go hiidinga au e tala bolo hegau e hai i henua i lalo e baubau.

Romans 3:31

Gai e maua ai naa e gidaadeu i de tili hainga a Moses i hiidinga gidaadeu gu hagaheohi i odaadeu kai? E dee maua donu! Aagai gidaadeu gi hagasula ina de hainga.

Romans 1:30

ni dangada hai samu, ma de kino i de Maadua, ma teai se hagadubu i olaadeu daha, ma de llodo maolunga, ma de pasa hagassoenga, ma de hagahale age mee baubau, ma tee hagallongo ange gi denga maadua,

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

2 Peter 2:14

Olaadeu mada e haaina denga haahine hai be se manu, gai e dee lava donu olaadeu llodo i de haisala. Gilaadeu e hagasenga gilaadeu e baageaa olaadeu lodo. Gai olaadeu lodo gu hagaabo ange gi de nnoo hagamau mee. Gilaadeu gu hagamalaia donu!

Matthew 5:19

Deenei ai, be goai e dee daohia dahi hainga damaa mee nei, ma de agoago ange dangada gi dee haia mee nei, gai go ia hugadoo e maolalo i de nohoanga hodooligi o de langi. Aagai be goai e daudali ai ma de agoago mee nei, gai ia e hagabinga bolo e maolunga i de nohoanga hodooligi o de langi.

Jeremiah 13:23

E aha, e maua e tangada Ethiopia i de sui de leebunga o dono gili, be go de leopard i de sui denga mee daubulebule i dono gili? Gai e bei ai hogi, goodou e dee maua donu i de hai tanuaa go hiidinga goodou gu aabo i de hai de baubau.

2 Chronicles 19:2

Gai Jehu, taane e daalaa mee e loomai, tama daane a Hanani, ne humai ga hedae ange gi de ia, ga hai ange, “Gu aha goe gu hano ai e bale ange de gau baubau, ma de aloha ange gi gilaadeu e kino i Tagi Maolunga? Go hiidinga koe ne hai de mee nei, Tagi Maolunga e lili naa ga hai baasi adu gi de goe.

Psalm 53:1

Tangada lodo senga e hagadaba i ono lodo, “E deai donu se Maadua.” Gilaadeu alodahi e hakino gee, alaadeu hegau e hai e baubau; e deai donu se dangada e haia tanuaa.

1 Corinthians 9:21

Au gu hai gi se dangada e deai agu hainga i hiidinga olaadeu e deai alaadeu hainga, (e dee galemu naa donu dagu dee mau i tee daudali i de hainga a de Maadua, aagai au e noho donu i lalo de hainga a Klisdo,) gi maua ai e au hanu dangada e deai laa alaadeu hainga.

Exodus 20:5

Aude daumaha ange gi gilaadeu, aabe gi hai hegau ange gi gilaadeu; i hiidinga go au go Iahweh doo Maadua, au se Maadua e maagoda. Au e hagaduasala denga dama, i hiidinga baubau o olaadeu maadua, ga dae ai loo gi tolu ma de haa atangada o dangada e kino i de au,

Colossians 2:18

Goodou gi dee dugua ange dahi dangada gi haia gi dee dau goodou, i dana hagammahi adu goodou gi hagamaolalo i de hadu muna, ma de daumaha ange gi denga dangada de langi, ma de tala hanu midi hagaago ange, ga hagasoenga ai i teai hiidinga, i ana maanadu dee heohi.

De Beebaa go Job 15:13

ma de hagaago ange doo lili gi de Maadua, gai koe ga tala ai au muna naa?

Ezekiel 14:5

Gai au ga hagaahe mai ai lodo o de gau Israel alodahi gu hulo gee laa i de au i hiidinga delaadeu daumaha ange gi denga diinonga.’