Romans 12:15 - De Beebaa Dabu

¹⁵ Malangilangi madali gilaadeu e malangilangi, gai tangi madali gilaadeu e tangi.

Romans 12:15 Referans Kwoze

1 Corinthians 12:26

Noo dahi diba o de angaanga gu duasala, gai de angaanga alodahi gu duasala; noo dahi diba o de angaanga gu hagadubulia, gai diba alodahi gu malangilangi.

Hebrews 13:3

Goodou manadua gilaadeu e nnoho i lodo hale pono, e dagodo be go goodou e nnoho donu madali gilaadeu i lo te hale pono, ma gilaadeu e vaivai haia, e dagodo be go goodou donu e vaivai haia.

De Beebaa go Job 30:25

E aha, au tee dangi laa i gilaadeu gu hai ngadaa? E aha, au tee hinangalosaa laa i de gau hagaau aloha?

Luke 1:58

Gai dangada e paa ange gi de ia aama dangada i dono huaabodu gu langona bolo Tagi Maolunga gu lodo aloha ange gi de ia, gai gilaadeu gu malangilangi madali ia.

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Jeremiah 9:1

Mee naa gi se saalingaa vai dogu biho gai luoogu mada gi se vai e ssali ai loimada! Gai au ga dangi ai i de laangi ma de boo i hiidinga de daaia ga maakau o ogu dangada!

Philippians 2:26

Go hiidinga ia gu kona mmao dono buliaamoou i goodou alodahi, ma dono daemaha i hiidinga ia gu iloo bolo goodou gu langona bolo ia nogo magi.

2 Corinthians 11:29

Goai ne baageaa laa, gai au tee baageaa madali ia? Gai goai ne ahe dua laa, gai au tee daemaha ogu lodo?

2 Corinthians 2:3

Au ne sisi adu agu muna i mua, gi dee daemaha ai ogu lodo i goodou, de masavaa oogu e dae adu ai, gai go goodou donu e hagamalangilangi ina ogu lodo. Gai au e dahi donu agu tali adu gi goodou alodahi, bolo au e malangilangi naa donu madali goodou.

John 11:19

Gai gu soa dangada Ssuu ne loomai gi daho Martha ma Mary e hagaaneane ange ai gilaau, i hiidinga de magau o delaau daina daane.

De Beebaa go Job 2:11

Gai soa dogodolu o Job, go Eliphaz taane Teman, ma Bildad taane Shuah, aama Zophar taane Naamah, gu langona e gilaadeu dagodo o denga hai ngadaa alodahi gu hai ange gi de ia, gai gilaadeu ne hagabuni ga loomai gi ono daha, mai i olaadeu mommee, e hagamaamaane ma de hagaaneane ono lodo.

Nehemiah 1:4

De masavaa huu aagu ne langona ai muna nei, gai au gu dangi. Gai au ne daemaha ogu lodo ma de hagahiigai aama de dalodalo ange gi de Maadua o de langi i hanu laangi.

Philippians 2:28

Gai au gu kii ange donu dogu lodo e hai ia gi hanadu gi oodou daha, gi malangilangi ai goodou i doodou gidee ia, gai gi dee kona ai dogu manavasaa i goodou.

Ecclesiastes 3:4

e dahi masavaa e tangi ai, gai e dahi hogi masavaa e kada ai; e dahi masavaa e hinangalosaa ai, gai e dahi hogi masavaa e aanu ai;

Jeremiah 38:12

Gai Ebed-Melek, taane Ethiopia ne hai ange gi Jeremiah, “Dugua ange malo duai naa ma de masaesae haaligi ina ai lalo luoo ahinga i de mommee e dugu ange aagena denga daula.” Gai Jeremiah ne hai ga bei ana muna,