Romans 8:34 - De Beebaa Dabu

³⁴ Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

Romans 8:34 Referans Kwoze

Hebrews 7:25

Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.

Romans 8:27

Gai de Maadua e gidee dagodo lodo o dangada ma lodo o de Hagasaalunga, go hiidinga de Hagasaalunga e dalodalo i dangada o de Maadua bei dagodo de hagatau a de Maadua.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

Hebrews 9:24

Go hiidinga Klisdo tee ulu i de mommee dabu ne hai laa i lima o dangada, go de ada o de mommee dabu abodonu; aagai ne ulu donu gi de langi, gai iainei gu i mada luu mada o de Maadua i odaadeu hiidinga.

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

Mark 16:19

Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua.

Colossians 3:1

Noo goodou gu mouli age madali Klisdo, gai goodou gi hai mee ange gi mee i lunga, go de mommee o Klisdo e noho ai i de baasi madau o de Maadua.

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Psalm 109:31

Ia e duu i de madau e bale ange ai tangada hagaaloha, e hagamouli ia mai i gilaadeu gu gaavange ia e daa gi magau.

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Romans 14:9

Deenei de hiidinga o Klisdo ne magau ai laa ma de mouli age ange, gai ia ga hai ai go Tagi Maolunga olaadeu e maakau aama gilaadeu e mouli.

Romans 4:25

Ia ne gaavange e daa gi magau i hiidinga odaadeu haisala, gai ne mouli age ange e hagaheohi ai gidaadeu.

Jeremiah 50:20

Laangi laa ma de masavaa laa, go Tagi Maolunga e hagadaba, gai e ssala naa gi gidee baubau o Israel, aagai e deai naa donu haisala e gidee; e ssala naa hogi gi gidee haisala o Judah, aagai e deai naa hogi e gidee, go hiidinga au e degi ange naa gi dangada aagu e hagaola.

Psalm 37:33

aagai Tagi Maolunga e dee dugu ange naa donu ia gi ssauaa o tangada baubau, aabe e dugu ange gi hagabaubau ina ia i de masavaa e hagamodu ai ono muna.

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Romans 14:13

Deenei ai, gidaadeu ga tuu taadeu hagadau hagabaubau; aagai gi baba i odaadeu lodo bolo gidaadeu e dee hai dahi mee e hagabaageaa ai lodo o dahi, aabe gi ahe dua ai dahi oodou daina.

John 16:23

De laangi laa gai goodou e dee dangidangi mai naa gi de au i dahi mee. Ni muna abodonu, ni muna abodonu aagu e hai adu gi goodou, be ni aha naa huu oodou e dangidangi ange ai gi Tamana i ogu hiidinga, gai ia e gaavadu naa donu gi goodou.

John 14:19

E dee mmule naa donu, gai de gau henua i lalo gu dee gidee au, aagai goodou e gidee au; go hiidinga au e mouli gai goodou e mouli naa hogi.

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

De Beebaa go Job 33:24

ma de abodonu ange gi de ia, ga hai ange, ‘Hagaola ina ia mai i de mommee o de gau maakau, au gu gidee de hai e hagaola ai ia’ —

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

Isaiah 50:8

De ia e daalaa dogu heohi e baa mai donu gi de au. Gai goai ai naa e hagabaubau ina au? Gidaadeu ga hagadau gaavange i de mommee hagamodu muna. Goai e lodo e hagabaubau au? Gai ia gi humai.

Acts 2:24

Aagai de Maadua gu hagamouli age hogi ia ma de hagaola ia mai i ssauaa o de magau, go hiidinga de magau e dee maua donu i de daohi ia.

Numbers 7:15

ma e dahi kaau daane gauligi, ma e dahi ssiibi daane, ma e dahi ssiibi daane gu dahi laa ono ngadau, e hai ai ssigidaumaha dudu;