Romans 5:14 - De Beebaa Dabu

¹⁴ Aagai ssauaa o de magau gu dagodo mai huu i de masavaa o Adam ga dae mai ai gi de masavaa o Moses, i honga o dangada tee haisala laa bei de haisala o Adam, ia go de ada o de ia gu dai humai laa.

Romans 5:14 Referans Kwoze

1 Corinthians 15:45

Gai gu sisi e hai ange, “Adam, go tangada ne hai i taamada, ia ne hai ga se dangada e mouli;” gai de Adam hagaodi se dangada e mouli iai de hagasaalunga e vange de mouli gi dangada.

Hebrews 9:27

Bei de hai gu hagamodu ange ai laa bolo dangada e maakau i e dahi donu huu hanonga, gai dua naa huu mee nei go de hagamodu muna,

Romans 5:17

Gai noo haisala o dahi dangada ne gaavange ssauaa gi de magau e dagi i hiidinga o dahi dangada, aagai e kii ange donu de laumalie ssauaa olaadeu gu gaavee de abodonu ma de mee ngadi gaavange o de heohi e dagi ai i de mouli i hiidinga o dahi dangada sogosogo, go Iesu Klisdo.

Romans 8:22

Gidaadeu e iloo bolo denga mee ne hagadau e bei dagodo o de hine haanau i dono mmae i de masavaa e hai ai ono hagalangona, ga dae mai ai gi iainei.

Romans 5:21

Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

Genesis 7:22

mee alodahi e mouli ma e manavanava i honga de henua gu odi i de maakau.

Romans 8:20

Gai mee ne hai i taamada age gu hai gi deai ono haigamaiana, gai e dee go dana hilihili, aagai go hagatau a de ia ne haia de mee nei, gai gidaadeu e tali hagalodolodo

Jonah 4:11

Aagai dangada i de aduhale laumalie go Nineveh e soa ange i de 120,000, gai gilaadeu e dee maua donu i de vvae de madau ma de masui, e lagolago hogi manu haangai i kilaa. E aha, e dee se mee danuaa dogu lodo aloha ange gi dangada i de aduhale laumalie laa?”

Hosea 6:7

Gilaadeu gu oha de hagatoo donu hagaheloongoi, bei hegau a Adam ne hai; gilaadeu tee hai hegau mai gi de au i de mee abodonu.

Genesis 19:25

Gai ia ga oha denga aduhale laa ma mommee alodahi e soe ai de henua aama dangada alodahi e nnoho i denga aduhale laa, aama manu e ssomo i honga de gelegele.

Genesis 4:8

Gai a Cain ga hai ange gi dono daina daane, “Gidaau ga hulo gi tuu malaelae.”  Gai de masavaa olaau e nnoho ai i tuu malaelae, gai a Cain ga hebagi ange gi dono daina go Abel, ga daa ia gu magau.

Exodus 1:22

Gai Pharaoh ga hagailoo ange gi dangada alodahi, ga hai ange, “Goodou diiloo mage gaavee denga gauligi daane alodahi e haanau i daho de gau Hebrew, mage dilia ange gi lo te saalingaa vai go Nile, gai hagaola ina alaadeu gauligi haahine.”

Exodus 1:6

Muli mai gai Joseph ma ono daina daane aama de atangada laa alodahi gu odi i de maakau.

Romans 5:12

Deenei ai, de haisala ne humai gi henua i lalo i daho dahi dangada, gai de magau ne humai i hiidinga o de haisala; deenei de hai ne duu ange ai de magau gi dangada alodahi, go hiidinga dangada alodahi gu haisala.

1 Corinthians 15:22

Dangada alodahi ne maakau i hiidinga o Adam, gai e bei ai hogi, dangada alodahi e mouli age i hiidinga o Klisdo.