Romans 16:27 - De Beebaa Dabu

²⁷ gidaadeu ga tuhi de Maadua donu huu e iloo mee laa ga hano ai i daho Iesu Klisdo! Amen.

Romans 16:27 Referans Kwoze

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Romans 11:36

Gai go ia ne haia mee alodahi, gai mee nei ne loomai i ono daha, ma de hagahai hegau i dono sauaa. Gidaadeu gi hagamahamaha ina ia ga hano ai! Amen.

Jude 1:25

aama ange gi de Maadua e dahi laa donu huu, go taadeu Ia Hagaola, i hiidinga o Iesu Klisdo taadeu Dagi Maolunga, de mahamaha, ma de maolunga, ma ssauaa e dagi ai, ma de mmahi, mai i mua de hai o mee alodahi aama iainei ga hano ai e dee ngado mai. Amen.

2 Peter 3:18

Aagai goodou gi hagadagadaga age i de abodonu ma doodou iloo taadeu Dagi Maolunga, go de Ia Hagaola go Iesu Klisdo. Gidaadeu gi hagamahamaha ina ia iainei ga hano ai e dee ngado mai! Amen.

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

Hebrews 13:21

gi gaavadu gi goodou mee danuaa alodahi gai goodou ga hai ai ono lodo, ma de hagahai hegau i odaadeu daha mee e hagamalangilangi ina ia i daho Iesu Klisdo; gai go ia e heohi taadeu hagamahamaha ga hano ai e dee ngado mai. Amen.

Hebrews 13:15

Deenei ai, gidaadeu ga duudagi taadeu gaavange gi de Maadua ssigidaumaha o de tuhi, i de ingoo o Iesu i masavaa alodahi, deenei go taadeu tala hagadonu dono ingoo.

2 Timothy 4:18

Gai Tagi Maolunga e hagaola naa donu au mai i denga hegau baubau alodahi, ma de hagaola au ga kave gi dono nohoanga hodooligi i de langi. Gai hagamahamaha ina ia ga hano ai e dee ngado mai. Amen.

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

Philippians 4:20

Gidaadeu ga hagamahamaha de Maadua taadeu Damana ga hano ai e dee ngado mai. Amen.

Ephesians 3:10

gai ia gu hagaago mai ai iainei i daho de nohoanga dabu, ange gi denga dagi, ma gilaadeu iai ssauaa i lo te langi denga hagadaagangaa heiangi o de Maadua.

Psalm 147:5

Taadeu Ia Aamua e maolunga ma de mmahi mmao; gai dono donu ange e dee maua i de haide.

Isaiah 31:2

Gai Tagi Maolunga e kona mmao de heiangi, gai e maua i de hai gi humai de hai ngadaa; ia e dee hagaahe donu dana muna. Ia e hidi age naa ga hebagi ange gi de gau baubau, ma gilaadeu e balea ange dangada e haia de baubau.