Romans 2:5 - De Beebaa Dabu

⁵ Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Romans 2:5 Referans Kwoze

Romans 1:18

Gai de lili o de Maadua gu hagaago mai i de langi, e hagaduasala ai gilaadeu alodahi e dee hagadubulia de Maadua ma de gau baubau e buibuia laa gi dee sula de muna abodonu i alaadeu hegau baubau.

Ecclesiastes 12:14

Go hiidinga de Maadua e hagamodu naa dagodo o hegau alodahi, ma mee alodahi ne hai hagammuni laa, e dee hilihili be danuaa aabe baubau.

Jude 1:6

Gai de gau de langi tee llodo laa e nnoho i olaadeu duuhanga, aagai ne hulo gee mai i delaadeu mommee nnoho, de Maadua gu noonooa gilaadeu gi nnoho i lo te gohu ga hano ai e dee ngado mai, ga dae ai gi de laangi hagamodu muna maolunga laa.

2 Peter 3:7

Gai go muna mau nei hogi e hagadabena ange ai de langi ma henua i lalo nei, e dudu i de ahi, ma de dugu ange gi de laangi hagamodu muna ma de daa ai gi maakau de gau baubau.

Hebrews 3:15

Gai e hagadaba de Beebaa Dabu, “Anailaa nei, noo goodou gu langona dono leo, gai goodou gi dee hagamakaga ina oodou lodo bei de masavaa o de hai baasi.”

Deuteronomy 32:34

“E aha, tee dugua e au de mee nei ga doange, ma de pono ange i lodo ogu mommee doange goloa?

2 Peter 2:9

noo deenei tagodo, gai Tagi Maolunga e iloo de hai e hagaola ai gilaadeu e heohi mai i denga hagatale, ma de daohi gilaadeu e dee hai hegau i de mee heohi, i lalo de hagaduasala ga dae ai gi de laangi hagamodu muna.

Hebrews 4:7

Gai de Maadua gu hagailonga hogi dahi laangi, ma gu hagaingoo ange go “anailaa nei”. Ia ne hagadaba hogi i daho David i muli mai, bei muna gu lava laa i de tala, “Anailaa nei, noo goodou gu langona dono leo, aagai goodou gi dee hagamakaga ina oodou lodo.”

Hebrews 3:13

Aagai goodou hagadau hagammahi ina goodou i laangi alodahi, i de masavaa goi hagabinga ai bolo go “anailaa nei,” gai dahi ma dahi gi dee hagamakaga ina ono lodo, i dono hagasengalia i de haisala.

Romans 9:22

Gai de Maadua ne lodo e hagaago mai dono lili ma dono sauaa mmahi, i de golomagi ono lodo i gilaadeu aana gu baba ange e daa gi maakau,

Psalm 110:5

De Ia Aamua e duu i doo baasi madau; ia e hagadee kii naa denga hodooligi i de laangi o dono lili.

2 Chronicles 30:8

Goodou aude hagamakaga ina oodou lodo bei oodou dubuna madagidagi, gai dugua ange goodou gi Tagi Maolunga, ma de loomai gi dono hale dabu, aana gu lava laa i de hagadabu ga hano ai. Goodou daumaha ange gi Tagi Maolunga doodou Maadua, gi dee hagaduasala ina ai e ia goodou i dono bole.

1 Samuel 6:6

Gai ni haigamaiana aha doodou hagamakaga oodou lodo bei de gau Egypt ma Pharaoh? Dua dana hagaduasala gilaadeu, gai gilaadeu ga hagamoolau ga dugu de gau Israel gi hulo.

Revelation 6:17

Go hiidinga gu dae mai de laangi olaau e pole ai, gai goai naa donu e maua i de hai baasi ange?”

James 5:3

Oodou goolo ma selevaa gu hongagelegele baalanga, gai de hongagelegele baalanga ina o mee nei e hagabaubau donu goodou, ma de oha oodou angaanga bei de ahi. Goodou gu hagabudu donu oodou goloa e hagadabena ange gi denga laangi hagaodi.

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

Daniel 5:20

Aagai de masavaa huu oona ne lodo maolunga ai ma de hagamakaga ono lodo i dono hagamaolunga, gai dono nohoanga hodooligi ma dono mahamaha gu kave gee mai i ono daha.

Ezekiel 3:7

Aagai de gau Israel e dee llodo e hagallongo au muna, go hiidinga gilaadeu e dee llodo e hagallongo agu muna, gai dangada alodahi o Israel e hagamaanege ma de hagamakaga olaadeu lodo.

Isaiah 48:4

Gai au e iloo bolo koe e makaga oo lodo; doo ua e makaga bei iron, gai doo lae e makaga bei bronze.

