Romans 8:30 - De Beebaa Dabu

³⁰ Gai gilaadeu aana gu lava laa i de hagatau olaadeu dagodo gu lava hogi i dana hagahi, gai gilaadeu aana gu hagahi laa gu lava hogi i dana hai gi dabu; gai dangada aana gu hai laa gi dabu gu lava hogi i dana hagamahamaha.

Romans 8:30 Referans Kwoze

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

Ephesians 1:11

Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

Hebrews 9:15

Deenei ai, Klisdo go de ia donu e hano i magavaa o dangada ma de Maadua i de hagatoo donu hagaheloongoi hoou, gi maua ai e gilaadeu gu hagahia laa i de kave de mouli e dee ngado mai gu hagatoo donu laa, go hiidinga ia ne magau e hagao ai gilaadeu, gai ia ga hai ai gi ilaage gilaadeu mai i olaadeu haisala ne haisala ai i lalo tahi hagatoo donu hagaheloongoi.

Ephesians 1:5

Gai ia gu hagatau i mua e hai gidaadeu gi ni dama niiana, i dono aloha i gidaadeu, i hiidinga hegau a Iesu Klisdo, bei dagodo o dono malangilangi ma dono lodo —

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

1 Corinthians 6:11

I mua gai hanu goodou e dagodo bee nei. Aagai iainei goodou gu hagagilimalali ma gu vvae gee ma gu hai gi dabu, goodou gu hagaheohi i de ingoo o Tagi Maolunga go Iesu Klisdo aama ssauaa o de Hagasaalunga o taadeu Maadua.

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.

John 17:22

Au gu gaavange gi gilaadeu de mahamaha aau ne gaamai laa gi de au, gi buni ai gilaadeu gi dahi bei odaau dagodo, gidaau e dahi donu huu:

2 Peter 1:10

Deenei ai, denga daina, goodou hagaduu ngae haia gi too donu doodou hagahia aama doodou hilihilia. Noo goodou e hai mee nei, gai goodou e dee aahe dua donu.

1 Corinthians 1:9

De Maadua e hai hegau i de mee abodonu, gai go ia ne hagahia goodou ga hai gi dahi madali dana Dama, go Iesu Klisdo taadeu Dagi Maolunga.

1 Thessalonians 2:12

gimaadeu ne hagakana ange goodou, ma de hagaaneane aama de hagammahi adu goodou gi mouli bei dagodo e heohi ange laa gi de Maadua, ne hagahia ange goodou gi dono nohoanga hodooligi ma dono mahamaha.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

2 Timothy 2:11

Muna nei ni muna abodonu: Noo gidaadeu e maakau madali ia, gai gidaadeu e mouli age hogi madali ia.

Revelation 19:9

Gai tangada de langi ne hai mai gi de au, “Siia de mee nei: E manuuia gilaadeu e saalaa ange gi taonga hagahai bodu o Ssiibi Gauligi.” Ia ne hai mai hogi gi de au, “Muna nei ni muna abodonu nii de Maadua.”

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

Isaiah 41:9

Au ne gaamai goodou i de bido laa o henua i lalo, ma de hagahi mai goodou i de mommee mmao. Gai au e hai adu, “Go koe dogu dangada hai hegau;” au gu hili goe, gai tee tili donu goe.

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

Colossians 3:4

Gai de masavaa naa huu o Klisdo, doodou mouli e humai ai, gai goodou e loomai naa hogi madali ia i de mahamaha.

Ephesians 4:4

E dahi donu huu angaanga, e dahi donu huu Hagasaalunga, bei doodou hai ne hagahia ai naa gi gaavee de tali hagalodolodo e dahi laa donu huu;

2 Corinthians 4:17

Go hiidinga odaadeu hai ngadaa e hai donu huu i dahi masavaa bodobodo, e hagadabena ange ai gidaadeu gi de mahamaha laumalie e dee ngado mai laa, e dee maua laa i de hagahedae ange gi dahi mee daudahi,

John 5:24

Ni muna abodonu, ni muna abodonu aagu e hai adu nei gi goodou, tangada e hagalaangona agu agoago ga hagadonusia de ia ne haia nei au gi humai e maua donu de mouli e dee ngado mai. Ia e dee hagaduasala, aagai ia gu hagaui gee i de magau ma gu kave de mouli.

Ephesians 2:6

Gai de Maadua ne hagamouli age gidaadeu madali Klisdo ga hai gidaadeu gi nnoho madali ia i denga mommee i de langi i lodo o Klisdo Iesu,

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

Romans 1:6

Gai goodou gu dau hogi madali dangada gu hagahia laa gi ni dangada niio Iesu Klisdo.

Romans 8:21

bolo mee ne hai i taamada age e hai naa ga ilaage mai i ssauaa o de magau ma de bobo, ga kave de ilaage ma de mahamaha o denga dama a de Maadua.

Romans 11:29

Go hiidinga de mee ngadi gaavange ma de hagahi a de Maadua e dee maua donu i de sui.

1 Corinthians 2:7

Aagai gimaadeu ne agoago i de heiangi o de Maadua e dee iloo laa, gai se heiangi e hagammuni, go de heiangi a de Maadua ne hagasauaa i mua taamada o de masavaa, gi maua ai e gidaadeu de mahamaha.

Galatians 1:6

Au gu lele ogu mouli i de moolau doodou hulo gee mai i de ia ne hagahia goodou i de abodonu o Klisdo, ga daudali ange i dahi longo danuaa gee —

Galatians 1:15

Aagai de masavaa huu a de ia ne vaaea gee au i mua dogu haanau, ma de hagahi au i dono abodonu,

Galatians 5:8

De mee ne usuusuhia adu naa goodou e dee mai i daho de ia ne hagahia adu goodou.

Ephesians 3:11

De mee nei ne hai bei dagodo o dana hagatau dee ngado mai gu lava laa i de hagassula i daho Klisdo Iesu taadeu Dagi Maolunga,