Romans 14:7 - De Beebaa Dabu

⁷ E deai donu se dangada e huahua ai i dono mouli, aabe e huahua ai i dono magau.

Romans 14:7 Referans Kwoze

1 Peter 4:2

Gai dono masavaa e mouli ai i de angaanga nei, gai ia gu dee hai lodo o de angaanga, aagai gu hai lodo o de Maadua.

2 Corinthians 5:15

Gai ia ne magau i hiidinga o dangada alodahi, deelaa ai, dangada alodahi e mouli gi dee hagamalangilangi ina donu huu gilaadeu, gai gi mouli e hagamalangilangi ai de ia ne magau ma de mouli age i olaadeu hiidinga.

1 Thessalonians 5:10

Ia ne magau i odaadeu hiidinga, gai e dee hilihili be gidaadeu e mouli aabe e maakau, gai gidaadeu alodahi e nnoho madali ia.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Romans 14:9

Deenei de hiidinga o Klisdo ne magau ai laa ma de mouli age ange, gai ia ga hai ai go Tagi Maolunga olaadeu e maakau aama gilaadeu e mouli.

Zechariah 14:21

Denga anibada alodahi i Jerusalem ma Judah, e hagadabu ange naa gi Tagi o denga hagabuulinga hebagi, gai dangada alodahi e loomai e sigidaumaha, e kave naa denga anibada nei ga boale ai kano manu e hai ai alaadeu sigidaumaha. Gai e deai naa donu se dangada hagao mee i lo te hale o Tagi o denga hagabuulinga hebagi i de laangi laa.

Romans 8:38

Gai au e iloo abodonu bolo e dee maua donu e de magau be go de mouli, be go de gau de langi, be go de masavaa iainei, be go de masavaa e humai, be go dahi sauaa daudahi,