Romans 14:20 - De Beebaa Dabu

²⁰ Goodou aude oohaa hegau a de Maadua i hiidinga o oodou mee e gai. Mee alodahi e gilimalali i de gai, aagai e dee heohi dau hagabaageaa lodo o dahi dangada i hiidinga o au mee e gai.

Romans 14:20 Referans Kwoze

Matthew 18:6

Aagai be goai e haia ga haisala dahi dangada maolalo bee nei gi hagadonusia laa, gai e danuaa donu de nnoa ange dahi hadu mmili laumalie gi dono ua, ga tili ia gi lo te moana gelo.

Titus 1:15

Gai mee alodahi e gilimalali ange gi tangada e gilimalali ana dahulinga, aagai ange gi tangada e hakino gee ana dahulinga gai e dee hagadonusia, e deai donu se mee daudahi e gilimalali, go hiidinga alaadeu maanadu aama olaadeu lodo e dee gilimalali.

Acts 10:15

Gai de leo laa ne hai ange hogi gi de ia, “Aude daalaa bolo mee a de Maadua gu lava i de hagagilimalali e dee gilimalali.”

Romans 14:21

Gai e danuaa ange taadeu dee gai giidagi be go de unu denga uvaini, aabe go de hai dahi mee daudahi e hidi mai ai laa de haisala o doo daina.

Matthew 15:11

E dee go mee e hhao gi lo te ngudu o tangada e haia ga dee gilimalali ia, aagai go mee e ssao mai i lo tono ngudu, e haia ga dee gilimalali ia.”

Ephesians 2:10

Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.

Philippians 1:6

Gai au e iloo abodonu bolo de Maadua ne damadaa ina laa de hegau danuaa i oodou lodo naa, e duudagi naa donu de hegau naa ga dae ai gi dana hagalava i de laangi o Klisdo Iesu e ahe mai ai.

Romans 14:2

Dahi dangada e hagadonusia bolo ia e maua i de gai mee alodahi, gai tangada e baageaa dono gai e gai donu huu denga manu ssomo.