Romans 15:33 - De Beebaa Dabu

³³ De Maadua o de baba gi noho i oodou daha alodahi. Amen.

Romans 15:33 Referans Kwoze

2 Corinthians 13:11

Denga daina, dagu hagaboo adu gi goodou. Goodou gi heohi abodonu, goodou hagadau hagammahi ina goodou ma de nnoho hagabuni i de baba, gai de Maadua o de aloha ma de nnoho paba gi noho madali goodou.

Philippians 4:9

Gai mee alodahi oodou gu agoago ai, ma de langona aama de gidee i ogu daha — gai goodou hai hegau ai. Gai de Maadua o de nnoho paba gi noho i oodou daha.

1 Thessalonians 5:23

De Maadua o de baba gi haia gi dabu abodonu goodou. Gai oodou hagasaalunga ma oodou lodo aama oodou angaanga alodahi gi gilimalali, i de masavaa o taadeu Dagi Maolunga go Iesu Klisdo e humai ai.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

2 Thessalonians 3:16

Gai Tagi Maolunga o de baba gi gaavadu gi goodou de baba i masavaa alodahi ma mee alodahi. Tagi Maolunga gi noho i oodou daha alodahi.

Romans 16:20

De Maadua o de baba e moolau naa donu dana dagadagahi Satan gi lalo luoono vae. De abodonu o Iesu Klisdo taadeu Dagi Maolunga gi dagodo i oodou daha.

2 Corinthians 13:14

De abodonu o Iesu Klisdo Tagi Maolunga, ma de aloha o de Maadua, aama de nnoho hagabuni mai i daho de Hagasaalunga Dabu gi dagodo i oodou daha alodahi.

1 Corinthians 14:33

Gai de Maadua e dee se Maadua e haia gi ssenga ange dangada, aagai ia go de Maadua o de nnoho paba. Gai mee e hai i nohoanga dabu alodahi o dangada o de Maadua,

2 Timothy 4:22

Tagi Maolunga gi noho i daho doo hagasaalunga. Dono abodonu gi dagodo i oodou daha.

Romans 16:23

Gaius, taane gu abodonu mai nei gi de au ma de nohoanga dabu alodahi i kinei, e gaavadu dana hagaboo gi goodou. Erastus, tangada doange o de aduhale ma taadeu daina daane go Quartus e gaavadu delaau hagaboo gi goodou. [

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Ruth 2:4

De masavaa laa gai Boaz ne humai i Bethlehem, ga hagaboo ange gi de gau hagihagi, ga hai ange, “Tagi Maolunga gi noho i oodou daha!” Gai gilaadeu ga hai ange, “Tagi Maolunga gi hagamanuuia ina goe!”

Ephesians 6:23

Denga daina, de baba gi dagodo i oodou daha, ma de aloha madali de gai mai i daho de Maadua Tamana aama Tagi Maolunga go Iesu Klisdo.