Romans 8:1 - De Beebaa Dabu

¹ Deenei ai, iainei gu deai donu se hagaduasala o dangada e mouli i lodo o Klisdo Iesu.

Romans 8:1 Referans Kwoze

2 Corinthians 5:17

Deenei ai, noo tangada gu noho i lodo o Klisdo, ia gu se dangada hoou. Mee duai gu llilo; tilo, mee hoou gu daamada.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

Romans 5:1

Deenei ai, go hiidinga gidaadeu ne hagaheohi i de gai, gidaadeu gu nnoho paba madali de Maadua i hiidinga o taadeu Dagi Maolunga go Iesu Klisdo,

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

John 5:24

Ni muna abodonu, ni muna abodonu aagu e hai adu nei gi goodou, tangada e hagalaangona agu agoago ga hagadonusia de ia ne haia nei au gi humai e maua donu de mouli e dee ngado mai. Ia e dee hagaduasala, aagai ia gu hagaui gee i de magau ma gu kave de mouli.

John 15:4

Goodou nnoho i ogu lodo, gai au i oodou lodo. E deai donu se laa e maua gi hua, noo e dee somo mai i de grapevine. Goodou e dee maua hogi gi hanu oodou hua, noo goodou e dee nnoho i ogu lodo.

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Romans 8:14

Dangada alodahi e dagi i daho de Hagasaalunga o de Maadua ni dama donu nii de Maadua.

1 Corinthians 15:22

Dangada alodahi ne maakau i hiidinga o Adam, gai e bei ai hogi, dangada alodahi e mouli age i hiidinga o Klisdo.

Galatians 5:16

Aagai au e hai adu, goodou seesee i lodo o de Hagasaalunga ⌊Dabu⌋, gi dee hagassula ina ai e goodou lodo o de angaanga.

Romans 8:4

gi maua ai e gidaadeu e dee daudali laa i lodo o de angaanga, aagai e daudali i lodo o de Hagasaalunga ⌊Dabu⌋, i de hagasula de hainga heohi i odaadeu lodo.

Romans 8:39

be go dahi mommee maolunga, be go dahi mommee gelo, aabe go dahi mee daudahi ne hai i taamada age, i de vvae gee gidaadeu i de aloha o de Maadua i lodo o Klisdo Iesu taadeu Dagi Maolunga.

Galatians 5:25

Go hiidinga gidaadeu e mouli i de Hagasaalunga ⌊Dabu⌋, gidaadeu ga seesee hogi i lodo o de Hagasaalunga.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

John 14:20

De laangi laa gai goodou e tonu ange naa bolo au i lodo o dogu Damana, gai goodou i ogu lodo, gai au i oodou lodo.

Romans 7:20

Gai noo au e dee hai ogu mee e lodo ai, gai e dee go au ai loo e haia mee nei, gai go de haisala e dagodo laa i ogu lodo.

Romans 7:17

Deenei ai, e dee go au ai loo e haia mee nei, aagai go de haisala e dagodo laa i ogu lodo.

2 Corinthians 12:2

Au e iloo dahi daane i lodo o Klisdo i e madaangahulu ma haa ngadau gu hulo laa, ia ne gaavage gi tolu langi. Au e dee iloo be ne gaavage i dono angaanga be deai, go de Maadua donu huu e iloo.

Romans 16:7

Dagu hagaboo ange gi Andronicus ma Junias, luu dangada Ssuu bei ogu dagodo, gai ne hhao hogi gi lo te hale pono madali au. Gilaau ni dangada e hagadubu i daho de gau tala, gai go gilaau i mua ne daudali ange i Klisdo i de au.

Romans 16:3

Dagu hagaboo ange gi Priscilla ma Aquila, luoogu soa hai hegau i lodo o Klisdo Iesu.

Ezekiel 18:9

Ia e daudali i agu muna gu hagasauaa, ma de kana ange ga daohi agu hagamodu. Tangada bee nei se dangada heohi; ia e mouli naa donu, go de Ia Aamua go Iahweh e hagadaba.

Romans 5:16

E dee dagodo daudahi hogi de mee ngadi gaavange a de Maadua ma haisala o dahi dangada: de hagamodu muna e humai i hiidinga haisala o tangada, e hagaduasala tangada, aagai de mee ngadi gaavange e humai laa i dua haisala lagolago, e hai ga heohi tangada.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

Romans 8:9

Aagai goodou gu dee nnoho i lalo ssauaa o de angaanga, gai gu nnoho i lalo ssauaa o de Hagasaalunga, noo de Hagasaalunga o de Maadua e noho i oodou lodo. Tangada e dee noho de Hagasaalunga o Klisdo i ono lodo, e dee se dangada niiona.

Romans 8:11

Gai noo de Hagasaalunga o de Maadua ne hagamouli ina age laa Iesu i de magau e noho i oodou lodo, gai de ia ne hagamouli ina age laa Iesu i de magau e hagamouli age naa hogi oodou angaanga e maakau laa i dono Hagasaalunga e noho laa i oodou lodo.

Galatians 3:26

Go hiidinga goodou alodahi gu ni dama nii de Maadua i doodou kai ange gi Klisdo Iesu.

Ephesians 1:1

Mai i daho Paul, tangada tala o Klisdo Iesu, bei dagodo de hagatau a de Maadua. Ange gi dangada o de Maadua i Ephesus, e hai hegau laa i de mee abodonu i lodo o Klisdo Iesu.