Romans 2:3 - De Beebaa Dabu

³ Gai koe, tangada e hagabaubau ina gilaadeu e haia hegau bee nei, aagai koe e hai donu hogi mee nei, koe e maanadu naa bolo koe e maua gi ola mai i de hagaduasala a de Maadua?

Romans 2:3 Referans Kwoze

Proverbs 16:5

Tagi Maolunga e kino i dangada hagamaolunga alodahi. Ni muna abodonu, de gau bee nei e dee haihai naa donu ga dee hagaduasala.

Romans 1:32

Gai e dee galemu donu delaadeu iloo dagodo o de hagamodu heohi a de Maadua, bolo dangada e haia hegau bee nei e maakau donu, gai gilaadeu e dee duudagi donu huu de hai mee nei, aagai gilaadeu e malangilangi donu hogi i dangada e haia mee nei.

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

Luke 12:14

Iesu ne hai ange gi de ia, “Taane nei, goai ne haia ngau gi se dangada hagamodu muna aabe se dangada e vaaea ooluu mee ma doo daina?”

Luke 22:58

Muli mai ange gai dahi dangada ne gidee hogi ia, ga hai ange, “Koe se dangada donu hogi madali gilaadeu!” Aagai Peter ga hai ange, “Taane nei, e deai!”

Matthew 26:53

Koe e hagadaba bolo au e dee maua i de dangidangi ange gi dogu Damana, gai ia ga hai gi loomai iainei donu, dahi hagabuulingaa dangada de langi, e soa ange laa i de madaangahulu ma lua hagabuulinga hebagi?

Matthew 23:33

Goodou e bei denga labodo, gai ni dama nii denga labodo hagammau, dee hee doodou hai e hagaola ai goodou i de hagaduasala o de ahi?

Daniel 10:19

Gai ia ne hai mai, “Aude madagu, taane hagamogomogo mmao ⌊i daho de Maadua⌋, de baba gi dagodo i oo daha; koe gi lodo mmahi.” De masavaa oona ne basa mai ai, gai au gu ahe ange ga hanu ogu mahi, gai au ga hai ange, “Dogu dangada aamua, daalaa mai au muna, go hiidinga koe gu hagammahi au.”

Ezekiel 17:18

Ia ne hagangadi mee de hagatoo donu i dana oha de hagatoo donu hagaheloongoi laa. Gai tilo, ia ne hagatoo donu aagai ia ne hai mee nei alodahi; deelaa ai, ia e dee ola naa donu.

Ezekiel 17:15

Aagai de hodooligi ne hai baasi ange gi de ia, ga hai gi hulo ono dangada sui gi Egypt, gi gaamai ai hanu hoosa ma dahi hagabuulinga hebagi soa. E aha, dana hagatau e maua naa gi sula? Gai de ia ne haia mee nei e maua naa gi ola? Gai e maua naa e tangada e oohaa de hagatoo donu hagaheloongoi nei gi ola?

Proverbs 11:21

Ni muna abodonu, tangada baubau e dee haihai naa donu ga dee hagaduasala, aagai dangada heohi e ilaage naa.

Psalm 50:21

De masavaa aau ne hai ai mee nei, gai au tee muu adu donu; gai koe e maanadu bolo au e bei oo dagodo. Aagai iainei au e hagasee goe, ma de hagabaubau goe.

De Beebaa go Job 35:2

“Koe e maanadu bolo se mee heohi deenei? Koe e hagadaba, ‘Au e heohi donu i mada luu mada o de Maadua.’

2 Samuel 10:3

gai dagi o de gau Ammon ga hai ange gi Hanun, delaadeu dangada aamua, “E aha, koe e maanadu bolo David ne hai gi loomai ono daane gi hagaaneane ina oo lodo, e hagadubu ai doo damana? Gai ia tee hai nei gilaadeu gi loomai e tilo dagodo aama de mulidagi de aduhale, gai ia ga hagadee kii ai de aduhale?”

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.

Luke 22:60

Aagai Peter ga hai ange, “Taane nei, au e dee iloo donu au mee e tala mai naa!” De masavaa o Peter e tala ai ana muna, gai gu goo de gaagoo daane.

Psalm 56:7

Koe e dee dugu ange gilaadeu gi ola, i hiidinga olaadeu baubau; de Maadua, koe gi hagaduasala ina denga huaahenua i doo bole!

Romans 2:1

Deenei ai, koe, tangada e hagabaubau ina laa tangada ange laa, koe e deai donu soo heohi e hagabaubau ai dahi dangada. Koe e hagaduasala naa donu i dau hagabaubau dahi dangada, aagai koe e haisala hogi i mee nei.

Romans 2:2

Gai gidaadeu e iloo bolo de hagamodu a de Maadua e heohi, gai ia e hagaduasala naa donu gilaadeu e haia mee nei.

Romans 9:20

Koe se dangada, gai go koe goai, gai koe ga tugi ange ai muna a de Maadua? E maua e de gumedi hadu i de hai ange gi tangada hai gumedi, “Gu aha goe gu hai ai nei au gi dagodo bee nei?”