Romans 15:29 - De Beebaa Dabu

²⁹ Au e iloo bolo de masavaa naa huu oogu e dae adu ai gi oodou daha, gai au e hanadu naa i de manuuia laumalie mai i daho Klisdo.

Romans 15:29 Referans Kwoze

Ephesians 4:13

ga dae ai gi taadeu maua alodahi gi buni i de gai, ma de iloo mee o Tama Daane a de Maadua, gai gu maatua abodonu i de gai, bei dagodo de honu abodonu o Klisdo;

Ephesians 1:3

Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.

Psalm 16:11

Koe e hagaago mai gi iloo e au de haiava o de mouli; doo mommee e noho ai iai de malangilangi laumalie, doo lima madau iai denga mee hagamalangilangi ga hano ai.

Ephesians 3:19

ma de tonu ange gi dagodo o de aloha o Klisdo e dubu ange laa i de iloo mee o dangada, gai goodou gi hhao gi hoohonu i dagodo alodahi o de Maadua.

Ephesians 3:8

Gai dagu hai go au hugadoo e maolalo i dangada o de Maadua alodahi, aagai tuuhanga nei ne gaamai gi de au i dono abodonu, gai au ga agoago ange ai denga Gentile, i dagodo de lava o Klisdo e dee maua laa i de tala ono dagodo,

Ezekiel 34:26

Gai au e hai naa gilaadeu ma mommee i luu baasi dogu mounga dabu gi manuuia; gai au e hai naa gi pala de langi i malama o de langi; gai se langi e hagamanuuia ai.

Acts 19:21

Dua mee nei, gai Paul ne maanadu de hano laa Macedonia ma Achaia e hano ai gi Jerusalem. Ia ne hagadaba hogi, “Dua dogu hano gi kilaa, gai au e hano hogi gi dae gi Rome.”

Romans 15:23

Gai iainei gu lava agu hegau i denga mommee nei, gai go hiidinga hogi gu ni ngadau lagolago oogu ne lodo ai e hanadu gi oodou daha.

Romans 15:32

gai gi maua ai e au i de hanadu gi oodou daha i de malangilangi, i de hagatau a Maadua, gai au ga damaa hagamabu ange ai i oodou daha.

2 Corinthians 1:15

Gai deenei dagu mee gu iloo abodonu; deelaa ai, au ne hagatau e hanadu gi oodou daha i taamada, gi lua ai hanonga e haigamaiana adu ai gi goodou.