Romans 2:4 - De Beebaa Dabu

⁴ Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

Romans 2:4 Referans Kwoze

2 Peter 3:9

Gai Tagi Maolunga e dee hai mee mudumudu i de hagassula dana mee gu hagatoo donu ai, bei de hai a hanu e maanadu ai, gai e golomagi ono lodo i oodou hiidinga; ia e dee lodo dahi dangada daudahi gi magau, aagai dangada alodahi gi daahuli olaadeu lodo.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Exodus 34:6

Gai Tagi Maolunga ne hano gi mada i mua o Moses, ga hagadaba, “Tagi Maolunga, Tagi Maolunga, de Maadua e lodo aloha ma de degi, e dee moolau de lili, gai e honu i de aloha aama de hai hegau i de muna abodonu,

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Ephesians 2:7

gai ia ga hagaago mai ai dono abodonu laumalie ma dono degi mai gi gidaadeu i lodo o Klisdo Iesu i de masavaa e humai.

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,

Romans 3:25

De Maadua ne gaavange Iesu ga hai ai ssigidaumaha i ono dodo, e tala ai haisala o dangada e kai ange gi de ia. Ssigidaumaha nei e hagaago mai bolo de Maadua e heohi, i hiidinga ia ne golomagi ono lodo, ga hagadee anga ange gi denga haisala i mua.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

2 Peter 3:15

Goodou manadua bolo de golomagi lodo o taadeu Dagi Maolunga e hagamouli dangada. Deenei hogi de mee a taadeu daina hagamogomogo go Paul gu sisi adu ai, i de heiangi a de Maadua gu gaavange laa gi de ia.

Romans 11:33

Ga dae laa de gelo de lava ma de heiangi, ma de iloo mee o de Maadua! Ana hagamodu e dee maua e gidaadeu gi tonu ange aagena, ana haingaa mee e dee maua gi iloo!

Romans 11:22

Deenei ai, galo ange diiloo dagodo o de abodonu ma de hagamaatagu o de Maadua: ia e hagamadagu ange gi gilaadeu gu tuu ma gu too, aagai e abodonu adu gi de goe, noo koe e duudagi de noho i lalo dono abodonu. Gai noo e deai, gai koe e tuu donu hogi ga doo.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Psalm 78:38

Aagai ia ne lodo aloha, ga degi ange gi olaadeu baubau, tee daa gilaadeu gi maakau. Ia tee modu donu de golomagi ono lodo i gilaadeu, tee hagahai hegau dono bole.

Ephesians 2:4

Aagai de Maadua, de ia e honu abodonu laa dono degi, i hiidinga dono aloha mmao i gidaadeu,

Ecclesiastes 8:11

De masavaa naa huu e dee hagaduasala ai tangada i de masavaa moolau, i ana hegau baubau, gai lodo o dangada gu nnoho ai naa donu huu e hai de baubau.

2 Peter 3:3

Gai deenei tahi mee hugadoo oodou e hai gi iloo: de gau doo mee e loomai naa ga doo mee i denga laangi hagaodi. Gilaadeu e daudali naa donu huu i olaadeu lodo dee heohi.

1 Peter 3:20

go gilaadeu tee daudali laa i muna a de Maadua madagidagi, i de masavaa a de Maadua ne golomagi ai ono lodo ga tali ange gilaadeu i laangi o Noah, i de masavaa a Noah ne hagaduu ai de vaga hale. Gai ne sogoisi donu huu dangada i lo te vaga laa, se dogovalu alodahi gilaadeu ne ola mai i lodo vai laa.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

Philippians 4:19

Gai dogu Maadua e gaavadu naa gi goodou mee alodahi oodou e duasala ai, gi bei laumalie o dono lava i lodo o Klisdo Iesu.

Psalm 10:11

Ia e hagadaba, “De Maadua gu ngalo mee nei; ia gu haoli luoono mada gi dee gidee ai e ia.”

Revelation 3:20

Tilo, au e duu i de haitoga ma e dugidugi ai. Be goai e langona dogu leo ga hhuge mai de haitoga, gai au ga ulu gi ono daha ga gaimee madali ia, gai ia madali au.

1 Timothy 1:16

Gai deenei de hiidinga aagu gu kave ai tegi nei, e hagaago mai ai i ogu daha de kona de golomagi lodo o Klisdo Iesu, gai de mee nei ne hagaago ange gi gilaadeu gu dai hagadonusia ia, gai gilaadeu ga kave ai de mouli e dee ngado mai, gai go au hugadoo e haisala i dangada.

