Romans 3:29 - De Beebaa Dabu

²⁹ E aha, de Maadua se Maadua donu huu niio de gau Ssuu, e dee se Maadua hogi niio denga Gentile? Uaa, ia se Maadua donu hogi niio denga Gentile,

Romans 3:29 Referans Kwoze

Colossians 3:11

Gai de mouli hoou nei e deai donu se dangada Ssuu be se dangada Greek, se dangada gu tuu dagaholiage be se dangada tigi tuu dagaholiage, se dangada lodo henua be se dangada tigi skuulu, se dangada hai hegau be se dangada ilaage; aagai go Klisdo e hagamogomogo, gai ia e noho i olaadeu lodo alodahi.

Zechariah 2:11

Denga huaahenua soa e hagabuni mai naa gi daho Tagi Maolunga, i de laangi laa ga hai ai ono dangada. Gai au e noho naa i oodou daha, gi iloo ai e goodou bolo go Tagi o denga hagabuulinga hebagi donu ne haia nei au gi humai gi oodou daha.

Ephesians 3:6

Deenei de mee nogo dee iloo laa: denga Gentile gu dau hogi i de boolonga madali de gau Ssuu, gilaadeu alodahi gu dau ange gi de angaanga daudahi, ma de kave de hagatoo donu i lodo o Klisdo Iesu i de longo danuaa.

Galatians 3:14

gai gi maua ai hogi e denga Gentile i de kave de manuuia o Abraham i daho Klisdo Iesu, gai gi maua ai e gidaadeu i de kave de Hagasaalunga gu hagatoo donu laa i de gai.

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

Romans 10:12

Gai e dee dagodo geegee donu tangada Ssuu ma tangada Gentile; e dahi donu huu olaadeu Dagi Maolunga, ia e hagamanuuia gilaadeu alodahi e hagahia ange ia.

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Acts 26:17

Gai au e hagaola naa goe mai i daho de gau Ssuu ma mai i daho denga Gentile, aagu e kave goe gi hano gi gilaadeu,

Acts 22:21

Aagai ia ne hai mai gi de au, ‘Hannoo, au e hai goe gi hano gi daho denga Gentile i de mommee mmao.’ ”

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Matthew 22:32

‘Go au de Maadua o Abraham, ma de Maadua o Isaac, aama de Maadua o Jacob.’  Ia e dee se Maadua niio de gau maakau, aagai se Maadua niio dangada e mouli laa.”

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Hosea 1:10

Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Isaiah 54:5

Go hiidinga doo bodu go ia ne haia goe, dono ingoo go Tagi o denga hagabuulinga hebagi; gai de Ia Dabu o Israel go doo Ia Hagaola, ia e hagaingoo ange go de Maadua o henua i lalo alodahi.

Psalm 72:17

Dono ingoo gi dagodo ga hano ai, gai ono longo gi dele saele i taulooloa de sobo age o de laa. Dangada e manuuia naa i ono hiidinga, gai denga huaahenua alodahi e hagataba naa bolo ia e manuuia.

Psalm 67:2

gi iloo ai dagodo o oo haiava i henua i lalo, ma dau hagaola i denga huaahenua alodahi.

Psalm 22:7

Gilaadeu alodahi e gidee au e doo mee i de au; gilaadeu e hagasomosomo mai olaadeu alelo gi de au, ma de geugeu olaadeu biho:

Genesis 17:18

Gai Abraham ne hai ange gi de Maadua, “Mee naa go Ishmael aau e hagamanuuia!”

Acts 10:34

Aagai Peter ne daamada de basa ga hai ange, “Au e iloo bolo ni muna abodonu de Maadua e dee vae dangada,