Romans 3:22 - De Beebaa Dabu

²² Gai de hagaheohi nei ne gaavange gi dangada alodahi i delaadeu hagadonu Iesu Klisdo. Gai e dee dagodo geegee donu dangada,

Romans 3:22 Referans Kwoze

Romans 10:12

Gai e dee dagodo geegee donu tangada Ssuu ma tangada Gentile; e dahi donu huu olaadeu Dagi Maolunga, ia e hagamanuuia gilaadeu alodahi e hagahia ange ia.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Galatians 2:16

gai gimaadeu e iloo bolo tangada e dee hagaheohi i dono daudali i de hainga, aagai go dono gai ange gi Iesu Klisdo. Gai gimaadeu alodahi gu kai ange gi Klisdo Iesu, gi hagaheohi ai gimaadeu i demaadeu kai ange gi Klisdo, e dee go demaadeu daudali i de hainga, go hiidinga de hai hegau i de hainga e dee maua donu i de hagaheohi dahi dangada daudahi.

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

Colossians 3:11

Gai de mouli hoou nei e deai donu se dangada Ssuu be se dangada Greek, se dangada gu tuu dagaholiage be se dangada tigi tuu dagaholiage, se dangada lodo henua be se dangada tigi skuulu, se dangada hai hegau be se dangada ilaage; aagai go Klisdo e hagamogomogo, gai ia e noho i olaadeu lodo alodahi.

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,

Romans 2:1

Deenei ai, koe, tangada e hagabaubau ina laa tangada ange laa, koe e deai donu soo heohi e hagabaubau ai dahi dangada. Koe e hagaduasala naa donu i dau hagabaubau dahi dangada, aagai koe e haisala hogi i mee nei.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

James 2:23

Gai gu hagassula muna a de Beebaa Dabu gu tala laa, “Abraham ne hagadonusia de Maadua, gai dono gai ne hai ia gi dau bolo se dangada e heohi;” gai ia gu hagaingoo ange go ssoa o de Maadua.

Acts 15:9

Ia e dee dagodo gee donu dana hai e hai ai gidaadeu ma gilaadeu, aagai ia ne hagagilimalali hogi olaadeu lodo i de kai.

1 Corinthians 4:7

Gai goai ne haia goodou gi dagodo gee ma tangada ange laa? Gai ni aha i oodou daha e dee ni mee ne ngadi gaavadu gi goodou? Gai noo ni mee ne ngadi gaavadu, gai gu aha goodou gu pasa hagassoenga ai naa, e dagodo be e dee ni mee ne ngadi gaavadu gi goodou?

Romans 9:30

Gai aahee ai adaadeu muna ange gi mee nei? Gidaadeu e maua i de hagataba bolo denga Gentile tee hagaduu ngae laa e ssala delaadeu hagaheohi i daho de Maadua, gu maua e gilaadeu de hagaheohi i de gai;

Luke 15:22

Gai tamana ga hai ange gi ono dangada hai hegau, ‘Goodou hagamoolau gaamai de malo danuaa hakahu ina ange ai ia. Gai ulumagina ange de buulei gi dono lima aama mee vae gi luoono vae.

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

Daniel 9:24

E madahidu uvigi gu hagamodu ange gi oo dangada ma doo aduhale dabu, e hagaodi ange ai de masavaa o olaadeu haisala, ma de hai gi deai haisala, aama de degi ange gi baubau, gai ga hai gi sula de heohi ga hano ai, ma de hai gi bei de midi hagaago ange ma muna pelaabisi, aama de hagadabu i de lolo de mommee dabu mmao.

Acts 3:16

Gai go de gai ange gi de ingoo o Iesu, o taane oodou e gidee nei ma de iloo ne ieiangi ai. Gai go de ingoo o Iesu ma de gai ange gi de ia ne haia ga ieiangi taane nei, bei doodou hai ne gidee ai nei.

Acts 11:12

Gai de Hagasaalunga ⌊Dabu⌋ ga hai mai au gi hano madali gilaadeu, gai au gi dee lua lodo. Gai denga daina e dogoono nei ne hulo madali au gi de hale o taane laa.

Romans 1:17

Go hiidinga de longo danuaa e hagaago mai de heohi a de Maadua — go de heohi i de gai, mai i taamada ga dae ai gi de hagaodi, bei de hai gu sisi ai laa, “Tangada heohi e mouli i de gai.”

Romans 3:30

go hiidinga e dahi donu huu Maadua; gai ia e hagaheohi gilaadeu e tuu dagaholiage ma gilaadeu e dee tuu dagaholiage i de gai.

Romans 4:16

Deenei ai, de hagatoo donu nei e maua donu huu i de gai, gai gi se mee ai e maua i de abodonu ma de hagatoo donu ange gi hagadiilinga alodahi o Abraham — e dee ange donu huu gi gilaadeu e daudali i de hainga, aagai ange hogi gi gilaadeu e kai bei dagodo o Abraham. Ia go tamana odaadeu alodahi.

Romans 10:4

Go hiidinga Klisdo go de ngado mai o de hainga, gi maua ai e dangada alodahi e hagadonusia gi heohi i daho de Maadua.

1 Corinthians 12:13

Gai gidaadeu alodahi ne babudaisi i de Hagasaalunga daudahi e hai ai de angaanga e dahi — e dee hilihili be ni dangada Ssuu aabe ni dangada Greek, be ni dangada hai hegau aabe ni dangada e ilaage — gai gidaadeu alodahi ne kave de Hagasaalunga daudahi.

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

Galatians 3:22

Aagai de Beebaa Dabu e hagadaba bolo dangada alodahi gu nnoho i lalo ssauaa o de haisala; gai go gilaadeu e kai ange gi Iesu Klisdo e gaavange aagena de hagatoo donu i delaadeu hagadonusia.

Ephesians 3:12

go de ia odaadeu e lo taane ai ma tee maatagu i de loomai gi mada luu mada o de Maadua i de gai.