Romans 2:29 - De Beebaa Dabu

²⁹ Aagai tangada Ssuu abodonu se mee mai i de lodo, gai de tuu dagaholiage abodonu se mee e hai i de lodo o tangada, i ssauaa o de Hagasaalunga ⌊Dabu⌋, e dee go hiidinga o de hainga gu sisi laa. Gai dono tuhi e dee se mee mai i daho dangada, aagai mai i daho de Maadua.

Romans 2:29 Referans Kwoze

Deuteronomy 30:6

Gai Tagi Maolunga doodou Maadua e tuu dagaholiage naa oodou lodo ma lodo o oodou hagadiilinga, gi aaloha ai goodou i Tagi Maolunga doodou Maadua, i oodou lodo alodahi aama oodou hagasaalunga alodahi, gai gi mouli ai goodou.

Philippians 3:3

I hiidinga go gidaadeu donu de tuu dagaholiage abodonu, gai e daumaha ange gi de Maadua i de hagasaalunga ma de malangilangi i taadeu buni ma Klisdo Iesu, gidaadeu e dee tali hagalodolodo ange gi mee e hai i de angaanga.

Deuteronomy 10:16

Deenei ai, goodou tuu dagaholiage ina oodou lodo, gai gi dee hagamakaga ina oodou lodo.

Jeremiah 4:4

Goodou gi tuu dagaholiage ange gi Tagi Maolunga, gai tuu dagaholiage ina oodou lodo, goodou e dangada o Judah ma dangada o Jerusalem; kana humai dogu bole bei de ahi ula e dee maua laa i de diinei, i hiidinga o oodou hegau baubau.

1 Thessalonians 2:4

aagai ne hai bei de hai a de Maadua ne gaamai ai gi gimaadeu de longo danuaa. Deelaa ai, gimaadeu tee tala mee nei e hagamalangilangi ai dangada, aagai ne tala e hagamalangilangi ai de Maadua, go de ia e hagataalea dagodo maanadu i odaadeu lodo.

1 Peter 3:4

aagai goodou hagamahamaha ina goodou i mee i de lodo e dee gidee laa, go mee e dee maua gi pobo, bei de daudonu ma tee muu i de lodo maolalo; aanei mee e hagamogomogo i daho de Maadua.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

2 Corinthians 10:18

Go hiidinga e dee go tangada e duuhia laa donu huu ia e hagaheohi, aagai go tangada a Tagi Maolunga e tuhi laa.

Romans 7:6

Aagai iainei gidaadeu gu ilaage mai i de hainga laa, gidaadeu gu maakau ange gi de hainga nogo noodia laa gidaadeu, gai gidaadeu gu dee hai hegau i de hainga duai gu lava laa i de sisi, aagai gu kave de mouli hoou o de Hagasaalunga ⌊Dabu⌋.

Romans 2:27

Gilaadeu e dee tuu dagaholiage laa gai e daudali i de hainga e hagabaubau naa de gau Ssuu ne gaavee laa de hainga gu sisi ma de tuu dagaholiage aagai e oha de hainga.

2 Corinthians 3:6

Gai go ia ne haia gi maua e gimaadeu i de hai gi ni dangada hai hegau niio de hagatoo donu hagaheloongoi hoou. Gai de hagatoo donu hagaheloongoi tee sisi i de hainga, aagai ne sisi i daho de Hagasaalunga ⌊Dabu⌋. Gai de hainga ne sisi laa e daa ga maakau dangada, aagai de Hagasaalunga e gaamai de mouli.

John 12:43

go hiidinga e kii de tuhi mai i daho dangada i delaadeu llodo ai, i de tuhi mai i daho de Maadua.

John 5:44

Dee hee doodou hai e hagadonu ai, gai goodou e hagadau tuhi donu huu goodou, goodou e dee ssala donu huu de tuhi mai i daho de Maadua?

Luke 11:39

Aagai Tagi Maolunga ga hai ange gi de ia, “Goodou denga Pharisee e hagagilimalali laa daha o de ubu ma de gumedi, gai oodou lodo e hoohonu i de nnoo hagamau mee ma de baubau.

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”

John 4:23

Gai e dae mai naa de masavaa, gai go iainei donu de masavaa, olaadeu e daumaha i de muna abodonu e daumaha ange ai gi Tamana i de hagasaalunga ma de muna abodonu, go hiidinga aanei donu gilaadeu a Tamana e ssala gi daumaha ange gi de ia.

Luke 17:21

e deai naa hogi dangada e hagataba, ‘Goodou kalo ange diiloo, deenei i kinei!’, aabe hagataba, ‘Deelaa i kilaa!’ Gai de nohoanga hodooligi o de Maadua e dagodo donu i oodou lodo.”

Psalm 45:13

Tamaa hine a de hodooligi e mahamaha mmao i lo tono aabi; gai ono malo e llanga i goolo.

Jeremiah 9:25

Tilo, e tae mai naa laangi, go Tagi Maolunga e hagadaba, aagu e hagaduasala ai dangada e tuu dagaholiage laa donu huu olaadeu angaanga, gai e dee tuu dagaholiage olaadeu lodo —

Romans 3:1

Gai se aha o tangada Ssuu e dubu ange ai laa? Gai aahee haigamaiana o de tuu dagaholiage?

1 Corinthians 7:19

De tuu dagaholiage be go tee tuu dagaholiage e deai donu ono haigamaiana, aagai de mee hagamogomogo go de daohi muna a de Maadua.