Romans 2:9 - De Beebaa Dabu

⁹ Gai e dae mai naa de hagaduasala ma de hai ngadaa gi dangada alodahi e haia de baubau, ange gi de gau Ssuu i mua aama ange hogi gi denga Gentile,

Romans 2:9 Referans Kwoze

1 Peter 4:17

Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Ezekiel 18:4

Tilo, mouli o dangada alodahi ni mee mai i ogu daha, tamana ma tama niiagu hogi — gilaau ngaadahi niiagu. Tangada e haisala laa e magau donu.

2 Thessalonians 1:6

Gai de Maadua e heohi donu, i dana sui ange hegau a dangada e vaivai haia goodou,

Romans 9:24

Aanei gidaadeu aana gu lava laa i de hagahi, e dee mai donu huu i magavaa o de gau Ssuu, gai mai hogi i magavaa o denga Gentile.

Romans 2:10

gai gilaadeu alodahi e haia tanuaa e kave naa de mahamaha, ma de hagadubu, aama de baba, ange gi de gau Ssuu i mua aama ange hogi gi denga Gentile.

Acts 3:26

De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Colossians 3:11

Gai de mouli hoou nei e deai donu se dangada Ssuu be se dangada Greek, se dangada gu tuu dagaholiage be se dangada tigi tuu dagaholiage, se dangada lodo henua be se dangada tigi skuulu, se dangada hai hegau be se dangada ilaage; aagai go Klisdo e hagamogomogo, gai ia e noho i olaadeu lodo alodahi.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Romans 10:12

Gai e dee dagodo geegee donu tangada Ssuu ma tangada Gentile; e dahi donu huu olaadeu Dagi Maolunga, ia e hagamanuuia gilaadeu alodahi e hagahia ange ia.

Acts 28:28

Deenei ai, au e lodo goodou gi iloo bolo de hagaola a de Maadua gu agoago ange hogi gi denga Gentile, gai gilaadeu e hagallongo naa donu!” [

Acts 28:17

Dua e dolu laangi gai Paul ne aalu dagi o de gau Ssuu gi loomai gi ono daha. De masavaa olaadeu ne tae mai ai, gai ia ga hai ange gi gilaadeu, “Ogu daina, tigi ai donu agu mee ne hai e baasi ange ai gi odaadeu dangada, aabe go dahulinga a odaadeu dubuna madagidagi; aagai gilaadeu ne poo au i Jerusalem ga gaavange gi de gau Rome.

Acts 26:20

Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Acts 13:26

Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu.

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

Matthew 16:26

Ni haigamaiana aha de maua e tangada henua i lalo alodahi, aagai dono mouli e tili? Aabe se aha a tangada e gaavange e sui ai dono mouli?

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”

2 Chronicles 6:23

gai koe hagalaangona mai i de langi, ga hai hegau ange ga hagamodu muna o oo dangada hai hegau, ga hagaduasala tangada gu haisala gi bei ana hegau gu hai. Gai koe e degi ange gi tangada heohi bei dagodo o ana hegau.

Psalm 32:10

E lagolago daemaha o de gau baubau, gai de abodonu o Tagi Maolunga e duuli tangada e hagadonusia ia.

Proverbs 11:23

De mee o tangada heohi e lodo ai e sula mai ai naa tanuaa, aagai de tali a tangada baubau e duu ange naa gi de bole.

Ezekiel 22:31

Deenei ai, au e hagaduasala donu gilaadeu i dogu lili, ma de hagallilo gilaadeu i dogu bole bei dagodo o de ahi. Au e sui ange naa donu alaadeu hegau, go de Ia Aamua go Iahweh e hagadaba.”

Romans 8:35

Gai goai e maua i de vvae gee gidaadeu mai i de aloha o Klisdo? E maua e de hagaduasala, be go hai ngadaa, be go de vaivai haia, be go de onge, be go teai odaadeu malo, be go de mee hagamanavasaa, aabe go de gadilaasa?