Romans 8:15 - De Beebaa Dabu

¹⁵ Goodou tee kave de hagasaalunga e haia laa goodou ga ni dangada hai hegau, gai goodou ga aahe ange ai ga maatagu, aagai goodou ne kave de Hagasaalunga e haia goodou ga ni dama daohi. Gai go ono hiidinga odaadeu e maua i de hagataba, “Abba! Tamana!”

Romans 8:15 Referans Kwoze

2 Timothy 1:7

go hiidinga de Maadua tee gaamai gi gidaadeu de hagasaalunga o de madagu, aagai go de hagasaalunga iai ssauaa ma de aloha, aama de maanetonu.

1 Corinthians 2:12

Gidaadeu tee kave de hagasaalunga o henua i lalo, aagai ne kave de Hagasaalunga mai i daho de Maadua, gi maua ai e gidaadeu i de tonu ange gi mee a de Maadua gu ngadi gaamai gi gidaadeu.

Romans 8:16

Gai go de Hagasaalunga e daalaa hagadonu ina mai i lodo odaadeu hagasaalunga bolo gidaadeu ni dama donu nii de Maadua.

Hebrews 2:15

gai ia ga hagaola ai gilaadeu e dee ilaage laa i hiidinga delaadeu maatagu i de magau, i taulooloa olaadeu mouli.

Ephesians 1:5

Gai ia gu hagatau i mua e hai gidaadeu gi ni dama niiana, i dono aloha i gidaadeu, i hiidinga hegau a Iesu Klisdo, bei dagodo o dono malangilangi ma dono lodo —

1 John 4:18

De aloha e deai donu se madagu iai, aagai de aloha e honu abodonu e hagadeai se madagu. Go hiidinga de madagu e humai madali de hagaduasala, gai tangada e madagu laa tigi honu abodonu dono aloha.

Mark 14:36

Gai ia ne hai ange, “Abba, dogu Damana! Koe e maua i de hai mee alodahi. Gaavee gee de ubu nei mai i ogu daha; gai e dee go ogu lodo e hai, aagai go oo lodo.”

Jeremiah 3:19

Au ne hagadaba, ‘Au e lodo mmao e hai goodou gi ni dama niiagu, ma de gaavadu gi goodou dahi henua danuaa, gai se boolonga e mahamaha ange i denga huaahenua alodahi!’ Gai au ne maanadu bolo goodou e hagahi mai naa Tamana gi de au, ma tee huuhuli gee i de daudali mai i de au.

Isaiah 56:5

au e hai naa dahi hagamaanadu ma dahi ingoo moolaadeu i lo te temple ma lodo ono buibui, gi danuaa ange i denga dama daane ma damaa hine; au e gaavange naa gi gilaadeu dahi ingoo e dee ngado mai gai e dee maua donu gi lilo.

Romans 8:23

Aagai e dee go mee donu huu ne hai laa i taamada, gai e bei ai hogi, gidaadeu gu kave laa hua i taamada, go de Hagasaalunga ⌊Dabu⌋, e duasala donu odaadeu lodo i taadeu tali de masavaa odaadeu e hai ai gi ni dama daohi, go de hagaola o odaadeu angaanga.

Luke 11:2

Iesu ne hai ange gi gilaadeu, “De masavaa naa huu oodou e dalodalo ai, gai goodou ga hai ange: ‘Tamana, gi dabu doo ingoo; gi humai doo nohoanga hodooligi.

John 20:17

Iesu ne hai ange gi de ia, “Aude poo mai gi de au, i hiidinga au tigi ahe age gi daho Tamana. Aagai koe hannoo gi daho ogu daina hai ange gi gilaadeu, ‘Au e hanage naa gi daho dogu Damana gai go doodou Damana, ma daho dogu Maadua, gai go doodou Maadua hogi.’ ”

Luke 22:42

ga hai ange, “Tamana, noo koe e lodo, gai gaavee gee de ubu nei mai i ogu daha. Aagai e dee go ogu lodo e hai, gai go oo lodo.”

John 16:8

Gai de masavaa naa huu oona e humai ai, gai ia ga hai gi iloo e henua i lalo dagodo o de haisala, ma de heohi aama de hagamodu muna:

Exodus 20:19

gai gilaadeu ga hai ange gi Moses, “Go koe donu e basa mai gi gimaadeu, gai gimaadeu ga hagallongo au muna; aagai e dee go de Maadua e basa mai gi gimaadeu, ana vakaa ga maakau gimaadeu.”

Acts 16:29

Gai taane laa ga hagahi gi gaamai dahi laama, gai ia ga ulu gi lodo gu bolebole ma de madagu ga duuduli ga ino gi lalo i mada i mua o Paul ma Silas,

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Luke 8:37

Aagai dangada alodahi i de ungaamee go Gerasene ga dangidangi ange ia gi hano gee mai i olaadeu daha, go hiidinga gilaadeu gu maatagu mmao. Gai ia ga gage i de boose ga ahe.

Luke 8:28

Gai ga gidee huu e taane laa Iesu, gai ia ga oo ga hagabaguu gi lalo i ono mada i mua ga hai ange i de leo laumalie, “Iesu, Tama Daane a de Maadua Maolunga Mmao laa, se aha oou e lodo ai i ogu daha? Au e dangidangi adu koe gi dee hagammae ina ngau!”

Numbers 17:12

Gai de gau Israel ga hai ange gi Moses, “Tilo, gimaadeu e maakau naa donu! Gu maakau donu gimaadeu! Gu maakau donu gimaadeu!

James 2:19

Koe e hagadonusia bolo e dahi donu huu Maadua; e danuaa. Denga hagasaalunga baubau e hagadonusia donu hogi ma de bolebole i delaadeu maatagu.

Romans 8:26

Gai e bei ai hogi de Hagasaalunga ⌊Dabu⌋, ia e bale mai gidaadeu i taadeu baageaa; go hiidinga gidaadeu e dee iloo de mee e heohi taadeu dalodalo ai, aagai go de Hagasaalunga e dalodalo i gidaadeu i taemaha e dee maua laa i de tala.

Romans 9:4

Gilaadeu go dangada o Israel, gai go gilaadeu donu denga dama daohi a de Maadua, go gilaadeu ne gaavange aagena de mahamaha, ma de hagatoo donu hagaheloongoi, ma de hainga a Moses, ma de hai daumaha heohi, aama denga hagatoo donu.

2 Corinthians 11:4

Gai noo dahi dangada e humai ga agoago adu goodou i dahi Iesu gee ma de Iesu amaadeu gu agoago adu ai goodou, be go dahi hagasaalunga gee ma de Hagasaalunga oodou gu lava naa i de kave, aabe go dahi longo danuaa gee ma de mee oodou gu daohi naa, gai e moolau naa donu doodou daudali aagena.

Galatians 2:4

Gai de mee nei ne hai i hiidinga o dangada e dee hagadonusia gu ulu mai laa gi odaadeu magavaa, ma e dagitilo ai dagodo o demaadeu ilaage i daho Klisdo Iesu, gai gilaadeu ga hai ai gimaadeu gi ni dangada hai hegau dee ilaage.

Galatians 5:1

Klisdo ne hai ga ilaage gidaadeu, gai gi ilaage abodonu ai gidaadeu. Deenei ai, goodou tuu gi makaga, gai gi dee aahe ange gi haia goodou gi ni dangada hai hegau e dee ilaage.

Matthew 25:25

Deelaa ai, au ne madagu, gai au ga kave dau talent ga danu i lalo de gelegele. Gai deenei dau sseene aagu gu hagaahe mai nei.’