Romans 12:18 - De Beebaa Dabu

¹⁸ Gai noo se mee e maua e goodou i de hai, gai goodou gi nnoho i de baba madali dangada alodahi.

Romans 12:18 Referans Kwoze

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

Romans 14:19

Deenei ai, gidaadeu ga hagaduu ngae e nnoho hagabuni i de baba ma de hagadau hagammahi odaadeu lodo.

Matthew 5:9

E manuuia gilaadeu e hagadanuaa ina magavaa o dangada; gilaadeu e hagabinga naa go dama a de Maadua!

2 Corinthians 13:11

Denga daina, dagu hagaboo adu gi goodou. Goodou gi heohi abodonu, goodou hagadau hagammahi ina goodou ma de nnoho hagabuni i de baba, gai de Maadua o de aloha ma de nnoho paba gi noho madali goodou.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Mark 9:50

Soolo se mee danuaa; aagai noo gu dee mami soolo, gai dee hee ai de hai e hagaahe ange ai e hai gi mami soolo? Haia gi dagodo soolo i oodou lodo, gi maua ai e goodou i de nnoho hagabuni i de baba.”

Proverbs 12:20

De daahanga dangada e dagodo i lodo dangada e hagatau ina de hai de baubau, aagai gilaadeu e haia laa gi sula de nnoho paba e malangilangi.

1 Peter 3:11

Ia gi hano gee i de baubau gai gi haia tanuaa; gai ia gi hagaduu ngae gi saalaa de nnoho paba.

2 Timothy 2:22

Gai koe savini hano gee i lodo dee heohi o denga dama daane mmodo, gai dolohia de heohi, ma de gai, ma de aloha, ma de nnoho paba, madali gilaadeu alodahi e dalodalo ange gi Tagi Maolunga i de lodo e gilimalali.

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

Psalm 34:14

Koe gi hano gee i de baubau, gai haia tanuaa; ma de ssala gi maua e goe de noho paba.

1 Thessalonians 5:13

Gai gi kii ange doodou hagadubu gilaadeu ma de aaloha i gilaadeu, i hiidinga o alaadeu hegau. Gai goodou gi nnoho hagabuni i de baba.

Ephesians 4:3

Gai hagaduu ngae nnoho hagabuni i ssauaa o de Hagasaalunga ⌊Dabu⌋, i de baba e haia laa gi buni goodou.

Matthew 5:5

E manuuia gilaadeu e daudonu; go gilaadeu e henua i henua i lalo!

1 Corinthians 7:15

Aagai noo tangada tigi hagadonusia laa gu lodo e maavae ange gi dono bodu, gai gi dugua ange. Noo deenei tagodo, gai taane be go de hine gu hagadonusia laa gu dee noodia i de hainga o de hai bodu. De Maadua gu hagahi gidaadeu gi nnoho i de baba.

2 Samuel 20:19

Au se hine madali gilaadeu e llodo i de nnoho paba ma de hai hegau i de muna abodonu i Israel; goodou gu loomai e oha dahi aduhale hagamogomogo i Israel. Gai gu aha goodou gu llodo ai naa e oha de boolonga o Tagi Maolunga?”

Proverbs 3:30

Aude hagadaumee ange gi dahi dangada i teai hiidinga, gai tigi ai se baubau aana ne hai adu gi de goe.

Matthew 5:24

gai koe dugua dau mee ngadi gaavange i gaogao de mommee o ssigidaumaha, gai koe hannoo i mua hagadanuaa ina ooluu magavaa ma doo daina, gai koe ga aahe mai ga gaavange dau mee ngadi gaavange.

Romans 1:15

Deenei ai, au gu lodo mmao hogi e agoago adu de longo danuaa gi goodou e nnoho i Rome.

Genesis 21:24

Abraham ne hai ange, “Au e hagatoo donu.”

Judges 11:14

Gai Jephthah ga kave ange hogi hanu dangada gi hulo gi daho de hodooligi o de gau Ammon,