Romans 7:14 - De Beebaa Dabu

¹⁴ Gidaadeu e iloo bolo de hainga se mee ange gi de baasi gi de hagasaalunga; aagai au se dangada, e noho i lalo ssauaa o de haisala.

Romans 7:14 Referans Kwoze

1 Kings 21:25

(Gai teai ange donu se dangada ne bei dagodo o Ahab, ia ne dugu ange ia gi de baubau i mada luu mada o Tagi Maolunga, gai dono bodu go Jezebel ne usuusu ange ia.

2 Kings 17:17

Gilaadeu ne sigidaumaha alaadeu dama daane ma damaa hine i lo te ahi. Gilaadeu ne tala hogi mee e dee iloo, ma de ssala denga hagailonga, ma de hai denga hegau baubau alodahi i mada luu mada o Tagi Maolunga, ga hai ai ia ga lili.

1 Kings 21:20

Ahab ne hai ange gi Elijah, “Dogu hagadaumee, koe gu gidee ange naa hogi au?” Elijah ne hai ange, “Au gu gidee goe, go hiidinga koe gu lava i de hagao ange goe gi de baubau i mada luu mada o Tagi Maolunga.

Romans 7:18

Gai au e iloo bolo e deai donu se mee danuaa daudahi e dagodo i ogu lodo, i de angaanga nei. Au e lodo e hai de mee danuaa, aagai au e dee maua donu i de hai.

Isaiah 52:3

E hagadaba Tagi Maolunga, “Koe ne hagao gi daha, gai tee hagao i sseene, gai e dee ni sseene hogi e hagaola ai goe.”

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Matthew 5:28

Aagai au e hai adu gi goodou: be goai e galo ange gi dahi hahine e lodo ange gi de ia, gai ia gu dagodo haisala donu ma ia i ono lodo.

Matthew 5:22

Aagai au e tala adu gi goodou, be goai e lili i dono daina, gai e hagamodu donu ono muna; gai e bei ai hogi, be goai e hai ange gi dono daina, ‘Raca’, gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Proverbs 30:5

Muna hugadoo a de Maadua e heohi abodonu; gai ia e bei de mee hungihungi e buibui ai gilaadeu e mmuni i ono daha.

Psalm 119:25

Au gu dagodo gi lalo i lo te gelegele; hagaola ina dogu mouli bei dagodo au muna!

Luke 7:6

Gai Iesu ga hano madali gilaadeu. Gai dono masavaa huu ne dai baa ange ai gi de hale o tagi o de lau laa, gai taane laa ga hai gi loomai hanu ono soa gi hai ange gi Iesu, “Tagi Maolunga, aude hagadee saohia ina goe, go hiidinga au e dee bau ange gi doo humai gi dogu hale.

Luke 5:8

Aagai de masavaa huu a Simon Peter ne gidee ai mee laa, gai ia ga humai ga duuduli i gaogao luu vae o Iesu, ga hai ange, “De Ia Aamua, hano gee mai i ogu daha, au se dangada haisala!”

Matthew 18:25

Gai ia gu dee maua i de hagao ana muli, gai dono dangada aamua ga hagadaba bolo gi hagao ina ia gi daha madali dono bodu ma ana dama, aama ana mee alodahi, e hagao ai ana muli.

Matthew 16:23

Iesu ne huli dua ga hai ange gi Peter, “Satan, hannoo gi ogu dua! Koe se dangada e buibuia ngau. Go hiidinga au maanadu e dee bei lodo o de Maadua, aagai e bei lodo o dangada.”

Amos 2:6

E hagadaba Tagi Maolunga: “Tolu hanonga o Israel e haisala ai, ga dae ai loo gi de haa hanonga, gai au e dee tuu naa donu dono hagaduasala; go hiidinga gilaadeu ne hagahesuihagi gilaadeu e heohi i denga selevaa, ma de gaavange de gau hagaau aloha e hagao ai olaadeu mee vae.

