Romans 12:7 - De Beebaa Dabu

⁷ noo go de bale ange dangada, gai gidaadeu gi balea ange dangada; noo go de agoago, gai tangada gi agoago;

Romans 12:7 Referans Kwoze

Ephesians 4:11

Gai ia ne hai hanu gi ni dangada tala, hanu ni pelaabisi, hanu ni dangada e hagadele ina de longo danuaa, hanu ni dangada agoago taumaha, gai hanu ni dangada agoago,

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

1 Timothy 5:17

Denga dagi e kana ange laa i alaadeu hegau, gi laumalie ange delaadeu hagadubu, gai go gilaadeu donu e daalaa ma de agoagona muna a de Maadua e kii ange delaadeu hagadubu.

Acts 13:1

De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul.

2 Timothy 2:24

Gai tangada hai hegau o Tagi Maolunga gi dee se dangada e lodo e hagadaumee; aagai ia gi abodonu ange gi dangada alodahi, ia gi maua i de agoago ange dangada, gai gi dee golo age de baubau.

2 Timothy 2:2

gai koe daohia au mee gu langona dagu tala i mada i mua o de gau tala hagadonu soa, gai koe ga agoagona ange ai gilaadeu e hai hegau i de mee abodonu, gai gilaadeu e maua hogi i de agoago ange ai de gau ange laa.

1 Timothy 4:16

Koe gi dagidiiloo iho oo dagodo aama dagodo o au mee e agoago. Koe gi lodo mmahi i de hai mee nei, go hiidinga noo koe e hai mee nei, aagai koe gu hagamouli goe aama gilaadeu e hagalaangona au muna.

1 Timothy 3:2

Tangada e dagi i de nohoanga dabu, gi deai ono mee e hagabaubau ina ai; gai gi dahi donu huu ono bodu, ia gi dee unu gi senga, ia gi maua i de golomagi ono lodo, gai gi se dangada e hagadubu i daho dangada, ma de abodonu ange gi dangada i dono hale, gai ia gi maua i de agoago;

1 Timothy 2:7

Deenei de hiidinga oogu ne hilia ai nei gi se dangada agoago, gai gi se dangada tala — au e tala adu de muna abodonu, au e dee hadu muna — gai se dangada e agoagona ange denga Gentile i de gai ma de mee abodonu.

Colossians 4:17

Gai goodou hai ange gi Archippus, “Koe gi diiloo hagalava ina tuuhanga hegau a Tagi Maolunga gu gaavadu koe gi haia.”

Galatians 6:6

Gai tangada e agoagona muna a de Maadua i daho dahi dangada, gi balea ange hogi tangada laa i ana mee danuaa alodahi e hanu.

1 Corinthians 12:28

Gai de Maadua gu lava i de hili denga duuhanga i lo te nohoanga dabu, tahi go de gau tala, de lua go denga pelaabisi, tolu go de gau agoago, ma de gau e haia mee hagalele mouli, ga lava go gilaadeu e hagaieiangi ina magi, ma gilaadeu e balea ange dangada, ma de gau hagaseesee, aama gilaadeu e pasa i denga hagadaagangaa muna.

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Acts 20:20

Gai au tee hagammuni donu dahi mee, gai ne agoago adu goodou i mee e haigamaiana adu gi goodou, ma de agoago adu goodou i de mommee iai dangada soa aama oodou hale,

Acts 6:1

Gai de masavaa huu ne kii ange ai de soa dangada gu hagadonusia, gai denga daina e pasa Greek laa ne nnanu i denga daina e pasa Hebrew laa, i hiidinga gilaadeu e dee tilo danuaa ange alaadeu haahine gu maakau olaadeu bodu i de masavaa e duha ai gai i laangi alodahi.

John 3:2

Taane nei ne humai gi daho Iesu i de boo, ga ssili ange gi de ia, “Tangada Agoago, gimaadeu e iloo, bolo koe se dangada agoago ne humai i daho de Maadua. Gai e deai ange donu se dangada e maua i de hai denga hagailonga aau e hai naa, noo de Maadua e dee noho i ono daha.”

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Isaiah 21:8

Gai tangada dagitilo ne oo ga hagadaba, “Dogu dangada aamua, laangi alodahi, gai au e duu i de mommee dagitilo; boo alodahi gai au e duu i dogu mommee.

Ecclesiastes 12:9

Tangada Agoago e dee se heiangi donu huu, aagai ia e agoago ange hogi dangada i de iloo mee. Ia ne hagasaele ma de ssala gi donu ange ia, ma de hagamaumau ma de hagatau muna heiangi.

Psalm 51:13

Gai au ga agoago ange ai de gau haisala oo haiava, gai gilaadeu e aahe mai naa gi de goe.

Psalm 34:11

Agu dama, loomai hagalaangona agu muna; gai au ga agoago adu goodou i de madagu i Tagi Maolunga.

1 Samuel 12:23

Gai au, au e dee haisala ange naa donu gi Tagi Maolunga ga tuu ai dogu dalodalo i oodou hiidinga. Gai au e agoago adu naa goodou i de mee danuaa aama de mee heohi.

Deuteronomy 33:10

Gilaadeu e agoago ange naa Jacob i au hagamodu; gai agoagona de gau Israel i au hainga. Gilaadeu gi haia ssigidaumaha o mee maanongi i oo mada i mua, gai gi haia sigidaumaha dudu i honga dau mommee o ssigidaumaha.

1 Corinthians 12:5

e lagolago donu hagadaagangaa hegau, aagai Tagi Maolunga e dahi donu huu;

1 Corinthians 14:26

Denga daina, dee hee ai tagodo o mee i doodou masavaa e hagabuni ai? Dahi dangada e hai dahi daahili, e dahi se agoago, e dahi dangada e dahi ana mee e hagaago adu, dahi e basa i denga hagadaagangaa muna, aabe e hagadonu muna laa. Gai haia mee alodahi gi hagadagadaga age ai alodahi.