Romans 3:2 - De Beebaa Dabu

² E lagolago donu mee o de gau Ssuu e dubu ange ai! Tahi mee: de Maadua ne gaavange ana muna donu gi gilaadeu.

Romans 3:2 Referans Kwoze

Romans 9:4

Gilaadeu go dangada o Israel, gai go gilaadeu donu denga dama daohi a de Maadua, go gilaadeu ne gaavange aagena de mahamaha, ma de hagatoo donu hagaheloongoi, ma de hainga a Moses, ma de hai daumaha heohi, aama denga hagatoo donu.

Acts 7:38

Deenei de ia ne hano laa madali de hagabuulingaa dangada o Israel i de vao, madali tangada de langi ne basa ange laa gi de ia i de mounga go Sinai, madali odaadeu dubuna madagidagi. Gai go ia ne gaavee muna o de mouli ga gaamai gi gidaadeu.

Hebrews 5:12

Iainei goodou gu maua donu i de agoago, gai e deai, goodou goi aahe ange huu ma e agoago i muna heohi a de Maadua i taamada. Goodou goi mouli donu huu i vai uu, goodou tigi maua donu i de gai mee makaga;

1 Corinthians 9:17

Gai noo go au ne hilihilia de hai de hegau nei, aagai e dahi donu ogu hagaoanga. Aagai noo e dee go au ne hilihilia, gai au e hai donu huu de hegau gu gaamai laa gi de au.

1 Peter 4:11

Noo dahi dangada e agoago, gai ia gi daalaa muna a de Maadua. Noo tangada se dangada e balea ange dangada, gai ia gi haia mee nei i mahi a de Maadua gu gaavange gi de ia, gai gi duuhia ai de Maadua i mee alodahi i daho Iesu Klisdo. Gai go ia e bau ange gi de kave taadeu tuhi ma de mahamaha ma ssauaa ga hano ai e dee ngado mai. Amen.

Revelation 22:6

Gai tangada de langi laa ne hai mai gi de au, “Muna nei ni muna abodonu gai e heohi. Tagi Maolunga, de Maadua ne hagangaalue ina laa lodo o denga pelaabisi i dono Hagasaalunga, ne hai dono dangada de langi gi humai gi hagaagona ange gi ono dangada hai hegau mee gu dai loomai.”

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

1 Timothy 6:20

Timothy, koe gi daohia mee alodahi gu lava i de gaavadu gi de goe. Huli gee i denga ngadi muna o dangada e hagadaumee ai ma de tala bolo go de iloo mee abodonu;

Galatians 2:7

Gai gilaadeu ne gidee bolo gu gaamai gi de au de hegau, go de agoago ange de longo danuaa gi denga Gentile, bei de hai gu gaavange ai laa hogi gi Peter, gi agoagona ange de longo danuaa gi de gau Ssuu.

2 Corinthians 5:19

deenei tagodo, de Maadua ne hagadanuaa olaau magavaa ma henua i lalo i daho Klisdo, ia tee dau ange olaadeu haisala gi gilaadeu, gai gu dugu mai gi gidaadeu gi agoagona dagodo o de hagadanuaa magavaa.

Romans 3:3

Gai noo hanu e dee hai hegau i de mee abodonu? Gai e maua naa delaadeu dee hai hegau i de muna abodonu, i de hai gi dee hai haigamaiana de hai hegau o de Maadua i de mee abodonu?

Romans 2:18

gai koe e iloo ono mee e lodo ai ma de buni ange gi de mee e heohi, i hiidinga koe gu agoago i de hainga;

Romans 1:2

gu lava laa i dana hagatoo donu madagidagi i daho ono pelaabisi i de Beebaa Dabu,

John 5:39

Goodou e kana ange ma e dau de Beebaa Dabu, i hiidinga goodou e maanadu bolo go muna nei oodou e maua ai de mouli e dee ngado mai. Gai go muna nei donu e daalaa hagadonu ogu dagodo,

Daniel 10:21

gai i mua dogu hano gai au e tala adu mee gu lava i de sisi i lo te Beebaa o de Mee Abodonu. Gai e deai ange donu e balea mai au e hebagi ange ai gi gilaau, go Michael donu huu, doodou dagi.

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

Psalm 119:140

Au hagatoo donu ni muna abodonu, doo dangada hai hegau e lodo ai mmao.

Romans 3:1

Gai se aha o tangada Ssuu e dubu ange ai laa? Gai aahee haigamaiana o de tuu dagaholiage?