Isaiah 6:5

Gai au ne hagadaba, “Gu vakaa loo au! Au gu se dangada gu magau! Go hiidinga au se dangada baubau dogu ngudu, gai au e noho i magavaa o dangada e baubau olaadeu ngudu; go hiidinga luoogu mada gu gidee de Hodooligi, Tagi o denga hagabuulinga hebagi.”

Proverbs 30:2

Go au hugadoo e senga i dangada; au e deai sogu iloo mee bei dangada.

Psalm 51:6

Ni muna abodonu, koe e lodo gi dagodo de mee abodonu i de lodo; gai koe agoagona mai ogu lodo i de heiangi abodonu.

De Beebaa go Job 42:6

deenei ai, au gu kino i ogu dagodo, gai au gu dahuli ogu lodo ma gu noho i lodo lehu.”

Deuteronomy 6:5

Koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, aama oo mahi alodahi.

Leviticus 19:18

Aude suuia ange de baubau, aabe e golo age doo lili i dahi oo dangada, aagai koe aloha i tangada e baa adu gi de goe, bei doo aloha donu i de goe. Go au go Iahweh.

Exodus 22:3

aagai noo ne hai mee nei i de laangi, gai tangada ne daia laa ia ga magau e haisala donu i de hainga. Gai tangada ne gaiaa laa e suuia ange donu ana mee ne gaiaa laa, aagai noo ia e dee maua i de sui ange, gai ia e hagao gi daha e hagao ai ana mee gu gaiaa laa.

Genesis 40:15

Go hiidinga dangada ne hai gi de mahi au ga kave gee au mai i de henua o de gau Hebrew, gai tigi ai hogi agu mee ne hai i kinei e heohi ai dogu noho i lo te hale pono.”

Genesis 37:36

De masavaa laa gai de gau hagao mee o Midian gu kave Joseph gi Egypt ga hagao ange gi Potiphar, ia se dagi i lalo o Pharaoh, gai go tagi o de gau hagaloosi.

Genesis 37:27

Goodou loomai, gidaadeu ga hagao ange ia gi dangada de aamuli o Ishmael. Gidaadeu e dee daa ia gi magau, go hiidinga ia se daina niiodaadeu, gai se dangada donu niiodaadeu.” Gai ono daina gu buni ange gi ana muna.

Hebrews 4:12

Go hiidinga muna a de Maadua e mouli ma de mmahi, e kangi ange i de gadilaasa baasi lua, gai e vvae de lodo ma de hagasaalunga, ma denga sugusuguinga ma mee i lodo ivi; gai e hagamodu dagodo maanadu ma hagatau alodahi i de lodo.

Romans 3:9

Aahee ai adaadeu muna ange gi mee nei? E maua e gidaadeu de gau Ssuu i de hagataba bolo gidaadeu e kii ange tanuaa? E dee maua donu! Gidaadeu gu lava i de hagaago danuaa mai bolo de gau Ssuu ma denga Gentile alodahi gu too ange gi lalo ssauaa o de haisala,

Romans 6:6

Gidaadeu e iloo bolo odaadeu mouli duai gu daudau i de laagau lui madali ia, e oha ai ssauaa o de haisala, gi dee nnoho ai gidaadeu i lalo ssauaa o de haisala.

Galatians 4:3

Gai e bei ai hogi odaadeu dagodo: de masavaa odaadeu tigi maatua abodonu ai, gai gidaadeu e nnoho i lalo ssauaa o denga hagasaalunga e dagina laa henua i lalo.

Leviticus 13:12

Noo tangada haimeedabu gu gidee bolo de mangeo loo gu ssomo i de angaanga alodahi o tangada laa, mai i de biho ga dae ai gi luoono vae,

Leviticus 13:16

Aagai noo denga mangeo laa e aahe ange ga tea, gai tangada gi ahe mai gi daho tangada haimeedabu,