Proverbs 29:1

Be goai e hagaseegina i hanonga lagolago, gai e hagamakaga ono lodo, e daa hagalele naa donu dono lagohia — gai ia e dee ieiangi naa donu.

Proverbs 11:4

Goloa lagolago e deai ono haigamaiana i de laangi o de bole, aagai de mee heohi e hagaola tangada mai i de magau.

Psalm 95:8

gai goodou gi dee hagamakaga ina oodou lodo, bei oodou mee ne hai i Meribah, aama mee ne hai i de laangi i de vao o Massah,

De Beebaa go Job 21:30

bolo tangada baubau e ola i de laangi o de hai ngadaa, gai ia ne ola i de laangi o de bole?

2 Chronicles 36:13

Ia ne hai baasi ange hogi gi de hodooligi go Nebuchadnezzar, go de hodooligi ne haia laa ia gi hagatoo donu i de ingoo o de Maadua. Ia tee hagamaolalo gai ne hagamakaga ono lodo aama tee dahuli ange ono lodo gi Tagi Maolunga, de Maadua o Israel.

Joshua 11:20

Go hiidinga Tagi Maolunga ne hagamakaga olaadeu lodo gi loomai ai gilaadeu gi hebagi ange gi de gau Israel, gi daia ai gilaadeu gi odi i de maakau, ma tee degi ange gi gilaadeu, bei de hai a Tagi Maolunga gu tala ange ai laa gi Moses.

Deuteronomy 2:30

Gai Sihon, e hodooligi i Heshbon, tee lodo e dugu mai gidaadeu gi seesee laa honga dono henua, go hiidinga Tagi Maolunga doodou Maadua gu hagamakaga ono lodo, gai ia ga dugu adu ai goodou gi daia ia, bei doodou hai gu gidee ai naa anailaa nei.

Exodus 8:15

Aagai ga gidee huu e Pharaoh bolo de hagaduasala laa gu ui gee, gai ia ga hagamakaga ono lodo; ia tee hagallongo ange gi Moses ma Aaron, bei de hai a Tagi Maolunga gu tala ai laa.

Amos 3:10

“Gilaadeu e dee iloo de hai de mee heohi, go Tagi Maolunga e hagadaba. Gilaadeu e hagabudu mee alaadeu e gaiaa ma de vaivai hai ai dangada i lodo olaadeu mommee buibui makaga.”

Exodus 14:17

Aagai au e hagamakaga naa lodo o de gau Egypt, gai gilaadeu e doolohi naa goodou. Gai dangada e hagamahamaha ai naa au i hiidinga o agu mee ne hai ange gi Pharaoh ma dono hagabuulinga hebagi, ma ono hada hebagi aama ono daane e kage i honga hoosa.

Exodus 32:34

Iainei gai koe hannoo dagina de huaadangada naa gaavee gi de mommee aagu gu tala adu gi de goe. Gai dogu dangada de langi e hano naa i oo mada i mua. Aagai de laangi naa huu aagu e hagaduasala ai gilaadeu, gai au ga hagaduasala gilaadeu i hiidinga olaadeu haisala.”

Proverbs 1:18

De gau bee nei e tali donu huu delaadeu maakau, gilaadeu e daa donu huu gilaadeu gi maakau.

Proverbs 28:14

Tangada e madagu laa i Tagi Maolunga i masavaa alodahi e manuuia donu, aagai tangada e hagamakaga ina ono lodo e duu ange naa gi de hai ngadaa.

Jeremiah 40:3

Anailaa nei gai Tagi Maolunga gu hagassula ana muna, bei dana hai gu hagatoo donu ai laa. De mee nei gu hai adu donu gi goodou go hiidinga goodou gu haisala ange gi Tagi Maolunga, goodou tee hagallongo ange gi de ia.

Ezekiel 11:19

Au e hai naa gilaadeu gi buni i de lodo daudahi, ma de hagahoou olaadeu lodo; au e kave gee naa olaadeu lodo e makaga laa bei de hadu, gai ga gaavange gi gilaadeu dahi lodo hoou.

Hosea 13:12

Baubau o Ephraim gu hagabudu, gai ono haisala gu sisi ma gu daohi.

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

2 Thessalonians 1:5

Gai mee nei e hagaago danuaa mai de hagamodu heohi a de Maadua, gai e hai gi heohi ange goodou gi de ulu i de nohoanga hodooligi o de Maadua, gai de mee nei ne hai ga vaivai haia goodou.

Revelation 2:21

Gai au ne dugu ange dahi masavaa e dahuli ai ono lodo, gai ia tee lodo e dahuli gee mai i ana dahulinga hai be se manu.