Romans 8:27 - De Beebaa Dabu

²⁷ Gai de Maadua e gidee dagodo lodo o dangada ma lodo o de Hagasaalunga, go hiidinga de Hagasaalunga e dalodalo i dangada o de Maadua bei dagodo de hagatau a de Maadua.

Romans 8:27 Referans Kwoze

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

Acts 1:24

Aagai gilaadeu ne dalodalo, ga hai ange, “Tagi Maolunga, koe e iloo lodo o dangada alodahi. Hagaagona mai, be goai aau gu hili i magavaa o luu daane nei,

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Proverbs 17:3

De anibada se mee ange gi denga selevaa, gai de ahi mmahi se mee ange gi denga goolo, aagai Tagi Maolunga e hagatale dagodo lodo o tangada.

Acts 15:8

Gai de Maadua e iloo laa e ia denga lodo alodahi ne tala hagadonu dagodo olaadeu lodo, i dana gaavange de Hagasaalunga Dabu gi gilaadeu, bei dana hai gu gaamai ai laa hogi gi gidaadeu.

Psalm 44:21

gai de Maadua e iloo donu de mee nei! Go hiidinga ia e iloo mee i lodo o tangada.

1 Thessalonians 2:4

aagai ne hai bei de hai a de Maadua ne gaamai ai gi gimaadeu de longo danuaa. Deelaa ai, gimaadeu tee tala mee nei e hagamalangilangi ai dangada, aagai ne tala e hagamalangilangi ai de Maadua, go de ia e hagataalea dagodo maanadu i odaadeu lodo.

Matthew 6:8

Goodou aude ago ange i gilaadeu, go hiidinga doodou Damana e lava donu i dana iloo oodou mee e duasala ai, i mua doodou dangidangi ange gi de ia.

Jeremiah 20:12

Tagi o denga hagabuulinga hebagi, koe e hagatale dagodo olaadeu e heohi, koe e tilo dagodo lodo aama maanadu a dangada, haia gi gidee e au dau sui ange alaadeu hegau baubau, go hiidinga au gu dugu adu goe gi hagamodu ina ogu dagodo.

Jeremiah 11:20

Aagai koe, Tagi o denga hagabuulinga hebagi, koe e hagamodu muna i de heohi, koe e hagatale lodo ma maanadu a dangada, haia gi gidee e au dau sui ange alaadeu hegau baubau, i hiidinga au gu dugu adu go koe e hagamodu ina ogu muna.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

John 14:13

Gai be se aha naa huu oodou e dangidangi ai i dogu ingoo, gai au e hai naa donu gi bei, gai Tama ga hagamahamaha ai Tamana.

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

Psalm 7:9

De Maadua heohi, go de ia e iloo dagodo lodo ma maanadu a dangada, haia gi dee ssula hegau a tangada baubau, gai hagassula ina hegau a tangada heohi.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

Romans 8:6

De maanadu lodo o de angaanga e dagi ange gi de magau, aagai de maanadu lodo o de Hagasaalunga e dagi ange gi de mouli ma de baba.

Psalm 38:9

Dogu Ia Aamua, ogu lodo alodahi e maahuge adu gi de goe, gai koe e iloo dogu manava i lunga.

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

John 21:17

Ia ne ssili ange hogi gi Peter i tolu hanonga, “Simon, tama daane a John, koe e aloha i de au?” Gai Peter gu daemaha ono lodo, i hiidinga gu dolu hanonga aana ne ssili ange ai gi de ia, “Koe e aloha i de au?” Gai ia ga hai ange gi de ia, “Tagi Maolunga, koe e iloo mee alodahi; koe e iloo bolo au e aloha i de goe.” Iesu ne hai ange gi de ia, “Diiloo haangai ina ange agu ssiibi.

Psalm 139:1

Tagi Maolunga, koe gu ssala ma gu iloo ogu dagodo.