14 Au e iloo abodonu ma de hagadonusia i lodo o Tagi Maolunga go Iesu, bolo e deai donu se mee daudahi e dee gilimalali. Aagai e dee gilimalali donu huu noo tangada e maanadu bolo e dee gilimalali.
Gai mee alodahi e gilimalali ange gi tangada e gilimalali ana dahulinga, aagai ange gi tangada e hakino gee ana dahulinga gai e dee hagadonusia, e deai donu se mee daudahi e gilimalali, go hiidinga alaadeu maanadu aama olaadeu lodo e dee gilimalali.
Gai e dee go dangada alodahi e iloo de mee nei. Aagai hanu gu mau ange laa gi denga diinonga, e gai mee laa i delaadeu hagabinga bolo gu lava i de sigidaumaha ange gi denga diinonga; gai go hiidinga tagi i olaadeu lodo e baageaa, gai gu dee gilimalali.
Gai noo dahi dangada e baageaa laa tagi i ono lodo e gidee goe, tangada iloo mee, e gaimee i de hale daumaha o dahi diinonga, gai e dee go koe ai naa e hagammahi ina ange ia gi gaina mee gu sigidaumaha ange gi denga diinonga?
Gai ia ga hai ange gi gilaadeu, “Goodou e iloo donu bolo de gau Ssuu e dee hagabuni ange gi denga Gentile, aabe e hulo gi olaadeu daha. Aagai de Maadua gu hagaago mai bolo au gi dee daalaa bolo dahi dangada e dee gilimalali aabe e hakino gee.
Aagai tangada e lodo lagolago gu hagabaubau ina donu i ana mee e gai, go hiidinga ia e dee gaimee i de gai; gai mee alodahi e dee hai i de gai e haisala donu.
Goodou aude oohaa hegau a de Maadua i hiidinga o oodou mee e gai. Mee alodahi e gilimalali i de gai, aagai e dee heohi dau hagabaageaa lodo o dahi dangada i hiidinga o au mee e gai.