Romans 2:25 - De Beebaa Dabu

²⁵ De tuu dagaholiage e hanu donu ono haigamaiana noo koe e daudali i de hainga; aagai noo koe e oha de hainga, gai doo tuu dagaholiage gu bei donu tee tuu dagaholiage.

Romans 2:25 Referans Kwoze

Jeremiah 4:4

Goodou gi tuu dagaholiage ange gi Tagi Maolunga, gai tuu dagaholiage ina oodou lodo, goodou e dangada o Judah ma dangada o Jerusalem; kana humai dogu bole bei de ahi ula e dee maua laa i de diinei, i hiidinga o oodou hegau baubau.

Galatians 6:15

Gai e deai donu haigamaiana taadeu tuu dagaholiage aabe go taadeu dee tuu dagaholiage, gai de mee hagamogomogo go de mouli hoou.

Acts 7:51

Goodou ni dangada e makaga oodou lodo! Oodou lodo e makaga gai oodou dalinga e longoduli. Gai goodou e hai baasi ange donu gi de Hagasaalunga Dabu i masavaa alodahi; goodou e bei donu oodou dubuna madagidagi!

Deuteronomy 30:6

Gai Tagi Maolunga doodou Maadua e tuu dagaholiage naa oodou lodo ma lodo o oodou hagadiilinga, gi aaloha ai goodou i Tagi Maolunga doodou Maadua, i oodou lodo alodahi aama oodou hagasaalunga alodahi, gai gi mouli ai goodou.

Romans 2:28

Gai tangada Ssuu abodonu e dee se Ssuu donu huu i de baasi gi de angaanga, gai de tuu dagaholiage abodonu e dee se mee donu huu e hai laa daha o de angaanga.

Romans 2:23

Koe tangada e duuhia laa donu huu goe i dau iloo de hainga, koe e dee hagangadi mee laa de Maadua i dau oha de hainga?

Romans 2:13

Gai e dee go gilaadeu e iloo laa de hainga e heohi i mada luu mada o de Maadua, aagai go gilaadeu e daudali i de hainga e hagaheohi ai.

Romans 2:26

Deelaa ai, noo tangada tigi tuu dagaholiage e daudali i muna o de hainga, gai e dee dau ai naa dono dee tuu dagaholiage laa gi se tuu dagaholiage?

Romans 2:27

Gilaadeu e dee tuu dagaholiage laa gai e daudali i de hainga e hagabaubau naa de gau Ssuu ne gaavee laa de hainga gu sisi ma de tuu dagaholiage aagai e oha de hainga.

1 Corinthians 7:19

De tuu dagaholiage be go tee tuu dagaholiage e deai donu ono haigamaiana, aagai de mee hagamogomogo go de daohi muna a de Maadua.

Galatians 6:13

Gai go dangada donu gu tuu dagaholiage laa e dee daohia de hainga, aagai gilaadeu e llodo hogi goodou gi tuu dagaholiage, gai gilaadeu ga tuhi ai delaadeu hai goodou ga tuu dagaholiage.