Romans 14:4 - De Beebaa Dabu

⁴ Gai go koe goai, gai koe ga hagabaubau ai tangada hai hegau o dahi dangada gee? Go dono dangada aamua donu huu e hagamodu ina be ia e duu ma e makaga aabe e deai. Gai ia e duu naa donu ga makaga, i hiidinga Tagi Maolunga e maua i de hai gi duu ia gi makaga.

Romans 14:4 Referans Kwoze

Romans 9:20

Koe se dangada, gai go koe goai, gai koe ga tugi ange ai muna a de Maadua? E maua e de gumedi hadu i de hai ange gi tangada hai gumedi, “Gu aha goe gu hai ai nei au gi dagodo bee nei?”

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

Psalm 37:24

gai ga llave naa donu luoono vae, gai ia e dee baguu donu, go hiidinga Tagi Maolunga e daohi dono lima.

Hebrews 7:25

Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.

Romans 14:3

Tangada e gaina mee alodahi gi dee hagangadi mee ina tangada e dee maua i de gai mee alodahi. Gai tangada e dee gaina mee alodahi gi dee hagabaubau ina tangada e gaina; go hiidinga de Maadua gu abodonu ange gi de ia.

Romans 16:25

Gidaadeu ga tuhi de ia e maua laa i de hagammahi oodou lodo, bei dagodo o de longo danuaa aagu gu agoago ai laa dagodo o Iesu Klisdo, bei de hai gu hagaago mai ai laa gi de au, de mee nogo dee iloo laa i dahi masavaa dau looloa,

Isaiah 40:29

Ia e hagammahi gilaadeu gu deai olaadeu mahi, ma de hai gi kii ange de mmahi olaadeu gu baageaa.

Psalm 37:28

Tagi Maolunga e lodo i de hagamodu muna heohi; gai e dee tili donu ono dangada e hai hegau laa i de muna abodonu. Ia e buibui gilaadeu ga hano ai, aagai hagadiilinga o tangada baubau e llilo naa donu.

Psalm 17:5

Au e seesee donu huu i oo haiava; luoogu vae e dee baakuu naa donu.

1 Peter 1:5

go goodou e hagaloosia laa i ssauaa o de Maadua, i doodou kai ange gi de ia, ga dae ai gi de hagaago mai de hagamouli gu baba ange laa e hagaago mai i laangi hagaodi.

Acts 11:17

Noo de Maadua gu gaavange hogi gi gilaadeu de mee ngadi gaavange gu gaamai laa gi gidaadeu, i de masavaa adaadeu ne hagadonu ai Tagi Maolunga go Iesu Klisdo, gai go au goai, gai au ga hai baasi ange ai gi de Maadua?”

Psalm 37:17

ssauaa o tangada baubau e odi naa, aagai Tagi Maolunga e bale ange gilaadeu e heohi.

Romans 11:23

Gai e bei ai hogi de gau Israel, noo gilaadeu e dee duudagi delaadeu dee hagadonusia, aagai gilaadeu e hagaahe ange donu ga hagabigibigi ange gi de manu laa, i hiidinga de Maadua e maua i de hagaahe ange gilaadeu e hagabigibigi ange.