Romans 12:8 - De Beebaa Dabu

⁸ tangada e hagammahi ina lodo o dangada, gi hagammahi ina ange lodo o dangada; tangada e ngadi gaavange mee, gi lodo mmahi i de ngadi gaavange mee; tangada se dagi gi hagaduu ngae gi dagina; gai tangada e abodonu ange laa gi dangada, gi abodonu ange gi dangada i de malangilangi.

Romans 12:8 Referans Kwoze

2 Corinthians 9:7

Gai dahi ma dahi gi gaavange dana mee gu baba age laa e gaavange, ia gi dee lodo lagolago ange aagena, aabe gi haia i hiidinga ia gu haia gi de mahi, go hiidinga de Maadua e lodo mmao i tangada e malangilangi laa i de ngadi gaavange mee.

1 Timothy 5:17

Denga dagi e kana ange laa i alaadeu hegau, gi laumalie ange delaadeu hagadubu, gai go gilaadeu donu e daalaa ma de agoagona muna a de Maadua e kii ange delaadeu hagadubu.

1 Corinthians 12:28

Gai de Maadua gu lava i de hili denga duuhanga i lo te nohoanga dabu, tahi go de gau tala, de lua go denga pelaabisi, tolu go de gau agoago, ma de gau e haia mee hagalele mouli, ga lava go gilaadeu e hagaieiangi ina magi, ma gilaadeu e balea ange dangada, ma de gau hagaseesee, aama gilaadeu e pasa i denga hagadaagangaa muna.

Hebrews 13:17

Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

Acts 15:32

Gai luu daane pelaabisi go Judas ma Silas, ne daulooloa hogi delaau pasa ange ga hagammahi ange lodo o denga daina.

Acts 13:15

Gai dua huu de dau o de hainga ma muna a denga pelaabisi, gai denga dagi o synagogue ga aalu ga hai ange gi gilaadeu, “Denga daina, noo e hanu oodou muna e hagalodo mmahi ange ai dangada, gai goodou daalaa mai.”

Hebrews 13:24

Dagu hagaboo ange gi oodou dagi alodahi ma dangada alodahi o de Maadua. Dangada ne loomai laa i Italy e gaavadu hogi delaadeu hagaboo gi goodou.

Hebrews 13:22

Denga daina, au e dangidangi adu goodou gi golomagi ina oodou lodo i agu muna e bale adu ai goodou, go hiidinga e sogoisi donu huu agu muna e sisi adu.

Hebrews 13:7

Goodou manadua oodou dagi, ne agoagona adu goodou i muna a de Maadua. Manadua dagodo olaadeu mouli, gai goodou ga ago ange i olaadeu kai.

Hebrews 10:25

gidaadeu gi dee dilia taadeu hagabuni e daumaha, bei dagodo hegau a hanu, aagai gi hagadau hagammahi ina goodou, i doodou gidee bolo de Laangi laa gu baa mai donu.

2 Corinthians 8:12

Go hiidinga noo tangada gu baba ange, gai ia gi gaavange gi bei mee e hanu i ono daha, e dee go mee e deai i ono daha.

1 Corinthians 14:3

Aagai deenei tagodo, tangada e basa pelaabisi, e hai ga hagadagadaga age dangada ma de hagammahi olaadeu lodo, aama de hagaaneane ange gilaadeu.

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Acts 20:2

Gai ia ne hagadaga i denga mommee i kilaa ga hagammahi ange lodo o dangada, gai ia ne hano ga dae gi Greece.

1 Timothy 4:13

Gai koe gi kana ange daulia muna o de Beebaa Dabu i madamada o dangada, ma de tala muna nei ga agoago ai, ga dae ai gi dogu dae adu.

1 Thessalonians 2:8

Gimaadeu e aloha mmao i goodou, deelaa ai, gimaadeu tee malangilangi donu huu i de gaavadu gi goodou de longo danuaa a de Maadua, aagai go omaadeu mouli hogi.

1 Thessalonians 2:3

Gai demaadeu hagakana ange adu goodou tee hai i de mee e dee heohi, aabe gimaadeu ne hagatale de hagasenga goodou;

Colossians 3:22

De gau hai hegau, goodou hagallongo ange gi oodou dangada aamua i mee alodahi. Gai goodou gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai goodou hai hegau i de lodo se muna abodonu i doodou maatagu i Tagi Maolunga.

