Romans 7:21 - De Beebaa Dabu

²¹ Deenei ai, au e gidee bolo deenei de hainga e hai hegau: de masavaa aagu e lodo ai e hai de mee heohi, gai go de baubau aagu e hai.

Romans 7:21 Referans Kwoze

Romans 7:23

aagai au e gidee dahi hainga gee e hebagi ange gi de hainga i ogu lodo laa, ma de daohi au gi noho i lalo ssauaa o de haisala e dagodo laa i lodo o de angaanga.

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

Romans 6:14

Go hiidinga de haisala gu deai sono sauaa e dagi ai goodou, i hiidinga goodou gu dee nnoho i lalo ssauaa o de hainga, aagai gu nnoho i lalo ssauaa o de abodonu o de Maadua.

Romans 6:12

Deenei ai, goodou gi dee dugua ange de haisala gi dagina oodou angaanga e maakau laa, gai goodou ga hagallongo ange ai gi denga hagadaagangaa lodo alodahi o de angaanga.

Psalm 119:133

Haia gi seesee au bei dau hai gu hagatoo donu ai; koe gi dee dugua ange de baubau gi dagina ngau.

2 Peter 2:19

Gilaadeu e hagatoo donu ange gi dangada bolo gilaadeu e ilaage donu, aagai gilaadeu donu, ni dangada hai hegau niio denga lodo hakino gee; go hiidinga dangada ni dangada hai hegau donu niio de mee e dagina gilaadeu.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

John 8:34

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, be goai e haisala se dangada hai hegau donu niio de haisala.

Psalm 119:37

Hagahulia gee luoogu mada i mee e deai olaadeu haigamaiana; gai hagaola ina dogu mouli gi bei dagodo o au muna.

Luke 4:1

Gai Iesu gu honu i de Hagasaalunga Dabu i de masavaa oona ne ahe mai ai i Jordan, gai de Hagasaalunga ne dagi ia ga kave gi de vao.

Psalm 65:3

De masavaa o ogu baubau ne hai baasi mai ai gi de au, gai koe ne degi mai gi omaadeu haisala.

Psalm 40:12

I hiidinga hai ngadaa lagolago gu duuli au; ogu baubau gu aahe mai donu gi de au, au gu dee maua i de galo ange e tilo. Ogu baubau gu lagolago ange i ngaangaaulu o dogu biho; gai au gu deai sagu tali.

Romans 7:25

De abodonu ange gi de Maadua i daho Iesu Klisdo Tagi Maolunga odaadeu! Deenei tagodo, au e hai hegau ange gi de hainga a de Maadua i ogu lodo, aagai dogu angaanga e hai hegau ange gi de hainga o de haisala.