Romans 3:25 - De Beebaa Dabu

²⁵ De Maadua ne gaavange Iesu ga hai ai ssigidaumaha i ono dodo, e tala ai haisala o dangada e kai ange gi de ia. Ssigidaumaha nei e hagaago mai bolo de Maadua e heohi, i hiidinga ia ne golomagi ono lodo, ga hagadee anga ange gi denga haisala i mua.

Romans 3:25 Referans Kwoze

1 John 4:10

Gai deenei tagodo o de aloha: e dee go gidaadeu ne aaloha ange gi de Maadua, aagai go ia ne aloha mai gi gidaadeu ga gave iho dana Dama Daane e hai ai ssigidaumaha e tala ai odaadeu haisala.

1 John 2:2

Go ia ssigidaumaha e tala ai odaadeu haisala, gai e dee go odaadeu haisala donu huu, gai go haisala hogi o henua i lalo alodahi.

Romans 5:9

Deenei ai, go hiidinga gidaadeu gu hagaheohi i dodo o Klisdo, gai e kii ange naa donu dana hagaola mai gidaadeu i de lili ⌊o de Maadua⌋.

Acts 17:30

I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo.

Hebrews 10:4

go hiidinga e dee maua donu e dodo o denga kaau ma guudi i de kave gee haisala o dangada.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

Psalm 22:31

Gilaadeu e tala ange naa gi dangada tigi haanau dagodo o ana hegau heohi alodahi ne hai.

Leviticus 16:15

Gai ia gi daia de guudi e hai ai laa ssigidaumaha o haisala o de gau Israel, ga kave ono dodo gi lo te malo buibui, gai ia gi haia dodo laa bei dana hai ne hai ai laa dodo o de kaau daane: ia gi hagatoo madaua ina ange gi honga de pono o de tala haisala aama de aloalo o de pono laa.

Romans 5:1

Deenei ai, go hiidinga gidaadeu ne hagaheohi i de gai, gidaadeu gu nnoho paba madali de Maadua i hiidinga o taadeu Dagi Maolunga go Iesu Klisdo,

Revelation 20:15

Gai tangada e dee sisi dono ingoo i de beebaa o de mouli gu tili ange gi lo te ahi e sali laa bei de vai.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Hebrews 11:14

Gai dangada e daalaa hanu muna nei e hagaago mai, bolo gilaadeu e ssala dahi henua moolaadeu.

Psalm 119:142

Doo heohi e dee ngado mai donu, gai dau hainga ni muna abodonu.

1 John 1:10

Noo gidaadeu e hagataba bolo gidaadeu tigi haisala, gai gidaadeu e hai de Maadua gi se ia hadu muna, gai ana muna e dee daakodo donu i odaadeu lodo.

Hebrews 11:17

De gai o Abraham ne hai ga maua e ia i de gaavange Isaac e hai ai ssigidaumaha, i de masavaa a de Maadua ne hagatale ai dono gai. Taane ne gaavee de hagatoo donu laa, ne baba ange donu e sigidaumaha dana dama dagidahi,

Hebrews 9:5

Gai ono elunga iai luu cherubim o de mahamaha, olaau bakau e doha ange gi honga de pono o de tala haisala. Aagai gidaadeu e dee maua i de pasa i dagodo alodahi o mee nei.

1 Timothy 1:15

Muna nei ni muna abodonu gai e heohi taadeu daohi, bolo Klisdo Iesu ne humai gi henua i lalo e hagamouli ai de gau haisala, gai go au hugadoo e haisala i dangada alodahi.

Romans 5:11

Gai e dee deenei donu huu, gai gidaadeu e malangilangi hogi i de Maadua, i daho taadeu Dagi Maolunga go Iesu Klisdo, go de ia ne haia ga maua e gidaadeu de hagadanuaa odaadeu magavaa ma de Maadua.

Romans 3:26

De mee nei ne hai e hagaago mai ai dono heohi i de masavaa nei, gai ia e hagaheohi tangada e gai ange gi Iesu.

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

Acts 4:28

Gai gilaadeu ga hagassula ai au mee alodahi gu hagamodu e hai i doo sauaa ma dau hagatau.

Acts 3:18

Aagai de Maadua ne hagassula mee aana gu tala madagidagi i daho denga pelaabisi alodahi, bolo dana Klisdo e hagaduasala naa.

Acts 15:18

go mee gu iloo madagidagi loo.’

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

John 6:47

Ni muna abodonu, ni muna abodonu aagu e hai adu nei gi goodou, tangada e hagadonusia gu kave donu de mouli e dee ngado mai.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Psalm 97:6

De langi e tala bolo ia e heohi, gai dangada alodahi gu gidee dono mahamaha.

Psalm 50:6

De langi e hagaago mai de heohi o de Maadua, i hiidinga go ia donu de ia hagamodu muna! Selah

Psalm 40:10

Au tee daohi donu huu doo heohi i ogu lodo, gai au ne tala dagodo o doo hai hegau i de muna abodonu aama dau hagaola; au tee hagammuni donu dagodo o doo abodonu ma doo heohi i doo hagabuulinga soa.

Leviticus 16:10

Aagai de guudi ne hilihili ange laa gi Azazel i tada, e gaamai gi mada luu mada o Tagi Maolunga e tala ai haisala o dangada, i de hai gi hano gi daho Azazel i de vao.

Psalm 98:2

Tagi Maolunga gu hagaago mai dana hagaola, ma de hagaago ange gi denga huaahenua dono heohi.

Acts 14:16

Madagidagi gai ia ne dugu ange denga atangada alodahi gi haia olaadeu lodo.

Romans 5:18

Deenei ai, haisala o dahi dangada ne hai ga tuu ange dangada alodahi gi de magau, aagai hegau heohi a dahi dangada daudahi ne hagaheohi aama de gaavange de mouli gi dangada alodahi.

1 Corinthians 5:7

Aaua gee mee hagahua duai mai i oodou daha, gi bei ai goodou dagodo o de laabunga hoou e deai laa mee hagahua iai. Goodou se laabunga donu e deai mee hagahua iai. Go hiidinga Klisdo, taadeu ssiibi gauligi o ssigidaumaha o Taonga Hagasili, gu lava donu i de hai ai ssigidaumaha.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,

Ephesians 2:13

Aagai iainei goodou gu nnoho i lodo o Klisdo Iesu; i mua gai goodou e mmao gee i de ia, aagai iainei gu gaamai gi paa mai i dodo o Klisdo.

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,