Romans 4:13 - De Beebaa Dabu

¹³ Gai de hagatoo donu ange gi Abraham ma dono aamuli, bolo henua i lalo alodahi e bolo ange naa gi gilaadeu gi henua ai, tee hai i hiidinga o de hainga, aagai ne hai i hiidinga o delaadeu hagaheohi i de gai.

Romans 4:13 Referans Kwoze

Galatians 3:29

Gai noo goodou ni dangada niio Klisdo, aagai goodou ni hagadiilinga niio Abraham, gai gu ni dangada e gaavee de boolonga gu lava laa i de hagatoo donu ai.

Romans 9:8

Deenei tagodo, e dee go denga dama alodahi a Abraham ne hagadili e dau bolo go dama a de Maadua, aagai go dama donu huu a de Maadua ne hagatoo donu ange ai laa gi Abraham e dau bolo go dono hagadiilinga.

Genesis 28:14

Gai oo hagadiilinga e soa naa bei de lagolago o denga gelegele i honga de henua, gai koe e hhao naa ga honu de henua mai i dai ga hano ai gi dua, ma mai i ngaiho ga hano ai gi ngaage. Gai hagadiilinga alodahi o henua i lalo e manuuia naa i oodou hiidinga ma doo hagadiilinga.

Psalm 2:8

Dangidangi mai gi de au, gai au ga bolo adu gi de goe denga huaahenua, ma de hai goe gi henua i henua i lalo alodahi.

Genesis 17:16

Gai au e hagamanuuia naa ia, ga gaavadu gi de goe dahi dama daane mai i ono daha. Au e hagamanuuia naa ia ga hai ia go tinana o huaahenua, gai hodooligi o denga huaadangada e loomai naa i ono daho.”

Genesis 12:3

Au e hagamanuuia naa dangada e hagamanuuia ina goe, gai e hagamalaia gilaadeu e hagamalaia ina goe; gai denga huaadangada alodahi o henua i lalo e manuuia naa i oo hiidinga.”

Psalm 72:11

Denga hodooligi alodahi gi ino gi lalo i ono mada i mua, denga huaahenua alodahi gi hai hegau ange gi de ia.

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Acts 13:32

Gai gimaadeu e tala adu gi goodou denga longo danuaa: mee a de Maadua gu hagatoo donu ange ai gi odaadeu dubuna madagidagi,

Romans 4:12

Gai go ia hogi tamana o dangada e dee tuu dagaholiage laa donu huu i olaadeu angaanga, gai e daudali hogi i de gai o taadeu dubuna go Abraham, i de masavaa oona tigi tuu dagaholiage ai.

Hebrews 7:6

Aagai taane go Melkizedek nei e dee se dangada de aamuli o Levi, aagai ia ne kave tahi diba i diba e madaangahulu mai i daho Abraham, aama de hagamanuuia ia, go de ia ne gaavange laa aagena denga hagatoo donu laa.

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.