Romans 13:6 - De Beebaa Dabu

⁶ Deenei hogi de hiidinga oodou e hagao ai laa taagisese, go hiidinga de gau iai ssauaa ni dangada hai hegau niio de Maadua, i delaadeu hagahai hegau ssauaa nei.

Romans 13:6 Referans Kwoze

Luke 23:2

Gai gilaadeu ga hagabaubau ia ga hai ange, “Gimaadeu gu gidee bolo taane nei e hagabasa dangada i demaadeu huaahenua ma e hai gilaadeu gi dee hagao ina ange taagisese gi Caesar. Ia e hagadaba hogi bolo go ia de Klisdo, gai se hodooligi.”

1 Chronicles 18:14

Gai David ne hodooligi i honga Israel alodahi, gai ia ne hagamodu i de soe ma de mee heohi ange gi ono dangada alodahi.

Romans 12:8

tangada e hagammahi ina lodo o dangada, gi hagammahi ina ange lodo o dangada; tangada e ngadi gaavange mee, gi lodo mmahi i de ngadi gaavange mee; tangada se dagi gi hagaduu ngae gi dagina; gai tangada e abodonu ange laa gi dangada, gi abodonu ange gi dangada i de malangilangi.

Nehemiah 5:4

Gai hanu ne hagataba, “Gimaadeu ne hai muli i hanu sseene e hagao ange ai taagisese o omaadeu alahenua, ma amaadeu veelengaa grape gi de hodooligi.

Ezra 6:8

Gai au e hagamodu adu hogi oodou mee e bale ange ai denga dagi o de gau Ssuu, e hagaduu age ai de hale o de Maadua. De hagaoanga o denga daane nei, e hagao alodahi mai i sseene a de hodooligi, ma mai i mee e daohi age i de mommee i baasi dai o Euphrates, gi dee tuu ai de hai de hegau.

Ezra 4:20

Gai ne hanu hogi hodooligi mmahi e dagina Jerusalem, ma de mommee alodahi i baasi dai o Euphrates, gai denga taagisese, ma mee e daohi age, aama taagisese o denga goloa, e hagao ange gi gilaadeu.

Ezra 4:13

Gai de hodooligi gi iloo bolo noo de aduhale nei e hagaduu age ange, gai dono buibui gu hagaahe age, gai gu deai donu taagisese, be go mee e daohi age, aama taagisese o denga goloa, gai de hodooligi gu too.

2 Samuel 8:5

Gai de gau Syria i Damascus ne loomai ga bale ange Hadadezer, de hodooligi o Zobah, gai David ne daa ga maakau e 22,000 olaadeu daane.

Romans 13:5

Deelaa ai, hagallongo ange gi gilaadeu gu hagasauaa gi dagina, e dee go hiidinga donu huu o de hagaduasala, aagai go hiidinga hogi o tagi o de lodo.

Romans 13:7

Hagao ina mee alodahi oodou e muli ange ai gi dangada: e dee hilihili be go taagisese, be go taagisese o denga goloa ma alahenua, aabe go de hagadubu.