Romans 8:11 - De Beebaa Dabu

¹¹ Gai noo de Hagasaalunga o de Maadua ne hagamouli ina age laa Iesu i de magau e noho i oodou lodo, gai de ia ne hagamouli ina age laa Iesu i de magau e hagamouli age naa hogi oodou angaanga e maakau laa i dono Hagasaalunga e noho laa i oodou lodo.

Romans 8:11 Referans Kwoze

2 Corinthians 4:14

go hiidinga gimaadeu e iloo bolo de Maadua ne hagamouli age laa Tagi Maolunga go Iesu, e hagamouli age naa hogi gimaadeu madali Iesu, ga hagaago ange gimaadeu madali goodou i mada luoono mada.

2 Corinthians 4:11

Gai gimaadeu e mouli laa, e dee mmao gee donu i de magau i hiidinga de ingoo o Iesu, gi sula danuaa mai ai dagodo de mouli o Iesu i omaadeu angaanga magaugau nei.

Romans 8:9

Aagai goodou gu dee nnoho i lalo ssauaa o de angaanga, gai gu nnoho i lalo ssauaa o de Hagasaalunga, noo de Hagasaalunga o de Maadua e noho i oodou lodo. Tangada e dee noho de Hagasaalunga o Klisdo i ono lodo, e dee se dangada niiona.

1 Corinthians 6:14

De Maadua ne hagamouli ina age laa Tagi Maolunga, e hagamouli age naa hogi gidaadeu i dono sauaa.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

Philippians 3:21

Gai ia ga sui ai odaadeu angaanga maolalo nei gi bei dagodo o dono angaanga mahamaha laa, i ssauaa ne haia laa ga maua e ia i de dagi mee alodahi.

John 5:21

Gai e bei donu de hai a Tamana e hagamouli age ai laa de gau maakau, ga gaavange gi gilaadeu de mouli, gai e bei ai hogi, Tama e gaavange de mouli gi gilaadeu aana e lodo e vange aagena.

Acts 2:24

Aagai de Maadua gu hagamouli age hogi ia ma de hagaola ia mai i ssauaa o de magau, go hiidinga de magau e dee maua donu i de daohi ia.

Ephesians 2:5

ne hagamouli age gidaadeu madali Klisdo i de masavaa odaadeu goi maakau ai i lodo odaadeu haisala — goodou gu hagamouli i dono abodonu.

Ezekiel 37:14

Gai au e hhao adu naa dogu Hagasaalunga gi oodou lodo, gi mouli ai goodou. Au e hagaahe mai naa goodou gi nnoho i doodou henua donu. Gai gi iloo ai e goodou bolo go au donu go Iahweh ne hagadaba, gai au gu hagassula donu muna nei, go Iahweh e hagadaba.’ ”

Revelation 11:11

Aagai dua huu e dolu ma de bido laangi, gai de Maadua ga hai de manava o de mouli gi humai gi ulu gi olaau lodo, gai gilaau gu mouli ga hiihidi ga tuu gi lunga, gai dangada alodahi ne gidee mee ne hai ange gi gilaau gu kona mmao de maatagu.

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

John 14:17

go de Hagasaalunga o de muna abodonu. Gai de gau henua i lalo e dee maua i de kave ia gi olaadeu lodo, go hiidinga gilaadeu e dee gidee aabe e iloo ia. Gai goodou gu iloo ia, go hiidinga ia e noho madali goodou ma de noho i oodou lodo.

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

1 Corinthians 15:16

Go hiidinga noo de gau maakau e dee mouli age, aagai Klisdo tee mouli age hogi.

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Romans 6:12

Deenei ai, goodou gi dee dugua ange de haisala gi dagina oodou angaanga e maakau laa, gai goodou ga hagallongo ange ai gi denga hagadaagangaa lodo alodahi o de angaanga.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

2 Corinthians 5:4

De masavaa odaadeu e mouli ai i lo te hale malo nei, gai gidaadeu e duasala ma de daemaha — e dee go hiidinga gidaadeu e llodo gi gaavee gee odaadeu angaanga nei, aagai gidaadeu e llodo e kahu i de hale ange laa, gai de angaanga magaugau nei e sui naa ga se angaanga e mouli.

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

Romans 8:12

Deenei ai, ogu daina, gidaadeu e dee ni dangada e muli ange gi lodo o de angaanga, gai gidaadeu ga hai ai lodo o de angaanga,

Romans 16:3

Dagu hagaboo ange gi Priscilla ma Aquila, luoogu soa hai hegau i lodo o Klisdo Iesu.

Romans 16:7

Dagu hagaboo ange gi Andronicus ma Junias, luu dangada Ssuu bei ogu dagodo, gai ne hhao hogi gi lo te hale pono madali au. Gilaau ni dangada e hagadubu i daho de gau tala, gai go gilaau i mua ne daudali ange i Klisdo i de au.

Romans 16:9

Dagu hagaboo ange gi Urbanus, tangada nogo hai hegau ange gi Klisdo madali gimaadeu, aama dogu soa hagamogomogo go Stachys.

Romans 16:10

Dagu hagaboo ange gi Apelles, ia se daane e hai hegau i de muna abodonu i lodo o Klisdo. Dagu hagaboo ange gi de huaabodu o Aristobulus.

Galatians 6:8

Go hiidinga tangada e dooa laa mee o de angaanga e hagihagi naa de magau; aagai tangada e dooa laa mee o de Hagasaalunga ⌊Dabu⌋ e hagihagi naa de mouli e dee ngado mai i daho de Hagasaalunga.