Romans 3:7 - De Beebaa Dabu

⁷ Aagai noo go dogu dee hai hegau i de mee abodonu e haia ga sula danuaa mai de hai hegau o de Maadua i de mee abodonu ma de hai gi kii ange dono hagamahamaha, gai gu aha ia gu hagamodu ai nei bolo au se dangada haisala?

Romans 3:7 Referans Kwoze

Romans 3:4

E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange, “Koe e hagaheohi donu i doo masavaa e basa ai, ma de kii i de masavaa aau e hagamodu ai muna.”

Matthew 26:34

Iesu ne hai ange gi de ia, “Ni muna abodonu aagu e hai adu nei gi de goe, i mua de goo o de gaagoo daane aaboo nei, gai koe e hagadee iloo naa donu au i e dolu hanonga.”

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

Exodus 14:30

De laangi laa gai Tagi Maolunga ne hagaola de gau Israel mai i de gau Egypt. Gai de gau Israel ne gidee e gilaadeu angaanga maakau o de gau Egypt i honga de gelegele o de vai laa.

Exodus 14:5

Gai de masavaa huu a hanu ne tala ange ai gi Pharaoh bolo de gau Israel gu odi i de saavini ma gu hulo gee, gai gilaadeu ma ono dangada hai hegau gu sui alaadeu maanadu ga hagataba, “Se hegau bee hee adaadeu gu hai nei? Gidaadeu gu dugu de gau Israel gi hulo gee, gai gilaadeu gu dee hai hegau mai ai loo gi gidaadeu.”

Exodus 3:19

Aagai au e iloo bolo de hodooligi o Egypt e dee dugu adu naa donu goodou gi hulo, deelaa donu huu noo au gu hai gi de mahi ia.

Genesis 37:20

Loomai, gidaadeu ga daa ia gi magau e maga ange gi lo te geelinga nei, gai gidaadeu ga tala bolo dahi manu lodo henua gu lava i de gai ia. Gai gidaadeu ga tilo be e hanu haigamaiana o ana midi!”