Romans 16:21 - De Beebaa Dabu

²¹ Timothy, dogu soa e hai hegau laa madali au, e gaavadu hogi dana hagaboo gi goodou, aama denga daane Ssuu go Lucius, ma Jason aama Sosipater.

Romans 16:21 Referans Kwoze

Acts 20:4

Gai Sopater taane Berea, tama daane a Pyrrhus, ma Aristarchus ma Secundus luu daane mai i Thessalonica, ma Gaius taane Derbe, ma Timothy, aama Tychicus ma Trophimus, luu daane mai i Asia, ne hulo hogi madali ia.

Acts 17:5

Aagai de gau Ssuu gu magiaa, gai gilaadeu ga gaamai hanu dangada baubau i de mommee e hagabuni ai dangada, ga hai dangada gi haia gi hellumi de aduhale. Gai gilaadeu ga saavini gi de hale o Jason e saalaa ai a Paul ma Silas, e hagassao mai ai gilaau gi daho de gau soa laa.

Acts 13:1

De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul.

Romans 16:11

Dagu hagaboo ange gi Herodion, taane Ssuu bei ogu dagodo. Dagu hagaboo ange gi dangada alodahi i de hale o Narcissus, go denga daina i lodo o Tagi Maolunga.

Romans 16:7

Dagu hagaboo ange gi Andronicus ma Junias, luu dangada Ssuu bei ogu dagodo, gai ne hhao hogi gi lo te hale pono madali au. Gilaau ni dangada e hagadubu i daho de gau tala, gai go gilaau i mua ne daudali ange i Klisdo i de au.

Hebrews 13:23

Au e lodo goodou gi iloo bolo taadeu daina go Timothy gu sao mai i lo te hale pono. Noo ia e moolau dono hanadu, gai au e hanadu naa hogi madali ia e hedae adu gi goodou.

2 Timothy 1:2

Ange gi Timothy, dagu dama hagamogomogo. De abodonu, ma tegi, aama de baba mai i daho de Maadua Tamana aama Klisdo Iesu taadeu Dagi Maolunga gi dagodo i oo daha.

1 Timothy 6:20

Timothy, koe gi daohia mee alodahi gu lava i de gaavadu gi de goe. Huli gee i denga ngadi muna o dangada e hagadaumee ai ma de tala bolo go de iloo mee abodonu;

1 Timothy 6:11

Aagai koe, taane o de Maadua, savini hano gee i mee nei alodahi, gai hagaduu ngae haia gi heohi goe, ma de hai lodo o de Maadua, ma de gai, ma de aloha, ma de lodo mmahi i de golomagi lodo, aama de daudonu.

1 Timothy 1:2

Ange gi Timothy, dagu dama abodonu i de gai. De abodonu ma tegi aama de baba mai i daho de Maadua Tamana ma Klisdo Iesu taadeu Dagi Maolunga.

2 Thessalonians 1:1

Mai i daho Paul, ma Silvanus, aama Timothy. Ange gi de nohoanga dabu o de gau Thessalonica, i lodo o de Maadua taadeu Damana aama Tagi Maolunga go Iesu Klisdo.

1 Thessalonians 3:6

Iainei gai Timothy gu ahe mai donu ma gu dae mai gi omaadeu daha, gai ia gu tala mai dagodo o oodou kai aama oodou aaloha. Ia gu tala mai hogi bolo goodou goi manadua mai huu gimaadeu, ma de llodo mmao e tilo gimaadeu, bei demaadeu hai e llodo ai nei hogi e tilo goodou.

1 Thessalonians 3:2

gai ga hai taadeu daina go Timothy gi hanadu gi oodou daha, ia se dangada hai hegau hogi niio de Maadua ange gi de longo danuaa o Klisdo madali gimaadeu, gai ia ga hagammahi adu ai goodou ma de hai gi lo taane goodou i oodou kai,

1 Thessalonians 1:1

Mai i daho Paul, ma Silvanus aama Timothy. Ange gi de nohoanga dabu o de gau Thessalonica, e seesee laa i lodo o de Maadua Tamana aama Tagi Maolunga go Iesu Klisdo. De abodonu ma de baba gi dagodo i oodou daha.

Colossians 1:1

Mai i daho Paul, tangada tala o Klisdo Iesu bei dagodo de hagatau a de Maadua, aama Timothy taadeu daina.

Philippians 1:1

Mai i daho Paul ma Timothy, luu dangada hai hegau o Klisdo Iesu. Ange gi dangada alodahi o de Maadua i lodo o Klisdo Iesu i Philippi, madali denga dagi ma de gau bale.

2 Corinthians 1:19

Gai Tama Daane a de Maadua, go Iesu Klisdo, amaadeu ma Silvanus ma Timothy gu agoago ai laa i oodou magavaa, e dee hai adu “uaa” gai e “deai,” aagai masavaa alodahi e “uaa” i ono lodo.

2 Corinthians 1:1

Mai i daho Paul, tangada tala o Klisdo Iesu, bei dagodo de hagatau a de Maadua, aama taadeu daina go Timothy. Ange gi de nohoanga dabu o de Maadua i Corinth, aama dangada alodahi o de Maadua i Achaia.

Acts 19:22

Gai ia ne hai gi hulo e dogolua daane e balea ange ia, go Timothy ma Erastus, gi Macedonia. Aagai ia ne noho i Asia i dahi damaa masavaa.

Acts 18:5

De masavaa o Silas ma Timothy ne tae mai ai i Macedonia, gai a Paul gu dee saohia i de agoago ma de tala hagadonu ange gi de gau Ssuu, bolo Iesu go de Klisdo donu.

Acts 17:14

Aagai denga daina ne hagamoolau ga hai a Paul gi hano gi tagudai; gai Silas ma Timothy ne nnoho i Berea.

Romans 9:3

Mee naa go au e hagamalaia ga vvae gee mai i Klisdo e sui ai ogu daina, go ogu dangada i de baasi gi de angaanga.