Romans 8:28 - De Beebaa Dabu

²⁸ Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

Romans 8:28 Referans Kwoze

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

Genesis 50:20

Goodou ne maanadu de hai mai de baubau gi de au, aagai de Maadua ne hagahai hegau de mee laa ga hai ai tanuaa, gai ia ga hagamouli ai dangada soa bei doodou hai gu gidee ai naa anailaa nei.

1 Corinthians 2:9

Gai gu sisi e hai ange, “Mee a dangada tigi gidee, gai tigi langona, gai tigi maanadu i olaadeu lodo — go mee a de Maadua gu hagadabena ange gi gilaadeu e aaloha i de ia”  —

Romans 8:30

Gai gilaadeu aana gu lava laa i de hagatau olaadeu dagodo gu lava hogi i dana hagahi, gai gilaadeu aana gu hagahi laa gu lava hogi i dana hai gi dabu; gai dangada aana gu hai laa gi dabu gu lava hogi i dana hagamahamaha.

2 Timothy 1:9

go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

1 Corinthians 1:9

De Maadua e hai hegau i de mee abodonu, gai go ia ne hagahia goodou ga hai gi dahi madali dana Dama, go Iesu Klisdo taadeu Dagi Maolunga.

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.

Exodus 20:6

aagai au e abodonu ange gi atangada soa o dangada e aaloha i de au, ma de daohi agu hainga.

Galatians 1:15

Aagai de masavaa huu a de ia ne vaaea gee au i mua dogu haanau, ma de hagahi au i dono abodonu,

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Nehemiah 1:5

Au ne hai ange: “Tagi Maolunga de Maadua o de langi, gai se Maadua maolunga ma de hagamaatagu, gai e daohi dau hagatoo donu heloongoi ma doo abodonu ange gi gilaadeu e aaloha i de goe aama de daohi au muna;

1 Thessalonians 5:9

De Maadua tee hili gidaadeu e hagaduasala i dono bole, aagai ne hili gidaadeu gi hagamouli i daho taadeu Dagi Maolunga go Iesu Klisdo.

Mark 12:30

Gai koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, ma au maanadu alodahi, aama oo mahi alodahi.’

Ephesians 3:11

De mee nei ne hai bei dagodo o dana hagatau dee ngado mai gu lava laa i de hagassula i daho Klisdo Iesu taadeu Dagi Maolunga,

Deuteronomy 6:5

Koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, aama oo mahi alodahi.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

1 John 4:19

Gidaadeu e aaloha i de ia, i hiidinga go ia ne aloha i gidaadeu i mua.

Deuteronomy 8:16

Ia ne haangai goodou i denga manna i lodo henua, ni mee niiodou dubuna madagidagi tee iloo, gai ia ga hagamaolalo ai goodou ma de hagatale ai dagodo o oodou lodo, gi danuaa adu ai gi goodou i muli mai.

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

1 John 4:10

Gai deenei tagodo o de aloha: e dee go gidaadeu ne aaloha ange gi de Maadua, aagai go ia ne aloha mai gi gidaadeu ga gave iho dana Dama Daane e hai ai ssigidaumaha e tala ai odaadeu haisala.

Romans 9:11

gai i mua de haanau o luu dama daane laa, tigi haia hogi e gilaau tanuaa aabe go de baubau — gai gi hagassula ai de hagatau a de Maadua i dana hilihili e dee maua laa i de sui, gai e dee go hiidinga hegau a dahi, aagai go hiidinga o dana hagahi —

Psalm 69:36

Gai dama a ono dangada hai hegau e kave naa ga henua ai, gai dangada e aaloha i de ia e nnoho ai naa.

2 Corinthians 5:1

Gai gidaadeu e iloo bolo noo de hale malo, go odaadeu angaanga, odaadeu e mouli ai nei i henua i lalo gu maoha, gai e dahi odaadeu hale gu hagaduu i daho de Maadua, e dee se hale e hai i lima o dangada, gai se hale e dee ngado mai i de langi.

Galatians 5:8

De mee ne usuusuhia adu naa goodou e dee mai i daho de ia ne hagahia adu goodou.

Acts 13:48

Gai ga langona huu e denga Gentile muna nei, gai gilaadeu gu malangilangi ma de tuhi muna a Tagi Maolunga; gai alodahi gu hagamodu ange gi de mouli e dee ngado mai gu hagadonusia.

Jeremiah 51:29

De henua gu bolebole ma de mmae, go hiidinga de hagatau a Tagi Maolunga e hai baasi ange ai gi Babylon, e hagasula donu; gai ia ga hai ai gi ngadi dagodo de henua go Babylon, gi deai ai dangada e nnoho i kilaa.

2 Samuel 16:12

Kana adu Tagi Maolunga e gidee naa dogu duasala, gai ia ga sui mai ana muna hagamaolunga gu tala nei i de au anailaa nei i tanuaa.”

Romans 11:29

Go hiidinga de mee ngadi gaavange ma de hagahi a de Maadua e dee maua donu i de sui.

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

1 Corinthians 1:24

Gai ange gi de gau Ssuu ma de gau Greek a de Maadua gu hagahi laa, Klisdo go ssauaa ma de heiangi donu o de Maadua.

Galatians 1:6

Au gu lele ogu mouli i de moolau doodou hulo gee mai i de ia ne hagahia goodou i de abodonu o Klisdo, ga daudali ange i dahi longo danuaa gee —

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

Philippians 3:14

Au e hagaduu ngae e houhou ange gi maua e au de hagaoanga i de hagaodi, a de Maadua ne hagahi mai au gi gaavee madali Klisdo Iesu.

Hebrews 9:15

Deenei ai, Klisdo go de ia donu e hano i magavaa o dangada ma de Maadua i de hagatoo donu hagaheloongoi hoou, gi maua ai e gilaadeu gu hagahia laa i de kave de mouli e dee ngado mai gu hagatoo donu laa, go hiidinga ia ne magau e hagao ai gilaadeu, gai ia ga hai ai gi ilaage gilaadeu mai i olaadeu haisala ne haisala ai i lalo tahi hagatoo donu hagaheloongoi.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.