Romans 4:25 - De Beebaa Dabu

²⁵ Ia ne gaavange e daa gi magau i hiidinga odaadeu haisala, gai ne mouli age ange e hagaheohi ai gidaadeu.

Romans 4:25 Referans Kwoze

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

Galatians 1:4

Iesu Klisdo ne gaavange dono mouli i hiidinga odaadeu haisala, gai ia ga hagaola ai gidaadeu mai i de masavaa o de baubau go iainei, bei dagodo lodo o taadeu Maadua ma Tamana.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

1 John 2:2

Go ia ssigidaumaha e tala ai odaadeu haisala, gai e dee go odaadeu haisala donu huu, gai go haisala hogi o henua i lalo alodahi.

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

Ephesians 5:2

Goodou hai hegau i de aloha, bei de aloha o Klisdo i gidaadeu, ia ne gaavange dono mouli i odaadeu hiidinga, e hai ai ssigidaumaha nnamu kala ange gi de Maadua.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

1 Corinthians 15:17

Gai noo Klisdo tee mouli age, gai oodou kai ni ngadi mee donu, gai goodou goi nnoho donu huu i lodo oodou haisala.

Romans 8:3

Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

Romans 5:18

Deenei ai, haisala o dahi dangada ne hai ga tuu ange dangada alodahi gi de magau, aagai hegau heohi a dahi dangada daudahi ne hagaheohi aama de gaavange de mouli gi dangada alodahi.

Romans 3:25

De Maadua ne gaavange Iesu ga hai ai ssigidaumaha i ono dodo, e tala ai haisala o dangada e kai ange gi de ia. Ssigidaumaha nei e hagaago mai bolo de Maadua e heohi, i hiidinga ia ne golomagi ono lodo, ga hagadee anga ange gi denga haisala i mua.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Daniel 9:24

E madahidu uvigi gu hagamodu ange gi oo dangada ma doo aduhale dabu, e hagaodi ange ai de masavaa o olaadeu haisala, ma de hai gi deai haisala, aama de degi ange gi baubau, gai ga hai gi sula de heohi ga hano ai, ma de hai gi bei de midi hagaago ange ma muna pelaabisi, aama de hagadabu i de lolo de mommee dabu mmao.

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.

Isaiah 53:4

Ni muna abodonu, ia ne kave odaadeu baageaa ma de hagauda odaadeu daemaha; gai gidaadeu ne maanadu bolo de Maadua ne hagaduasala ia, ia ne hagailiilia, ma de hagammae.

2 Corinthians 5:15

Gai ia ne magau i hiidinga o dangada alodahi, deelaa ai, dangada alodahi e mouli gi dee hagamalangilangi ina donu huu gilaadeu, gai gi mouli e hagamalangilangi ai de ia ne magau ma de mouli age i olaadeu hiidinga.

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

Hebrews 8:3

De gau haimeedabu maolunga alodahi e hili gi gaavange denga mee ngadi gaavange ma de hai denga sigidaumaha. Deenei ai, e heohi hogi de hai a tangada haimeedabu nei dahi sigidaumaha.