Romans 2:21 - De Beebaa Dabu

²¹ gai koe tangada e agoagona ange dangada, gu aha goe gu dee agoago iho ai naa donu huu goe? Koe e agoago ange dangada gi dee gaiaa, aagai koe e gaiaa?

Romans 2:21 Referans Kwoze

1 Corinthians 9:27

Aagai au e hagammae dogu angaanga ga hai gi abo ange i de hai gi bei dagu mee e lodo e hai, kana agoago ange e au dangada, gai muli mai au tee maua i de kave de hagaoanga.

Luke 12:47

Tangada hai hegau e iloo laa e ia mee o dono dangada aamua e lodo ai, aagai ia e dee hagadabena ange aagena aabe e hai gi bei lodo o dono dangada aamua e hagailiili naa donu i hanonga lagolago.

Micah 3:11

Dagi o Jerusalem e hagamodu muna e kave ai denga ngadi gaavange hagasenga, de gau haimeedabu e agoago e kave ai dahi hagaoanga, gai denga pelaabisi e tala mee tigi loomai e kave ai denga sseene. Aagai gilaadeu e hagataba bolo delaadeu tali go Tagi Maolunga, “E aha, Tagi Maolunga e dee noho nei i odaadeu daha? E deai naa donu se hai ngadaa e baa i gidaadeu.”

Luke 11:46

Iesu ne hai ange gi de ia, “E vakaa naa hogi goodou e de gau agoago o de hainga! Goodou e hagauda ange mee daemaha gi honga o dangada, gai goodou e dee hagauda donu mee nei i dahi oodou madannia daudahi.

Luke 19:22

Gai tangada aamua ne hai ange gi de ia, ‘Koe se dangada hai hegau baubau! Au e hagamodu oo dagodo gi bei au muna! E aha, koe ne iloo bolo au se dangada vaivai dagodo, au e kave mee e dee niiagu ma de hagihagi mee aagu tee doo?

Luke 4:23

Ia ne hai ange gi gilaadeu, “Ni muna abodonu, goodou e hagamaanadu mai gi de au de mee hagasengasenga nei, ‘Tangada hai magi, hagaieiangi ina donu huu goe. Haia hogi sauaa amaadeu gu langona laa bolo koe gu hai i Capernaum, i doo aduhale donu.’ ”

Matthew 21:13

Gai ia ne hai ange gi gilaadeu, “Gu sisi e hai ange, ‘Dogu hale e hagaingoo ange go de hale dalodalo;’ aagai goodou gu hai gi se mommee niio de gau gaiaa.”

Ezekiel 22:27

Ono dangada aamua e bei denga wolf e hangahanga ina laa alaadeu manu gu mau. Gilaadeu gu hagassali dodo o dangada ma de daa gilaadeu ga maakau gi maua ai olaadeu goloa i hegau dee heohi.

Galatians 6:13

Gai go dangada donu gu tuu dagaholiage laa e dee daohia de hainga, aagai gilaadeu e llodo hogi goodou gi tuu dagaholiage, gai gilaadeu ga tuhi ai delaadeu hai goodou ga tuu dagaholiage.

Isaiah 56:11

Gilaadeu e bei denga gaaduu hiikai, e dee maua laa gi boobosu. Gilaadeu ni dangada hagaloosi ssiibi e dee tonu; gilaadeu alodahi gu daudali donu huu i olaadeu lodo, dahi ma dahi gu ssala donu huu mee e danuaa ange gi de ia.

Isaiah 42:20

Gu lagolago au mee gu gidee, aagai koe e dee anga ange aagena; luoo dalinga e maahuge, aagai koe e dee langona.”