Romans 7:11 - De Beebaa Dabu

¹¹ De haisala ne hagasenga au, gai ne daa ga magau au i muna o de hainga.

Romans 7:11 Referans Kwoze

Genesis 3:13

Gai Tagi Maolunga go de Maadua ne hai ange gi de hine, “Se hegau bee hee aau gu hai nei?” Gai de hine laa ga hai ange, “Go de labodo ne hagasengalia au, gai au ga gai.”

Romans 7:8

Gai de haisala ne hagahale denga hagadaagangaa nnoo hagamau mee i ogu lodo. Noo teai se hainga, gai de haisala e magau.

Hebrews 3:13

Aagai goodou hagadau hagammahi ina goodou i laangi alodahi, i de masavaa goi hagabinga ai bolo go “anailaa nei,” gai dahi ma dahi gi dee hagamakaga ina ono lodo, i dono hagasengalia i de haisala.

James 1:26

Noo dahi dangada e hagadaba bolo ia se dangada taumaha, aagai ia e dee maua i de daohi dono alelo, gai ia e daahanga donu huu ia, dono se dangada taumaha e deai donu haigamaiana.

James 1:22

Goodou gi dee hagalaangona donu huu denga agoago, ga daahanga ai donu huu goodou. Gai goodou hai hegau ai.

Romans 7:13

E aha, go de hainga danuaa laa ne hidi ai nei dogu magau? E dee maua donu! Aagai go de haisala ne hagahai hegau ina de mee danuaa laa ga dagi ange ai au gi de magau, e hagaago mai ai bolo de haisala e haisala donu, gai muna o de hainga ne hagaago mai bolo de haisala e baubau mmao.

Jeremiah 49:16

Koe gu hagasengalia i hiidinga de maatagu o dangada i de goe, aama doo lodo hagamaolunga, koe e nnoho laa i magavaa o denga hadu maolunga, ma honga mommee maolunga o denga duuduu. Gai e dee galemu donu dau hai doo hoohanga i denga mommee maolunga, gai au e tili iho mai naa goe i kilaa, go Tagi Maolunga e hagadaba.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Isaiah 44:20

Ia gu gai donu denga lehu, gai ono lodo gu hagasenga ia; ia gu dee maua i de hagaola ia, aabe hagadaba, “E aha, e dee se mee hhadu aagu e poo nei i dogu lima madau?”

Ephesians 4:22

Gai goodou hagauia ma gi dilia gee oodou mouli duai, go tangada duai ne hagasengalia laa i denga lodo donu hakino gee;

Obadiah 1:3

Doo lodo maolunga gu hagasenga goe; koe e noho i lo te baba, ma de hai doo hale i denga mommee maolunga; koe e hagadaba i oo lodo, ‘Goai e maua i de gave iho au gi honga de gelegele?’

Romans 3:20

Go hiidinga e deai donu se dangada e maua i de hai gi heohi ia i daho de Maadua i dono daudali i de hainga; gai de hainga e hai gi iloo e dangada dagodo o de haisala.