Romans 8:31 - De Beebaa Dabu

³¹ Gai aahee ai adaadeu muna ange gi de mee nei? Noo de Maadua e bale mai gidaadeu, gai goai ai naa e maua i de hai baasi mai gi gidaadeu?

Romans 8:31 Referans Kwoze

Psalm 118:6

Tagi Maolunga e hagabuni mai donu gi de au; au e dee madagu donu. Ni aha naa donu a dahi dangada e maua i de hai mai gi de au?

Jeremiah 1:19

Gilaadeu e hebagi adu naa gi de goe, aagai gilaadeu e dee kii naa donu, go hiidinga au madali goe ma de hagaola goe,” go Tagi Maolunga e hagadaba.

Psalm 56:11

au e hagadonusia de Maadua; au e dee madagu donu. Gai se aha naa donu a dahi dangada e maua i de hai mai gi de au?

1 John 4:4

Aagai goodou e agu dama, goodou ni dama donu nii de Maadua, gai gu hagadee kii denga pelaabisi hadu muna laa, go hiidinga de ia e noho i oodou lodo e mmahi ange i de ia i henua i lalo nei.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Jeremiah 20:11

Aagai Tagi Maolunga madali au bei dagodo o taane hebagi mmahi; deelaa ai, ogu hagadaumee e maakulu naa donu ma tee kii i de au. Gilaadeu e dee kii naa donu ma de dookaa, gai e dee maua naa donu gi ngalo delaadeu dee hagadubulia.

Psalm 56:4

Au e tuhi de Maadua i hiidinga ana muna, au e hagadonu de Maadua; au e dee madagu donu. Gai ni aha naa a dahi dangada e maua i de hai mai gi de au?

Numbers 14:9

Gai goodou aude hai baasi ange gi Tagi Maolunga, be gi maatagu i dangada o de henua laa, go hiidinga e hai ngaohie donu taadeu hagadee kii gilaadeu. Gilaadeu gu deai selaadeu buibui, aagai Tagi Maolunga e noho madali gidaadeu; goodou aude maatagu i gilaadeu.”

Deuteronomy 33:29

De gau Israel, goodou gu manuuia! Goai e bei oodou dagodo, dangada a Tagi Maolunga gu hagaola? Ia e bei doodou mee hungihungi ma doodou bale aama doodou gadilaasa e kii ai. Oodou hagadaumee e maatagu naa i goodou, gai goodou e dagadagahi naa olaadeu mommee daumaha.”

Genesis 15:1

Dua mee nei gai Tagi Maolunga ne hagaago ange ana muna gi Abram i de midi, ga hai ange, “Abram, aude madagu. Go au dau mee hungihungi, gai go doo hagaoanga laumalie.”

Psalm 46:7

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Joshua 10:42

Joshua ne hagadee kii denga hodooligi laa alodahi, ga kave olaadeu henua i de masavaa laa, i e dahi donu huu hanonga, go hiidinga Tagi Maolunga de Maadua o Israel, ne hebagi i hiidinga o Israel.

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

1 Samuel 14:6

Gai Jonathan ne hai ange gi tama daane e sabaia laa ono goloa hebagi, “Humai, gidaau ga hulo gi de mommee o denga hagabuulinga hebagi o dangada e dee tuu dagaholiage; kana adu Tagi Maolunga e bale mai naa gidaau, go hiidinga e deai donu se mee daudahi e maua i de buibui Tagi Maolunga i de hagaola, e dee hilihili be ni dangada soa aabe ni dangada sogoisi.”

Romans 4:1

Gai aahee ai adaadeu muna ange gi dagodo o mee a Abraham, taadeu dubuna madagidagi, ne gidee?

1 Kings 8:57

Tagi Maolunga, taadeu Maadua gi noho i odaadeu daha, bei dono hai ne noho ai laa hogi i daho odaadeu dubuna madagidagi; ia gi dee hano gee ai aabe e tili gidaadeu.

2 Kings 6:16

Elisha ne hai ange, “Aude madagu, go hiidinga de hagabuulinga madali gidaadeu e kii ange de soa i gilaadeu.”

1 Chronicles 5:22

Gai ne soa dangada ne maakau, go hiidinga de hebagi laa se hagatau mai i daho de Maadua. Gai gilaadeu ne nnoho i olaadeu mommee ga dae ai gi de noonoodia o dangada ga gaavee gee mai i de henua.

Psalm 56:9

Ogu hagadaumee e saavini naa ga hulo gee i de masavaa aagu e hagahi ai goe gi balea mai au. Deenei dagu hai e iloo ai bolo de Maadua e bale mai au.

Isaiah 8:10

Hagabuni haia oodou hagatau, aagai e deai naa donu haigamaiana; daalaa oodou hagatau, aagai e dee maua donu gi ssula, go hiidinga de Maadua madali gimaadeu.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Jeremiah 42:11

Goodou gi dee maatagu i de hodooligi o Babylon, go de ia oodou e maatagu ai naa iainei. Goodou aude maatagu donu i de ia, go Tagi Maolunga e hagadaba, go hiidinga au e madali goodou, gai au e hagamouli naa ma de hagaola goodou mai i dono sauaa.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Romans 3:5

Gai noo odaadeu baubau e hai ga sula danuaa mai de heohi o Maadua, gai aahee ai adaadeu muna ange gi mee nei? E maua e gidaadeu i de hagataba bolo de Maadua e dee heohi dana hagaduasala gidaadeu i dono bole? (Au e basa bei de hai o dangada e pasa ai.)

1 Chronicles 19:15

Gai ga gidee huu e de gau Ammon bolo de gau Syria gu saavini ma gu hulo gee, gai gilaadeu ga saavini hogi ga hulo gee mai i Abishai, taina daane o Joab, ga ulu gi lo te aduhale. Gai a Joab ga ahe gi Jerusalem.