Romans 8:38 - De Beebaa Dabu

³⁸ Gai au e iloo abodonu bolo e dee maua donu e de magau be go de mouli, be go de gau de langi, be go de masavaa iainei, be go de masavaa e humai, be go dahi sauaa daudahi,

Romans 8:38 Referans Kwoze

John 10:28

Au e gaavange gi gilaadeu de mouli e dee ngado mai, gai gilaadeu e dee haihai naa donu ga maakau; gai e deai donu se dangada e maua i de aau gee gilaadeu mai i lo togu lima.

Romans 14:8

Noo gidaadeu e mouli, gidaadeu e mouli e hagadubu ai Tagi Maolunga; noo gidaadeu e maakau, gai gidaadeu e maakau e hagadubu ai Tagi Maolunga. Deenei ai, gidaadeu nii Tagi Maolunga e dee hilihili be gidaadeu e mouli be maakau.

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

Colossians 1:16

Gai go ia hogi ne haia mee alodahi i lo te langi ma honga henua i lalo, mee e gidee ma mee e dee gidee; bei denga nohoanga hodooligi, ma gilaadeu e mmahi, ma gilaadeu e dagi, ma gilaadeu iai ssauaa e dagi ai; mee alodahi go ia ne haia gai ne hai ange donu gi de ia.

Colossians 2:15

Ia ne kave gee ssauaa o denga dagi ma gilaadeu iai ssauaa e dagi ai, ga hagangadi mee gilaadeu i madamada o dangada, ma de hagadee kii gilaadeu i de laagau lui.

Ephesians 1:21

ga hai ia gu maolunga ange i denga hagasaalunga alodahi e dagi laa, ma gilaadeu iai ssauaa, ma de mmahi, ma de maolunga, ma ingoo maolunga alodahi, e dee go iainei donu huu, aagai go de masavaa hogi e humai.

2 Corinthians 4:13

Gidaadeu gu kave de hagasaalunga daudahi o de gai, bei de hai gu sisi ai laa, “Au e hagadonusia, deenei ai au e tala.” Gimaadeu e hagadonusia hogi, deenei ai, gimaadeu e tala,

Romans 4:21

ia ne hagadonusia bolo de Maadua e maua i de hagassula ana mee gu lava i de hagatoo donu.

2 Corinthians 11:14

Gai gidaadeu e dee llele donu odaadeu mouli i mee nei, go hiidinga Satan e hagadulagi ange donu hogi gi tangada de langi o de maalama.

Hebrews 11:13

Gilaadeu nei alodahi ne mouli i de gai ga dae ai gi delaadeu maakau. Gilaadeu tee kave mee gu lava laa i de hagatoo donu; aagai gilaadeu ne gidee donu huu, bolo mee nei e loomai naa i muli mai ma de malangilangi ai. Gai gilaadeu ne tala bolo gilaadeu ni dangada henua gee, gai ni dangada e nnoho gaainga i henua i lalo.

Romans 6:23

Gai de hagaoanga o de haisala go de magau, gai de mee ngadi gaavange a de Maadua go de mouli e dee ngado mai i lodo o Klisdo Iesu taadeu Dagi Maolunga.

Romans 14:7

E deai donu se dangada e huahua ai i dono mouli, aabe e huahua ai i dono magau.

1 Corinthians 15:24

Gai dua mee nei go de hagaodi o mee alodahi, go de masavaa a Klisdo e dugu ange ai de nohoanga hodooligi gi de Maadua Tamana, i de lava dana hagadee kii denga hagasaalunga e dagi laa, ma hagasaalunga iai ssauaa laa, aama denga hagasaalunga mmahi.