Romans 14:19 - De Beebaa Dabu

¹⁹ Deenei ai, gidaadeu ga hagaduu ngae e nnoho hagabuni i de baba ma de hagadau hagammahi odaadeu lodo.

Romans 14:19 Referans Kwoze

Ephesians 4:29

Goodou aude daalaa hanu muna baubau i oodou ngudu, aagai goodou daalaa donu huu muna danuaa e hagammahi ina lodo o dangada, ma de heohi ange gi de masavaa, ma de bale ange ai gilaadeu e langona.

Romans 12:18

Gai noo se mee e maua e goodou i de hai, gai goodou gi nnoho i de baba madali dangada alodahi.

Psalm 34:14

Koe gi hano gee i de baubau, gai haia tanuaa; ma de ssala gi maua e goe de noho paba.

Romans 15:2

Dahi ma dahi gi hagamalangilangi ina tangada ange laa gi danuaa ange ai gi tangada ange laa, gai gi hagadagadaga age ai dono gai.

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

2 Corinthians 13:11

Denga daina, dagu hagaboo adu gi goodou. Goodou gi heohi abodonu, goodou hagadau hagammahi ina goodou ma de nnoho hagabuni i de baba, gai de Maadua o de aloha ma de nnoho paba gi noho madali goodou.

Mark 9:50

Soolo se mee danuaa; aagai noo gu dee mami soolo, gai dee hee ai de hai e hagaahe ange ai e hai gi mami soolo? Haia gi dagodo soolo i oodou lodo, gi maua ai e goodou i de nnoho hagabuni i de baba.”

Matthew 5:9

E manuuia gilaadeu e hagadanuaa ina magavaa o dangada; gilaadeu e hagabinga naa go dama a de Maadua!

1 Peter 3:11

Ia gi hano gee i de baubau gai gi haia tanuaa; gai ia gi hagaduu ngae gi saalaa de nnoho paba.

1 Corinthians 14:26

Denga daina, dee hee ai tagodo o mee i doodou masavaa e hagabuni ai? Dahi dangada e hai dahi daahili, e dahi se agoago, e dahi dangada e dahi ana mee e hagaago adu, dahi e basa i denga hagadaagangaa muna, aabe e hagadonu muna laa. Gai haia mee alodahi gi hagadagadaga age ai alodahi.

1 Corinthians 10:33

bei dagu hai gu hagatale ai laa de hagamalangilangi dangada alodahi i agu mee alodahi e hai; au e dee ssala donu huu de mee e danuaa mai gi de au, aagai go de mee e danuaa ange gi dangada soa, gi hagamouli ai gilaadeu.

Psalm 133:1

Tilo, se mee danuaa ma de mahamaha de nnoho hagabuni o denga hai daina!

2 Timothy 2:22

Gai koe savini hano gee i lodo dee heohi o denga dama daane mmodo, gai dolohia de heohi, ma de gai, ma de aloha, ma de nnoho paba, madali gilaadeu alodahi e dalodalo ange gi Tagi Maolunga i de lodo e gilimalali.

1 Timothy 1:4

gilaadeu gi dee anga ange gi denga daalanga hhadu ma hagatau o denga atangada. Mee nei e hai gi dee buni dangada, e dee bale ange hegau a de Maadua e daamada mai laa i de gai.

2 Corinthians 12:19

Goodou e maanadu naa bolo gimaadeu e hagaheohi adu gimaadeu? Gimaadeu e pasa adu nei i mada luu mada o de Maadua bei dagodo o dangada e seesee i lodo o Klisdo, denga daina hagamogomogo, mee nei alodahi ne hai e hagammahi ai oodou kai.

1 Corinthians 7:15

Aagai noo tangada tigi hagadonusia laa gu lodo e maavae ange gi dono bodu, gai gi dugua ange. Noo deenei tagodo, gai taane be go de hine gu hagadonusia laa gu dee noodia i de hainga o de hai bodu. De Maadua gu hagahi gidaadeu gi nnoho i de baba.

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

1 Corinthians 10:23

“Au e alaange i de hai mee alodahi,” — gai e dee go mee alodahi e haigamaiana mai gi de au. “Au e alaange i de hai mee alodahi,” — gai e dee go mee alodahi e maua i de hai gi hagadagadaga age tangada.

1 Corinthians 14:3

Aagai deenei tagodo, tangada e basa pelaabisi, e hai ga hagadagadaga age dangada ma de hagammahi olaadeu lodo, aama de hagaaneane ange gilaadeu.

1 Corinthians 14:4

Tangada e basa i denga hagadaagangaa muna e hagammahi donu huu ono lodo, aagai tangada e basa pelaabisi e hagammahi lodo o de nohoanga dabu.

1 Corinthians 14:5

Gai mee naa goodou alodahi gi maua i de pasa i denga hagadaagangaa muna, gai e kii ange mmao dogu lodo goodou gi pasa pelaabisi. Tangada e basa pelaabisi e maolunga ange i tangada e basa i denga hagadaagangaa muna, deelaa donu huu noo e dahi dangada e hagadonu ina ana muna, e hagammahi ai lodo o de nohoanga dabu alodahi.

Ephesians 4:12

e hagadabena ange ai ono dangada gi denga duuhanga hegau, e hagaduu age ai de angaanga o Klisdo,