Biblia Todo Logo
Bib sou entènèt

- Piblisite -




Romans 13:1 - De Beebaa Dabu

1 Dangada alodahi gi hagallongo ange gi gilaadeu gu gaavange ssauaa e dagi ai. Go hiidinga e deai donu se sauaa o dahi dangada e dagi ai, noo e dee se mee mai i daho de Maadua. Gai sauaa alodahi e hanu go de Maadua ne hagaduulia.

Gade chapit la Kopi




Romans 13:1
25 Referans Kwoze  

Gai hagamanadua ange gi dangada gilaadeu gi hagadubu ina denga dagi ma gilaadeu iai ssauaa e dagi ai, gilaadeu gi daudali i alaadeu muna, ma de hai gi paba ange gilaadeu gi denga hegau danuaa alodahi;


Ia e sui denga masavaa ma masavaa i lo te ngadau alodahi, ia e tili hanu hodooligi gai ga hagassula hanu. Ia e gaavange de heiangi gi gilaadeu e heiangi, gai de iloo mee gi gilaadeu e tonu ange.


Iesu ne hai ange gi de ia, “E deai donu soo sauaa noo e dee gaavadu gi de goe mai i lunga. Deelaa ai, tangada ne gaavadu au gi de goe e kii ange dono haisala i de goe.”


Gai e bei ai hogi dagodo o de gau naa, alaadeu midi e hai gilaadeu gi haia denga dahulinga hai be se manu, gilaadeu ne hagangadi mee gilaadeu iai ssauaa e dagi ai, ma de pasa hagangadi mee i de gau de langi mahamaha laa.


De Maadua gu tala muna i dahi hanonga; gai au gu langona ana muna i de lua hanonga: bolo koe, de Maadua, e mmahi mmao,


Goodou hagadau hagadubu i oodou magavaa i doodou maatagu i Klisdo.


Ia e hagahiihidi age de gau hagaau aloha i lo te gelegele, ma gilaadeu e duasala mai i lodo lehu; ga hai gilaadeu gi nnoho madali denga dagi aama de gaavange gi gilaadeu denga duulanga hagadubu. Dagelo o henua i lalo alodahi ni mee nii Tagi Maolunga, gai go ia ne hagaduulia ange henua i lalo gi olaadeu elunga.


Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.


aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,


Koe e hano gee naa i daho dangada ga noho madali denga manu aada i lodo henua. Koe e gai naa helii bei denga kaau, ga dae ai gi de odi ange de hidu ngadau, gai koe gu donu iho bolo go de Ia Maolunga Mmao laa e dagina denga nohoanga hodooligi o dangada, gai go ia e dugua ange be goai aana e lodo e gaavange aagena.”


Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”


Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’


Gai tangada e hagangadi mee ina muna a tangada hagamodu muna, ma tangada haimeedabu e haia hegau i mada luu mada o Tagi Maolunga doodou Maadua, e daa donu gi magau. Deenei doodou hai e hai ai gi dee dagodo de baubau i daho de gau Israel.


Dagu dama, koe gi madagu i Tagi Maolunga ma de hodooligi, gai koe gi dee hagabuni ange gi de gau hagamaanege,


De hagamodu nei se mee ne hagasauaa mai i daho de gau de langi, go de gau dagitilo, gai se hagatau mai i daho de gau dabu, gi iloo ai e dangada alodahi e mouli bolo go de Ia Maolunga Mmao laa e dagina denga nohoanga hodooligi o dangada, gai ia e gaavange be goai aana e lodo e gaavange aagena, ma de hai gilaadeu e lodo maolalo gi dagi ai.’


Gai gu soa dangada ne hagadonusia ana muna ga babudaisi, gai gu dolumano ange dangada ne hagapuni ange gi denga daina.


Goodou gi dee dugua ange gi kii de baubau i goodou, aagai goodou haia gi kii tanuaa i de baubau.


Deenei ai, be goai e hai baasi ange gi ssauaa nei, e hai baasi ange donu gi de hagatau a de Maadua, gai dangada e haia mee nei e hagaduasala donu.


ma denga hodooligi, ma gilaadeu iai ssauaa e dagi ai, gi maua ai e gidaadeu i de nnoho paba ma de duadonu, i taadeu hai lodo o de Maadua, aama de hagadubu alodahi.


Swiv nou:

Piblisite


Piblisite