Ephesians 6:5

De gau hai hegau, goodou hagallongo ange gi oodou dangada aamua i henua i lalo nei, i de maatagu ma de bolebole, i de lodo se muna abodonu, bei doodou hagallongo ange gi Klisdo.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

2 Corinthians 9:13

De hegau oodou gu hai nei gu hagaago danuaa ange gi gilaadeu dagodo o oodou kai, gai gilaadeu gu tuhi de Maadua i hiidinga doodou hagallongo i muna, ma doodou daohi muna o de longo danuaa o Klisdo, aama de laumalie doodou mee ne daohi age e bale ange ai gilaadeu madali de gau ange laa.

2 Corinthians 9:11

Gai ia e hai naa goodou gi lava i mee alodahi, gi maua ai e goodou i de ngadi gaavange mee, gai dangada ga hagaahe ange ai de abodonu gi de Maadua, i oodou ngadi gaavange ne gaamai gimaadeu gi gaavange gi gilaadeu.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

Romans 13:6

Deenei hogi de hiidinga oodou e hagao ai laa taagisese, go hiidinga de gau iai ssauaa ni dangada hai hegau niio de Maadua, i delaadeu hagahai hegau ssauaa nei.

Romans 12:13

Goodou bale ange dangada o de Maadua gu duasala laa; goodou abodonu ange gi dangada.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Isaiah 64:5

Koe e abodonu ange gi tangada e malangilangi i de hai de mee heohi, ma gilaadeu e manadua au hai haingaa mee. Aagai ga daulooloa huu demaadeu haisala ange gi mee nei, gai koe gu lili. Dee hee ai naa demaadeu hai e ola ai?

Isaiah 32:8

Aagai tangada abodonu e hai denga hagatau abodonu; gai ia e duudagi de abodonu.

Isaiah 32:5

Gai tangada lodo senga e dee hagabinga bolo se dangada maolunga, gai tangada e daahanga ina dangada e dee hagadubu.

Ecclesiastes 11:6

Koe gi doo ina au golee i taiao, gai koe gi dee ngadi noho i de ahiahi, go hiidinga koe e dee iloo be dee hee de mee e somo, go de mee nei aabe go de mee ange laa, aabe go luu mee nei ngaadahi e ssomo.

Ecclesiastes 9:10

Be ni aha naa huu aau e gidee e hai, gai koe hagaduu ngae haia, go hiidinga de mommee o de gau maakau, go de mommee oou gu dai hano naa aagena, e deai donu hegau e hai ai, e deai hogi hagatau, be se iloo mee aabe se heiangi.

Proverbs 22:9

Tangada abodonu e manuuia naa donu, go hiidinga ia e gaavange ana gai gi de gau hagaau aloha.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

Psalm 37:21

Tangada baubau e kave mee a dangada, aagai e dee sui ange, aagai tangada heohi e abodonu ma de ngadi gaavange mee.

Deuteronomy 16:11

Gai goodou ga hai ai taonga ma de malangilangi i mada luu mada o Tagi Maolunga doodou Maadua; go goodou alodahi ma oodou dama daane, ma oodou damaa hine, ma oodou daane ma haahine hai hegau, madali de aamuli o Levi i doodou aduhale, ma de gau henua gee, ma denga gauligi e deai olaadeu damana, aama haahine gu maakau olaadeu bodu, i de mommee a Tagi Maolunga doodou Maadua ne hili e dugu ai dono ingoo.

Deuteronomy 15:14

Gai koe vaaea ange hanu au ssiibi, ma hanu grain, aama hanu uvaini. Gai koe gaavange gi de ia, gi bei de hai o Tagi Maolunga doo Maadua gu hagamanuuia ai goe.

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

Acts 13:12

Gai ga gidee huu e de goobenaa o de vaaenga laa mee gu hai laa, aagai ia gu hagadonusia hogi, go hiidinga ia gu lele ono mouli i agoago a Tagi Maolunga.

Acts 4:36

Gai Joseph, taane e hagaingoo ange laa go Barnabas (e bei go “taane e hagammahi ina ange lodo o dangada”) gai se dangada de aamuli o Levi mai i Cyprus,

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

1 Timothy 6:18

Gilaadeu gi haia tanuaa, ma de hagaduu ngae i denga hegau danuaa, gai gilaadeu gi paba ange ma de malangilangi i de abodonu ange gi dangada.