Colossians 1:27

Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.

Romans 6:15

Gai aahee ai adaadeu mee e hai? Gidaadeu ga duudagi de nnoho i lodo odaadeu haisala, i hiidinga gidaadeu gu dee nnoho i lalo de hainga, gai gu nnoho i lalo de abodonu o de Maadua? E dee maua donu!

Romans 6:1

Gai aahee ai adaadeu muna ange gi mee nei? Gidaadeu ga duudagi de nnoho i lodo odaadeu haisala gi kii ange ai de laumalie de abodonu o de Maadua?

Psalm 104:24

Tagi Maolunga, e lagolago mmao au hegau ne hai! Koe ne hai mee alodahi i de heiangi; henua i lalo gu honu i au mee ne hai.

Colossians 2:2

Au e hai de mee nei e hagalo taane ange ai olaadeu lodo ma de buni i de hagadau aaloha, gi honu danuaa ai delaadeu tonu ange ma de iloo de hagatau a de Maadua e dee iloo laa, go Klisdo.

Ephesians 3:16

gai ia ga hai ai gi mmahi oodou lodo i ssauaa o dono Hagasaalunga, bei dagodo de laumalie o dono mahamaha,

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Romans 10:12

Gai e dee dagodo geegee donu tangada Ssuu ma tangada Gentile; e dahi donu huu olaadeu Dagi Maolunga, ia e hagamanuuia gilaadeu alodahi e hagahia ange ia.

Ezekiel 16:63

Gai koe e manadua naa ma de dogaa; koe e dee ahe ange naa donu e tala hanu muna, i hiidinga doo dogaa, i dagu masavaa e hagaheohi ai au mee alodahi gu hai, go de Ia Aamua go Iahweh e hagadaba.’ ”

Jeremiah 7:10

muli mai gai goodou ne loomai ga tuu i mada luoogu mada i lo te hale nei, go de hale hagaingoo i dogu ingoo, ga hagataba, ‘Gimaadeu gu ola!’ — aagai goodou e duudagi donu huu de hai mee hakino gee nei?

Numbers 14:18

‘Tagi Maolunga e dee moolau de lili ma de abodonu, gai e laumalie dono abodonu, ia e degi ange gi baubau ma haisala, aagai ia e dee degi ange donu gi hegau baubau, gai e hagaduasala denga dama i hiidinga haisala olaadeu maadua, ga dae ai loo gi tolu ma de haa atangada.’

Jonah 4:2

Gai ia ne dalodalo ange gi Tagi Maolunga, ga hai ange, “Tagi Maolunga, e dee aanei agu mee ne tala adu gi de goe i dogu masavaa goi noho ai laa i dogu henua? Aalaa donu ogu hiidinga ne hagamoolau ai laa ga hano gi Tarshish. Au e iloo bolo koe se Maadua e degi, ma de lodo aloha, gai e dee moolau de lili, aama de honu i de aloha, gai e moolau de helui oo lodo ga dee ssui ange de baubau.

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Psalm 31:19

Ga dae laa de laumalie doo abodonu, gu hagadabena ange gi gilaadeu e maatagu i de goe, ma de abodonu ange gi gilaadeu e haia goe go delaadeu buibui i madamada o dangada!

Ezekiel 11:19

Au e hai naa gilaadeu gi buni i de lodo daudahi, ma de hagahoou olaadeu lodo; au e kave gee naa olaadeu lodo e makaga laa bei de hadu, gai ga gaavange gi gilaadeu dahi lodo hoou.

2 Corinthians 8:2

De masavaa ne kona ai delaadeu hai ngadaa, gai gilaadeu ne malangilangi i de daohi age dahi sigidaumaha, e dee galemu donu delaadeu hagaau aloha.

2 Peter 1:11

Go hiidinga deenei de hai e mahuge adu ai de haitoga gi goodou, e ulu ai i de nohoanga hodooligi dee ngado mai o taadeu Dagi Maolunga ma de Ia Hagaola go Iesu Klisdo.

Revelation 2:21

Gai au ne dugu ange dahi masavaa e dahuli ai ono lodo, gai ia tee lodo e dahuli gee mai i ana dahulinga hai be se manu.