Romans 15:14 - De Beebaa Dabu

¹⁴ Denga daina, au e iloo abodonu bolo goodou e abodonu mmao, goodou e hoohonu i de iloo mee, ma de maua i de hagadau agoago goodou.

Romans 15:14 Referans Kwoze

2 Peter 1:12

Deenei ai, au e lodo e hagamaanadu adu mee nei i masavaa alodahi, e dee galemu donu gu lava donu i doodou iloo, gai gu tuu ma gu makaga i de muna abodonu oodou gu kave naa.

1 John 2:21

Au tee sisi adu mee nei i hiidinga goodou e dee iloo de muna abodonu, aagai go hiidinga goodou e iloo donu de muna abodonu, gai e deai donu se muna hhadu e daamada mai i de muna abodonu.

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

1 Thessalonians 5:11

Deenei ai, goodou hagadau hagaaneane ina oodou lodo aama de hagadau bale i de tuu gi makaga, bei oodou dagodo iainei.

Colossians 3:16

Gai haia gi honu abodonu muna a Klisdo i oodou lodo, gai goodou ga hagadau agoago ai ma de hagadau hagakana ange ai goodou i de heiangi alodahi, ma de daahili i denga psalm ma denga daahili daumaha, ma daahili o de baasi gi de hagasaalunga, i doodou hagaahe ange de abodonu gi de Maadua i oodou lodo.

1 Corinthians 8:10

Gai noo dahi dangada e baageaa laa tagi i ono lodo e gidee goe, tangada iloo mee, e gaimee i de hale daumaha o dahi diinonga, gai e dee go koe ai naa e hagammahi ina ange ia gi gaina mee gu sigidaumaha ange gi denga diinonga?

1 Corinthians 8:7

Gai e dee go dangada alodahi e iloo de mee nei. Aagai hanu gu mau ange laa gi denga diinonga, e gai mee laa i delaadeu hagabinga bolo gu lava i de sigidaumaha ange gi denga diinonga; gai go hiidinga tagi i olaadeu lodo e baageaa, gai gu dee gilimalali.

1 Corinthians 1:5

Go hiidinga goodou gu ni dangada e lava i mee alodahi i lodo o Klisdo, i oodou 2co 5 20 muna alodahi ma de iloo mee alodahi.

Philemon 1:21

Au e tali bolo koe e hai naa donu gi bei agu muna, au e sisi adu de leda nei i dagu iloo bolo koe e hai naa donu ga dubu ange i agu mee gu dangidangi adu ai gi de goe.

1 Thessalonians 5:14

Denga daina, gimaadeu e dangidangi adu goodou gi agoagona ange gilaadeu e vaiduu, ma de hagaaneane ange gilaadeu e daemaha olaadeu lodo, aama de bale ange gilaadeu e baageaa, gai golomagi ina oodou lodo i dangada alodahi.

Ephesians 5:9

(go hiidinga hua o de maalama go mee danuaa alodahi ma de heohi aama de mee abodonu),

Hebrews 6:9

Denga daina hagamogomogo, e dee galemu demaadeu pasa adu bee nei gi goodou, gai gimaadeu e iloo bolo e hanu donu manuuia gu hagababa adu gi goodou — go mee oodou e kave madali doodou hagamouli.

Hebrews 5:12

Iainei goodou gu maua donu i de agoago, gai e deai, goodou goi aahe ange huu ma e agoago i muna heohi a de Maadua i taamada. Goodou goi mouli donu huu i vai uu, goodou tigi maua donu i de gai mee makaga;

2 Timothy 1:5

Au e manadua hogi doo gai se muna abodonu laa, ne daamada mai laa i daho doo dubuna hahine go Lois aama doo dinana go Eunice. Gai au e hagadonu bolo e dagodo hogi i oo daha iainei.

Philippians 1:11

Gai oodou mouli gu hoohonu i hua o de heohi ne daamada mai laa i mahi o Iesu Klisdo, e hagamahamaha ai ma de tuhi ai de Maadua.

Philippians 1:7

Gai de heohi donu dagu maanadu goodou alodahi i tagodo nei, go hiidinga goodou e hagamogomogo donu i ogu daha, gai goodou alodahi gu kave tuuhanga hegau nei madali au, i dogu masavaa e nnoho ai i lo te hale pono, aama dagu tala hagadonu dagodo o de longo danuaa.

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

1 Corinthians 12:8

De Hagasaalunga ne gaavange gi dahi muna o de heiangi, gai dahi go muna o de iloo mee mai i daho de Hagasaalunga mau,

2 Corinthians 8:7

Goodou gu lava i mee alodahi — i de gai, ma oodou muna e tala, ma de iloo mee, ma de llodo mmahi i de bale, ma doodou aaloha i gimaadeu — deenei ai, goodou diiloo gi kii ange doodou hagasula de hai hegau nei.

2 Thessalonians 1:11

Deenei ai, gimaadeu e dalodalo i goodou i masavaa alodahi, gai de Maadua ga hai ai gi heohi ange goodou gi de kave dana hagahi, ma de hagammahi goodou gi haia tanuaa aama hegau alodahi o de gai i dono sauaa,