Romans 5:21 - De Beebaa Dabu

²¹ Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

Romans 5:21 Referans Kwoze

Titus 2:11

Go hiidinga de abodonu o de Maadua ne hagaago mai, gi hagamouli ai dangada alodahi,

Romans 5:14

Aagai ssauaa o de magau gu dagodo mai huu i de masavaa o Adam ga dae mai ai gi de masavaa o Moses, i honga o dangada tee haisala laa bei de haisala o Adam, ia go de ada o de ia gu dai humai laa.

Romans 8:10

Aagai noo Klisdo e noho i oodou lodo, gai ga maakau naa donu oodou angaanga i hiidinga o de haisala, gai oodou hagasaalunga e mouli i hiidinga goodou gu lava i de hagaheohi i daho de Maadua.

Romans 6:23

Gai de hagaoanga o de haisala go de magau, gai de mee ngadi gaavange a de Maadua go de mouli e dee ngado mai i lodo o Klisdo Iesu taadeu Dagi Maolunga.

Romans 6:14

Go hiidinga de haisala gu deai sono sauaa e dagi ai goodou, i hiidinga goodou gu dee nnoho i lalo ssauaa o de hainga, aagai gu nnoho i lalo ssauaa o de abodonu o de Maadua.

Romans 5:12

Deenei ai, de haisala ne humai gi henua i lalo i daho dahi dangada, gai de magau ne humai i hiidinga o de haisala; deenei de hai ne duu ange ai de magau gi dangada alodahi, go hiidinga dangada alodahi gu haisala.

Romans 5:17

Gai noo haisala o dahi dangada ne gaavange ssauaa gi de magau e dagi i hiidinga o dahi dangada, aagai e kii ange donu de laumalie ssauaa olaadeu gu gaavee de abodonu ma de mee ngadi gaavange o de heohi e dagi ai i de mouli i hiidinga o dahi dangada sogosogo, go Iesu Klisdo.

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

Romans 6:16

E aha, goodou e dee iloo bolo noo goodou e dugu ange goodou e hai ai tangada hai hegau o dahi, gai goodou gu ni dangada hai hegau donu niiona — e dee hilihili be goodou e hai hegau ange gi de haisala, e dagina ange laa goodou gi maakau, aabe e hagallongo ange gi de mee e haia ga heohi goodou.

1 John 2:25

Gai deenei dana mee gu hagatoo donu mai gi gidaadeu: go de mouli e dee ngado mai.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

Hebrews 4:16

Deenei ai, gidaadeu gi lo taane i de loomai e hagapaa ange gi de nohoanga o de abodonu laa, gi maua ai e gidaadeu i de kave de abodonu ma tegi e bale mai ai gidaadeu i de masavaa odaadeu e duasala ai.

Romans 4:13

Gai de hagatoo donu ange gi Abraham ma dono aamuli, bolo henua i lalo alodahi e bolo ange naa gi gilaadeu gi henua ai, tee hai i hiidinga o de hainga, aagai ne hai i hiidinga o delaadeu hagaheohi i de gai.

John 10:28

Au e gaavange gi gilaadeu de mouli e dee ngado mai, gai gilaadeu e dee haihai naa donu ga maakau; gai e deai donu se dangada e maua i de aau gee gilaadeu mai i lo togu lima.

Romans 6:12

Deenei ai, goodou gi dee dugua ange de haisala gi dagina oodou angaanga e maakau laa, gai goodou ga hagallongo ange ai gi denga hagadaagangaa lodo alodahi o de angaanga.

Matthew 25:46

Gai gilaadeu nei e hulo gee naa ga kave de hagaduasala e deai laa se ngado mai. Aagai gilaadeu e heohi e kave naa de mouli e dee ngado mai.”

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.